توفي


توفي

منتدي كلية رياض الأطفال جامعة المنصورة توفي
 
الرئيسيةtofiمكتبة الصورس .و .جبحـثالأعضاءالتسجيلدخول

شاطر | 
 

 برمج عقلك

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2, 3
كاتب الموضوعرسالة
»•¤©§|عروسة البحر|§©¤•«
عضو ذهبي
عضو ذهبي
avatar

الجنس : انثى

العمر : 22

الابراج : الدلو

العمل : لسه طالبه علي قدي
مودك ايه؟ : افكر
عدد المساهمات : 1497
نقاط : 5169
تاريخ التسجيل : 02/05/2009
الموقع : http://tofi.ahlamontada.com

مُساهمةموضوع: رد: برمج عقلك   الإثنين 19 يوليو 2010 - 14:30

ميرسي اوووي يا ساين تيست بجد انت ردك دا فرحني اووي
وعموما هو شرف للتوبيك انو يعجبك
ويارب نقدر نستفيد من التوبيك دا
وان شاء الله الحلقات هتعجبك
وعشان خاطرك هجيب الحلقة اللي جاية حالا
رغم اني كنت ناوية اخرها شوية
احم يلا بقي

_________________
عروسة البحر"أريل"


الرجوع الى أعلى الصفحة اذهب الى الأسفل
http://tofi.ahlamontada.com/
»•¤©§|عروسة البحر|§©¤•«
عضو ذهبي
عضو ذهبي
avatar

الجنس : انثى

العمر : 22

الابراج : الدلو

العمل : لسه طالبه علي قدي
مودك ايه؟ : افكر
عدد المساهمات : 1497
نقاط : 5169
تاريخ التسجيل : 02/05/2009
الموقع : http://tofi.ahlamontada.com

مُساهمةموضوع: رد: برمج عقلك   الإثنين 19 يوليو 2010 - 14:33

عن الحــــــــب وكــــده!


هل متردد في اختيار شريك حياتك ومش عارف هو مناسب ولاّ لأ؟؟؟
هل مشاكلك زادت مع زوجتك وبتحاول تصلح العلاقة؟؟
هل حاسس إن فيه شروخ في علاقتك مع شريكك؟؟
هل بتحس ساعات إنه مش فاهمك وإنت مش فاهمة؟؟


الحب.. أقوى عاطفة إنسانية على الإطلاق.. مافيش حد يقدر ينكر طبعا..
بيقولوا إن الحب أعمى وإن الواحد مش ممكن يفكر لما بيحب.. والاعتماد بيكون على القسمة والنصيب.. وبيقولوا إنك لو حبيت حد مش مناسب فلازم تضحي عشانه مهما كان حجم التضحية.. لأن كلما زادت التضحية كان ده دليل أقوى على الحب..!!!!!!!!!!!!!

هل الكلام ده صح؟؟
الإجابة هي: طبعا لأ..
الكلام ده مش صح..


فيه قواعد حطها الباحثين وخبراء العلاقات الإنسانية عشان تنجح أي علاقة.. لكن للأسف احنا ماعندناش أي فكرة عنها.


الدنيا ربيع والجو بديع!!





فيه حكمة أمريكية شهيرة بتقول:
مافيش أي شيء مؤكد في حياتنا غير: الموت والضرايب!!
وأضاف د." فيل":............. والإحباط!
كتاب: (Relationships Rescue)


الإحباط فعلا شيء مؤكد في حياتنا كلها ولازم نتعامل معاه...
هتحبط في العمل مثلا.. في الدراسة.. في البيت.. في ال****..
وأكيد أكيد.. هتلاقي إحباط.. في الحب!!

لما بنحب بنلاقي كل حاجة حلوة.. الدنيا ربيع والجو بديع والعصافير بتصوصو حواليك ومافيش أي مشاكل في الحياة.. كله رائع وجميل.. لكن هل الحالة دي بتستمر؟؟


طيب.. عشان نعرف إيه هو الموضوع لازم نتكلم عن مراحل الحب:


المرحلة الأولى: مرحلة الانبهار
في المرحلة دي بتكون العلاقة لسه في أولها.. لسه عارفين بعض والكيوبيد لسه رامي سهمه في قلوبهم.

تتميز المرحلة دي بالتالي:
بتشوف الشخص اللي بتحبه على إنه (كامل) ومافيهوش أي نقص.. ظريف ودمه خفيف وبتبقى سعيد وإنت معاه وكده يعني.. باختصار: بتحس إنه (كامل)..

والمرحلة دي هي اللي أنتجت كل قصائد الحب والأغاني في التاريخ الإنساني.. لأنها -زي ما احنا عارفين كلنا- أروع ما في العلاقات الإنسانية..

شيء مهم جدا: احذر الارتباط في المرحلة دي!

المرحلة التانية: الاكتشاف
هي مرحلة إنكم تعرفوا بعض أكتر..

بمرور الوقت هتكتشف إن الشخص اللي بتحبه مش كامل زي ما كنت فاكر.. هتكتشف فيه عيوب وحاجات ماكنتش تعرفها.. بل وحاجات بتضايقك كمان.

هل ده طبيعي؟؟

الاجابة: طبيعي تماما.. ولما تلاقي ده بيحصل اعرف إنك ماشي صح..
في المرحلة دي بتختفي الصورة المزيفة الي كنت شايفها في مرحلة الانبهار.. هتشوف الشخص ده على طبيعته وفي الوقت ده تقدر تقرر.

كيف نتعامل مع هذه الاختلافات؟؟
فيه جملة مشهورة جدا بيقولها المحبين في المرحلة دي:
احنا عشان بنحب بعض.. هنتغير احنا الاتنين..
هل ده صح؟
الإجابة: الباحثين بيقولوا: غلط طبعا!!

لنجاح أي علاقة، لازم تحترم اختلاف الآخر وماتحاولش تغيره مطلقا..

بكرر: ماتحاولش تغير شريك حياتك.. حاول تتعايش مع الاختلاف وتوضح له اللي بيضايقك.. بس!!

في المرحلة دي تأكد من إنك عرفت الاختلافات اللي في الشخص ده كويس..

واسأل نفسك:
هل لسه بحبه رغم الاختلافات دي؟
هل هاقدر أتعايش مع الاختلافات دي؟؟
هل هيحصل صدام بسبب الاختلافات دي؟؟
هل الصفة دي جزء من هويته وتكوينه؟
طبعا فيه تضحيات في الحب.. لكن ما حدود التضحية؟؟


The identity

كل واحد فينا عنده هوية شخصية.. هي اللي بتحسسه بالثقة والإحساس بذاته.. ومن غيرها يفقد تقديره لذاته..
إنت بتنظر لنفسك ازاي؟؟
إنت مين؟
إيه صفاتك؟


كل واحد فينا عنده ثوابته ومبادئه أيا كانت... دينية، اجتماعية، ثقافية..
حاجات ماينفعش تتغير فيه..


واحد ملتزم (هويته): القرب من الله هو طريق السعادة.
واحد متحرر (هويته): لا زم أنبسط قدر الإمكان.. باكره الزعل..
واحد مصلح (هويته): هدفي أصلح البلد..
وكده يعني..

كل واحد له هويته اللي بتحدد نمط حياته..

زي ما قلنا: الاختلاف طبيعي بين أي اتنين بينهم علاقة.. بس أهم حاجة:
الهوية دي ماتكونش متضاربة..

يعني ضحي بأي حاجة إلا هويتك.. لو حد منكم ضحى بهويته هيتعب ومش هيقدر يكمل..


مثال لهويات متضاربة:


واحد متشدد - راقصة باليه!!!
عربي مخلص - إسرائيلية بتكره العرب!!
واحد عايز يصلح المجتمع - واحدة عايزة تعيش حياتها!!
كده يعني..
فهمتم قصدي إيه؟

أي خلافات تانية ممكن تتحل..
يعني مثلا:

واحد بيحب الكورة - هي بتحب الموسيقى..
هو بيحب القراءة قبل النوم - هي بتحب الفرجة على التليفزيون..
هو بيحب المحشي - هي بتحب الريجيم..
كده يعني..

دي حاجات مش في صميم الهوية الشخصية للواحد منهم.. كلها حاجات ممكن يوجد لها حل وسط..
لكن ماتحاولش أبدا تغير الشخص التاني زي ما قلنا.. ماتجبرهاش تحب الكورة مثلا.. ماتجبريهوش يبطل قراءة ويتفرج على التليفزيون..

أي حلول وسط زي:
إنتِ تتفرجي على التليفزيون وهو قاعد جنبك يقرا!! بس كده..
نجاح العلاقة بيعتمد على إن: كل واحد يقبل التاني زي ما هو من غير ما يسعى لتغييره.. وهو ده اللي بيسموه
the unconditional love
أو الحب غيرالمشروط.

أي خلاف بينك وبين شريكك لو كان فيه أي حاجة (أيا كانت) ممكن تتعايش معاه.. إلا لو اختلاف في (الهوية)!!
ما أهم قيمة في حياتك؟؟
جميل.. لا تتنازل عنها إذن!!
حافظ على هويتك وماتضحيش بيها واسأل نفسك: لو ماغيرتش هويتي أو هي غيرت هويتها.. هل هتستمر العلاقة؟؟

لو إجابتك هي: نعم..
يبقى ألف مبروك مقدما..
وابقوا اعزمونا على الفرح....



وأنتظروا الحلقة القادمة من (برمج عقلك)

_________________
عروسة البحر"أريل"


الرجوع الى أعلى الصفحة اذهب الى الأسفل
http://tofi.ahlamontada.com/
scientist elgeel
عضو ذهبي
عضو ذهبي
avatar

الجنس : ذكر

العمر : 26

الابراج : الميزان

العمل : Treasure of SIFE Mansoura
مودك ايه؟ : افكر
عدد المساهمات : 673
نقاط : 3877
تاريخ التسجيل : 14/12/2009

مُساهمةموضوع: رد: برمج عقلك   الإثنين 19 يوليو 2010 - 16:17

اولا شكرا لترحيبك وشكرا عالحلقة اللي نزلت بدري دي
بس فعلا الحلقة تحفة والكلام اللي فيها بيحصل دايما
والمرحلة التانية دي كمان مهمة جدا لانها محتاجة ان الاتنين يكونو على دراية بان اللي بيحصل دا طبيعي وانهم مايحسوش انهم بدأو يتصدمو لكن بالعكس المفروض كل واحد فيهم يبدأ يكتشف التاني أكتر ويحاول يتفهم طبيعة حياته وتفكيره و يحاول يعرف العيوب اللي فيه دي نتيجة لطبع فيه او هوية ولا نتيجه لظروف محيطه بيه او مجرد انه مش فاهم الصح
لاننا لازم نقتنع ان مفيش حد كامل لكن اهم حاجة اننا نتكيف مع اللي قدامنا ونحاول نغير عيوبه ودي النقطه التانية اللي عاوز اكلم فيها
احنا طبعا المفروض نتمسك بهويتنا لكن مفيش مانع اننا نغير حاجه فينا لما نحس انها غلط وكمان احنا ممكن تكون في حاجة مش من اهتمماتنا بس من اهتمامات الآخر فأكيد مفيش مشكلة من اننا نهتم بيها مش بس لمجرد اسعاده او مشاركته لكن كمان عشان اهتمامنا بحاجة جديدة بيكسبنا مهارة جديدة وبيضيف لينا مدام حاجة صح
معلش بقى لو طولت عليكي ومستني المزيد من الحلقات ان شاء الله
وشكرا تاني لمجهودك
الرجوع الى أعلى الصفحة اذهب الى الأسفل
fox
عضو بيحاول يقول حاجه
عضو بيحاول يقول حاجه
avatar

الجنس : ذكر

العمر : 28

الابراج : الميزان

العمل : ass.manger in promo art company
مودك ايه؟ : افكر
عدد المساهمات : 278
نقاط : 3279
تاريخ التسجيل : 16/12/2009

مُساهمةموضوع: رد: برمج عقلك   الثلاثاء 20 يوليو 2010 - 0:45

بأمانه مش عارف ارد من انبهارى بفكرة التوبك ده
والحلقات الجامده جدا اللى بتعلم الشباب حاجات جميلة
وبأمانه اقدر أقولك ان ده اجمل توبك قريته على المنتدى من يوم ما اشتركت
وربنا يوفقك فى الجاى
fox......
الرجوع الى أعلى الصفحة اذهب الى الأسفل
bedo
عضو ذهبي
عضو ذهبي
avatar

الجنس : ذكر

العمر : 27

الابراج : العذراء

العمل : chemist
مودك ايه؟ : افكر
عدد المساهمات : 2667
نقاط : 6230
تاريخ التسجيل : 22/06/2009

مُساهمةموضوع: رد: برمج عقلك   الثلاثاء 20 يوليو 2010 - 6:35

ماتحاولش تغير شريك حياتك.. حاول تتعايش مع الاختلاف وتوضح له اللي بيضايقك.. بس!!

ايون كده مستنى انا حلقه الحب دى من زمان

وعجبتنى اوى الجمله دى ... وهى السبب ف اى فصال او خلاف بيحصل اليومين دول

وده بقه بيحصل كتير اوى ... كل واحد عاوز يمشى التانى ع مزاجه وده مش حب

اما بالنسبه للهويه .... اعتقد انك لو حسست حبيبك بشخصيته واد ايه هو مهم عندك زى ما هو

هتفضل علاقتكو ناجحه باذن الله ... ولازم الطرف التانى يكون مقدر منك ده

واهم شئ ازاى تتعامل مع حبيبك ..... تكيف نفسك معاه ومع اسلوبه وطريقته وتفكيره
من غير ما تتغير انت

ولو ان ف حالات كانت نتيجتها التغيير ف الطباع من الاسوا للاحسن .... وده جميل

بس بيبقى نادر

مجهودك رائع و زى ما قالو الشباب

ده من اجمل المواضيع ف المنتدى
الرجوع الى أعلى الصفحة اذهب الى الأسفل
cindrella
ஐسندريلا المنتديஐ
ஐسندريلا المنتديஐ
avatar

الجنس : انثى

العمر : 26

الابراج : السمك

العمل : لثه طالبة
مودك ايه؟ : مبسوط
عدد المساهمات : 4682
نقاط : 9314
تاريخ التسجيل : 02/05/2009
الموقع : http://tofi.ahlamontada.com/

مُساهمةموضوع: رد: برمج عقلك   الأربعاء 21 يوليو 2010 - 3:22

بعد طوووووووووووووووووول غياب رجعت لبرمج عقلك

حلقات جامدة جامدة بجد يا سوسو

تسلم ايديكي

عمل شغل جامد الموضوع ده الايام اللي فاتت

فاهماني هاااا

لا بجد تسلم ايديكي يا حبي مجهود راااائع

_________________




كان أولي بيا النوم لكني صحيت .. مشغول بجرح بـيـسري في روحي
جربت اضحك ع اللـيالـي بـكــيـت .. مقدرتش اعلي في يوم علي جروحي

سكت الكلام في القلب ماقلتوش

الرجوع الى أعلى الصفحة اذهب الى الأسفل
http://tofi.ahlamontada.com
»•¤©§|عروسة البحر|§©¤•«
عضو ذهبي
عضو ذهبي
avatar

الجنس : انثى

العمر : 22

الابراج : الدلو

العمل : لسه طالبه علي قدي
مودك ايه؟ : افكر
عدد المساهمات : 1497
نقاط : 5169
تاريخ التسجيل : 02/05/2009
الموقع : http://tofi.ahlamontada.com

مُساهمةموضوع: رد: برمج عقلك   الثلاثاء 17 أغسطس 2010 - 14:49

انا جييييييييييييييييييييت
معلش ياحلي اعضاء في الدنيا سامحوني علي التاخير
بجد كان غصب عني
بس ان شاء الله هجيب الحلقة حالا
انتظرونا

_________________
عروسة البحر"أريل"


الرجوع الى أعلى الصفحة اذهب الى الأسفل
http://tofi.ahlamontada.com/
»•¤©§|عروسة البحر|§©¤•«
عضو ذهبي
عضو ذهبي
avatar

الجنس : انثى

العمر : 22

الابراج : الدلو

العمل : لسه طالبه علي قدي
مودك ايه؟ : افكر
عدد المساهمات : 1497
نقاط : 5169
تاريخ التسجيل : 02/05/2009
الموقع : http://tofi.ahlamontada.com

مُساهمةموضوع: رد: برمج عقلك   الأربعاء 18 أغسطس 2010 - 1:50

(سأحكيلك قصة= فاصل اعلاني)

[center]في يوم من الأيام.. دخلت أحد المبان قاصدا أحد الطوابق العليا.. فاستدعيت الأسانسير ( المصعد) و وقفت في انتظاره.. و بعد قليل جاء شخص آخر يريد الأسانسير..
لاحظ معي ماذا فعل :حياني في أدب ثم ضغط زر استدعاء الأسانسير و وقف إلى جواري ينتظر
..
هل لاحظت شيئا غريبا ؟
لقد رآني و أنا واقف في انتظار الأسانسير.. و على الرغم من ذلك ضغط زر استدعاء المصعد !
أمال أنا واقف باعمل إيه يعني ؟ لا أتأمل جمال المصعد طبعا لو اعتقدت هذا.. لقد ضغطت الزر قبله بالتأكيد, لأنني واقف أنتظر المصعد ! بالتأكيد يحدث لك هذا الموقف كثيرا .. أليس كذلك ؟
هل تعرف التفسير العلمي لما حدث ؟(البرمجة السابقة)تبدأ عقولنا في تخزين جميع خبراتنا و تجاربنا السابقة ... و نبدأ في التصرف و الحكم على الأشياء من خلال هذه التجارب و الخبرات دون تفكير.. و بعد ذلك نقوم بالتصرفات التلقائية التي تمت برمجتنا عليها.. دون أن نحاول أن نلاحظ ما إذا كانت صحيحة أم لا..فاهم حاجة ؟؟ طيب بلاش .. خد المثال ده أبسط :اقرأ معي بسرعة الجمل المكتوبة في المثلثات:


بالتأكيد لمتلاحظ أن كلمة (في) مكتوبة مرتين .. أليس كذلك ؟ هل تعرف ماذا حدث ؟طبقا لخبراتك السابقة .. فقد تمت برمجة عقلك أن كلمة ( في ) لا تكتب سوى مرة واحدة في الجملة.. لذلك لم يراها عقلك و جعلك ترى الجملة ( في ضوء تجاربك السابقة )
لا كما يجب أن تراها !ما أقصده بهذه الأمثله هو أن أوضح أننا نرى العالم طبقا لبرمجتنا السابقة فقط.. لا كما يجب أن نراه.. نحن لا نرى الحقيقة لكننا نراها في ضوء تجاربنا نحن !!(أختلف معك)حين نختلف مع شخص ما في الرأي, يتمسك كل منا برأيه الذي كونته خبراته و تجاربه السابقة..حاول ان ترى الصورة الحقيقية.. ليس كل ما تراه صحيحا هو – بالضرورةصحيح...! لأنك ما تراه هو ما تمت برمجة عقلك عليه .. ألم تخطئ منذ قليل في قراءة حرف (في) الزائد ؟اعد التفكير في كل ما تراه صحيحا بالنسبة لك.. اقبل النقاش وأعد النظر في أفكار من يختلفون معك... إنهم – فقط – لم تكن لهم تجاربك السابقة التي تؤهلهم كي يفكروا مثلما تفكر.. لماذا لا تتقبل فكرة أنهم ربما يكونون على شيء من الصواب ؟حاول أن تتفهم وجهة نظر الآخرين و لا تتمسك برأيك دائما لمجرد أنه رأيك.. أعد النظر في برمجتك السابقة و لا تفترض دائما أن كل ما تراه صوابا و بديهة هو – بالضرورة – صوابا و بديهة !(الفيل والعميان)يحكى أن ثلاثة من العميان دخلوا في غرفة بها فيل.. وطلب منهم أن يكتشفوا ما هو الفيل ليبدأوا في وصفه..بدأوا في تحسس الفيل و خرجكل منهم ليبدأ في الوصف :قال الأول : الفيل هو أربعة عمدان على الأرض !قالالثاني : الفيل يشبه الثعبان تماما !و قال الثالث : الفيل يشبه المكنسة !وحين وجدوا أنهم مختلفون بدأوا في الشجار.. و تمسك كل منهم برأيه و راحوا يتجادلون ويتهم كل منهم أنه كاذب و مدع !بالتأكيد لاحظت أن الأول أمسك بأرجل الفيل والثاني بخرطومه, و الثالث بذيله..كل منهم كان يعتمد على برمجته و تجاربه السابقة.. لكن .. هل التفتّ إلى تجارب الآخرين ؟(من منهم على خطأ)في القصة السابقة .. هل كان أحدهم يكذب ؟ بالتاكيد لا .. أليس كذلك ؟من الطريف أن الكثيرين منا لا يستوعبون فكرة أن للحقيقة أكثر من وجه.. فحين نختلف لا يعني هذاأن أحدنا على خطأ !! قد نكون جميعا على صواب لكن كل منا يرى مالا يراه الآخر !(إن لم تكن معنا فأنت ضدنا !) لأنهم لا يستوعبون فكرة أن رأينا ليس صحيحا بالضرورةلمجرد أنه رأينا !لا تعتمد على نظرتك وحدك للأمور فلا بد من أن تستفيد من آراءالناس لأن كل منهم يرى ما لا تراه .. رأيهم الذي قد يكون صحيحا أو على الأقل , مفيدلك !
يستطيع الفيل أن يرفع بخرطومه حمولة وزنها طن بينما في السيرك تجد هذا المخلوق العظيم يقف بهدوء مربوطا إلى جانب قطعة خشب بسيطة.
ليس في الأمر غرابة؟؟؟
ففي صغره قبل أن يصبح قويا كان الفيل يربط بسلسلة موصولة بعمود حديدي ثابت يستحيل عليه التخلص منه, مهما حاول.
وفي مراحل نمو الفيل وكلما زادت قوته فإنه لا يحاول كسر القيد مرة أخرى. لم ؟؟


الإجابة بكل بساطة لأنه يعتقد أنه ... لا يستطيع.

العديد منا يتصرف مثل فيل السيرك فيبقي نفسه مقيدا وأسيرا في تفكيره وفعله طوال حياته هو لا يحاول أبدا أن يتقدم إلى أبعد من الحدود التي وضعها لنفسه لذا تجده دائما ما يكرر كلمات لا استطيع .. لا أقدر...

الخلاصة:
يستطيع الآخرون إعاقتك أو توقيفك عن تحقيق إنجازاتك ... مؤقتا

ولكنك أنت نفسك الوحيد الذي يستطيع إعاقة نفسه دائما
وباستمرار تذكر إن مهاراتك وقدراتك ومواهبك لن تكون ذات قيمة إلاّ إذا عرفتها ولن تكون ذات فائدة ما لم تستثمرها.
كلمة أخيرة:
البالون لا يطير بسبب لونه بل بما في داخله.[/center]

_________________
عروسة البحر"أريل"


الرجوع الى أعلى الصفحة اذهب الى الأسفل
http://tofi.ahlamontada.com/
scientist elgeel
عضو ذهبي
عضو ذهبي
avatar

الجنس : ذكر

العمر : 26

الابراج : الميزان

العمل : Treasure of SIFE Mansoura
مودك ايه؟ : افكر
عدد المساهمات : 673
نقاط : 3877
تاريخ التسجيل : 14/12/2009

مُساهمةموضوع: رد: برمج عقلك   الأربعاء 25 أغسطس 2010 - 12:46

التوبيك كالعاده تحفة وكاني غبت كتيييير عن المنتدى ورجعت عشان اتواصل في برنامج عقلك

الحلقة دي بتكلم عن موضوع حيوي جدا جدا لانه هو السبب في العلاقة القوية والجميلة بين الاشخاص وهو برضه اليبب الاكبر في الخلافات بين الناس.
لو بصينا حولينا هنلاقي ان اى أصدقاء علاقتهم قوية ببعض بيبقى بسبب التفاهم بينهم واي بيت ناجح بنلاقي دايما فيه تفاهم بين الاب والام والابناء، بس ياترى التفاهم دا بسبب ان الناس المتفاهمة مع بعضها ليها نفس الميول ونفس طبيعة الحياه ونفس التفكير؟؟!!
اكيد لأ لاننا ممكن نلاقي اتنين اصحاب اوي بس التنين مختلفين عن بعض في حاجات كتير، عشان كده بنلاقي السبب الرئيسي فالعلاقات الناجحة هو تبادل الآراء ووجهات النظر مع الاخرين وتقبل الرأي الآخر والاقتناع ان انا مهما اكون متاكد اني صح بس ممكن اكون غلطان او شايف الموضوع بطريقة نتيجة البرمجة العقلية او التعود غلط او ممكن اكون انا صح وغيري صح بس كل واحد بيكلم من مبدأ ومنطلق مختلف
عشان كده فعلا لازم نغير نظرتنا للامور من جانب واحد ونحاول نتحكم اكتر في تفكيرنا ونشوف خبايا كل موضوع قبل الحكم عليه ونراعي وجهات نظر الآخرين...
وبالنسبة للبرمجة العقلية فدي حاجة نفسية فالانسان بس اعتقد حلها ان الانسان كل فترة لازم يقيم كل تصرفاته مهما كانت صغيرة ويشوف هو بيعمل كده ليه ومايقيدش نفسه بحاجة معينة لمجرد التعود ولازم يراعي النمو العقلي ليه وان كل حاجة فالدنيا ليها تطور طبيعي بمرور الوقت وعلى كده لازم يقوم تفكيره وطموحاته ويطورهم
يعني مثلا واحنا صغيرين كل واحد بيقول انا نفسي ابقى ظابط او دكتور لكن لازم لما نكبر شوية نبدأ نشوف قدراتنا هتأهلنا لأيه وهكذا....

وطبعا على النقيض، عدم التفاهم والاقتناع براي وعدم تبادل الآراء مع الغير بنلاقيه السبب في كل الخلافات بين الافراد.....

آسف للاطالة وتقبلي مروري
الرجوع الى أعلى الصفحة اذهب الى الأسفل
cindrella
ஐسندريلا المنتديஐ
ஐسندريلا المنتديஐ
avatar

الجنس : انثى

العمر : 26

الابراج : السمك

العمل : لثه طالبة
مودك ايه؟ : مبسوط
عدد المساهمات : 4682
نقاط : 9314
تاريخ التسجيل : 02/05/2009
الموقع : http://tofi.ahlamontada.com/

مُساهمةموضوع: رد: برمج عقلك   الخميس 26 أغسطس 2010 - 4:22

عروسة البحر وعروسة المنتدي

حلقة جدااااا جميلة وناقشها كمان محمد بشكل جميل

بجد انا بستفيد هنااا جداااااا

زي ما فوكس فال بصراحة

ده احلي توبيك علي منتدي Tofi

لانه بجد بجد مفيد لكل الناس وفي كل الحالات اللي بنمر بيها بحياتنا

ميرسي يا قمر علي مجهودك

وفي انتظار المزيد

_________________




كان أولي بيا النوم لكني صحيت .. مشغول بجرح بـيـسري في روحي
جربت اضحك ع اللـيالـي بـكــيـت .. مقدرتش اعلي في يوم علي جروحي

سكت الكلام في القلب ماقلتوش

الرجوع الى أعلى الصفحة اذهب الى الأسفل
http://tofi.ahlamontada.com
»•¤©§|عروسة البحر|§©¤•«
عضو ذهبي
عضو ذهبي
avatar

الجنس : انثى

العمر : 22

الابراج : الدلو

العمل : لسه طالبه علي قدي
مودك ايه؟ : افكر
عدد المساهمات : 1497
نقاط : 5169
تاريخ التسجيل : 02/05/2009
الموقع : http://tofi.ahlamontada.com

مُساهمةموضوع: رد: برمج عقلك   الخميس 26 أغسطس 2010 - 9:35

scientist elgeel كتب:

التوبيك كالعاده تحفة وكاني غبت كتيييير عن المنتدى ورجعت عشان اتواصل في برنامج عقلك
بصراحة انا مش عارفة اقول ايه ديما كدا رافع معنوياتي
بجد التوبيك بينور بمجرد دخولك


scientist elgeel كتب:


الحلقة دي بتكلم عن موضوع حيوي جدا جدا لانه هو السبب في العلاقة القوية والجميلة بين الاشخاص وهو برضه اليبب الاكبر في الخلافات بين الناس.
لو بصينا حولينا هنلاقي ان اى أصدقاء علاقتهم قوية ببعض بيبقى بسبب التفاهم بينهم واي بيت ناجح بنلاقي دايما فيه تفاهم بين الاب والام والابناء، بس ياترى التفاهم دا بسبب ان الناس المتفاهمة مع بعضها ليها نفس الميول ونفس طبيعة الحياه ونفس التفكير؟؟!!
اكيد لأ لاننا ممكن نلاقي اتنين اصحاب اوي بس التنين مختلفين عن بعض في حاجات كتير، عشان كده بنلاقي السبب الرئيسي فالعلاقات الناجحة هو تبادل الآراء ووجهات النظر مع الاخرين وتقبل الرأي الآخر والاقتناع ان انا مهما اكون متاكد اني صح بس ممكن اكون غلطان او شايف الموضوع بطريقة نتيجة البرمجة العقلية او التعود غلط او ممكن اكون انا صح وغيري صح بس كل واحد بيكلم من مبدأ ومنطلق مختلف
عشان كده فعلا لازم نغير نظرتنا للامور من جانب واحد ونحاول نتحكم اكتر في تفكيرنا ونشوف خبايا كل موضوع قبل الحكم عليه ونراعي وجهات نظر الآخرين...
وبالنسبة للبرمجة العقلية فدي حاجة نفسية فالانسان بس اعتقد حلها ان الانسان كل فترة لازم يقيم كل تصرفاته مهما كانت صغيرة ويشوف هو بيعمل كده ليه ومايقيدش نفسه بحاجة معينة لمجرد التعود ولازم يراعي النمو العقلي ليه وان كل حاجة فالدنيا ليها تطور طبيعي بمرور الوقت وعلى كده لازم يقوم تفكيره وطموحاته ويطورهم
يعني مثلا واحنا صغيرين كل واحد بيقول انا نفسي ابقى ظابط او دكتور لكن لازم لما نكبر شوية نبدأ نشوف قدراتنا هتأهلنا لأيه وهكذا....

وطبعا على النقيض، عدم التفاهم والاقتناع براي وعدم تبادل الآراء مع الغير بنلاقيه السبب في كل الخلافات بين الافراد.....



آسف للاطالة وتقبلي مروري
فعلا زي ما ساندي قالت انت ناقشت الحلقة بشكل رائع
انا شايفة اني ما بقاش ينفع اجيب حلقات تاني
لانو الحقيقة انت رايك بيوصف الحلقة بشكل احسن من الحلقة نفسها
بجد انت فعلا رايك اكتر حاجة بتنور التوبيك

بجد ميرسي

_________________
عروسة البحر"أريل"


الرجوع الى أعلى الصفحة اذهب الى الأسفل
http://tofi.ahlamontada.com/
»•¤©§|عروسة البحر|§©¤•«
عضو ذهبي
عضو ذهبي
avatar

الجنس : انثى

العمر : 22

الابراج : الدلو

العمل : لسه طالبه علي قدي
مودك ايه؟ : افكر
عدد المساهمات : 1497
نقاط : 5169
تاريخ التسجيل : 02/05/2009
الموقع : http://tofi.ahlamontada.com

مُساهمةموضوع: رد: برمج عقلك   الخميس 26 أغسطس 2010 - 9:40

cindrella كتب:

عروسة البحر وعروسة المنتدي

حلقة جدااااا جميلة وناقشها كمان محمد بشكل جميل


بجد انا بستفيد هنااا جداااااا

زي ما فوكس فال بصراحة

ده احلي توبيك علي منتدي Tofi

لانه بجد بجد مفيد لكل الناس وفي كل الحالات اللي بنمر بيها بحياتنا

ميرسي يا قمر علي مجهودك

وفي انتظار المزيد
بجد بجد ميرسي اوي اوي ربنا يخليكي
بصراحة اخجلتم تواضعنا
انا مش عارفة اقول ايه
بجد ميرسي اوي انا فعلا مبسوطةانو التوبيك عجبكم
وانا في الخدمة
دي طبعا اقل حاجة عندي

_________________
عروسة البحر"أريل"


الرجوع الى أعلى الصفحة اذهب الى الأسفل
http://tofi.ahlamontada.com/
»•¤©§|عروسة البحر|§©¤•«
عضو ذهبي
عضو ذهبي
avatar

الجنس : انثى

العمر : 22

الابراج : الدلو

العمل : لسه طالبه علي قدي
مودك ايه؟ : افكر
عدد المساهمات : 1497
نقاط : 5169
تاريخ التسجيل : 02/05/2009
الموقع : http://tofi.ahlamontada.com

مُساهمةموضوع: رد: برمج عقلك   الخميس 26 أغسطس 2010 - 9:53



حقــــــــــــق
هــــــــدفــــــــك (1)!!


هل محدد أهدافك؟
هل تعرف بالضبط إنت عايز تعمل إيه؟
هل ماشي في طريقك ومش بتحود يمين أو شمال؟


مسألة تحقيق الأهداف دي من المسائل اللي اتكتب فيها كلام كتير واللي تهم كل واحد مننا طبعا..
عشان كده قلت إننا لازم ندردش حواليها شوية..


الموضوع ده ينقسم لقسمين..
أولا: اكتشاف الأهداف نفسها..

ثانيا:
العمل على تحقيقها..


هنتكلم المرة دي عن اكتشاف أهدافك


أولا: اكتشف أهدافك


ماينفعش نحقق أهدافنا واحنا مش عارفين هي إيه أساسا.. عشان كده لازم نركز في معرفة أهدافنا الأول..


فيه كذا طريقة ممكن بيها نعرف أهدافنا.. هاديلك هنا أبسطها..
الموضوع ده ممكن ياخد كذا يوم.. ماتستعجلش يعني

في اليوم الأول:
جيب ورقة فاضية واكتب فيها كل اللي نفسك فيه.. كل أهدافك وأحلامك..
ماتحطش أي قيود.. وسيبك من اللي يقول لك: "احلم على قدك" عشان الجملة دي بتاعة الناس الفاشلين في حياتهم.. وهتحد من قدراتك وتطلعاتك..
وبعدين انسَ الورقة دي النهارده.. كمل يومك عادي وارجع لها يوم تاني..

في اليوم الثاني:
ارجع للورقة واقرا الأهداف اللي كتبتها.. هتلاقي إن فيه حاجات مالهاش لازمة أو مش مهتم بيها قوي.. اشطبها أو عدلها.. اتأمل الورقة شوية وبعدين سيبها.. ارجع ليها بعدين!!


في اليوم الثالث:
بص في الورقة بتاعة أهدافك.. كلها حاجات مش بطالة، مش كده؟؟
ابتدي بقى رتب الأهم فالأهم.. رتبها حسب أهميتها ليك ولحياتك.. والغي أي حاجة مالهاش لازمة لو لقيت..

بص في الورقة كويس.. وبعدين سيبها وارجع ليها بعدين!!


في اليوم الرابع:

ارجع لورقتك.. حدد أهم أهداف من اللي إنت حاططها في الأول وحاسس بأهميتها..
خد لك هدفين أو تلاته تبتدي بيهم... وبعدين اكتب:
1- ما الأسباب اللي خلت ده هدفك؟
2- ما النتائج الرائعة التي ستحصل عليها إذا حققت هذا الهدف؟

اكتب في كل نقطة على الأقل خمسة أسباب.. اكتب عشرة, عشرين لو عايز.. اكتب على قد ما تقدر..

السؤالين دول لما تجاوب فيهم كتير عارف بيعملوا إيه؟

بيزودوا عندك الرغبة في تحقيق الهدف.. لأنهم بيساعدوك على تخيله والتركيز على فوايده في حياتك.. بتبرمج عقلك اللاواعي على أهمية الهدف ده والسعي إليه..
الرغبة الحقيقية دي هي أول خطوة فعلية في تحقيق هدفك..

دي إحدى الطرق البسيطة اللي ممكن تحدد بيها أهدافك.. فيه طرق تانية طبعا هنبقى نقولها (ورانا حاجة؟) لكن خلينا في دي..

في العدد ده عملنا خطوتين مهمين:
تحديد الهدف.
غرس الرغبة في تحقيق الهدف.



العدد الجاي هنتكلم عن خطوات تحقيق الهدف نفسه.. ابقوا قولوا لينا أهدافكم اللي طلعتوها بالتجربة دي عشان ندردش عنها
المرة الجاية..

تشاو

_________________
عروسة البحر"أريل"


الرجوع الى أعلى الصفحة اذهب الى الأسفل
http://tofi.ahlamontada.com/
scientist elgeel
عضو ذهبي
عضو ذهبي
avatar

الجنس : ذكر

العمر : 26

الابراج : الميزان

العمل : Treasure of SIFE Mansoura
مودك ايه؟ : افكر
عدد المساهمات : 673
نقاط : 3877
تاريخ التسجيل : 14/12/2009

مُساهمةموضوع: رد: برمج عقلك   الجمعة 27 أغسطس 2010 - 11:21

أولا بشكرك جدا على زوقك وكلامك ويارب دايما يوفقك في تقديم الافضل للمنتدى ولحياتك وفعلا انتي تستاهلي اننا كلنا نتناقش ونستفيد من التوبيك دا لانه رائع ومفيد جدا وكل حلقة فيه بتلمس جانب مهم من حياتنا


وكالعاده التوبيك المرة دي حيوي ومحتاجينه جدا لاننا مبقيناش بنفرق بين الاحلام اللي بنسرح بخيالنا فيها ونتمناها وخلاص ونقول نفسنا فيها بس مش بنعملها حاجة، وبين الطموحات اللي بتبدأ بحلم بس بطريقة مدروسة زي ماقولتي كده بنشوف احنا اختارناه ليه وهانعمل ايه عشان نوصله ونبدأ ننفذ خطواتنا في طريق النجاح والوصول للغاية....
وكمان نقطة برمجة اللاوعي دي فعلا مهمة جدا ومش بناخد بالنا منها لاننا لو وصلنا للمرحلة دي هنلاقي اننا لو جالنا يوم كسلنا او احبطنا فيه هنلاقي عقلنا الباطن بيحفزنا وبيفكرنا بهدفنا
وتحديد الاهداف على كذا خطوة اكيد مفيد جدا برضه لان الانسان أول مايقولوله نفسك فايه بيقول احلام كتير من غير مايفكر هاينفذ ازاي لكن بكده هيفكر اكتر من مرة وهيبدأ يحط اولوياته وخطته فالتنفيذ وطبعا اختياره لطموحاته لازم يكون بناْءا على قدراته واهتماماته مش مجرد انه عاوز يقلد حد

وفي انتظار باقي الحلقات ان شاء الله عشان نكمل السلسلة الرائعة دي
الرجوع الى أعلى الصفحة اذهب الى الأسفل
»•¤©§|عروسة البحر|§©¤•«
عضو ذهبي
عضو ذهبي
avatar

الجنس : انثى

العمر : 22

الابراج : الدلو

العمل : لسه طالبه علي قدي
مودك ايه؟ : افكر
عدد المساهمات : 1497
نقاط : 5169
تاريخ التسجيل : 02/05/2009
الموقع : http://tofi.ahlamontada.com

مُساهمةموضوع: رد: برمج عقلك   الأحد 29 أغسطس 2010 - 14:38

اولا ميرسي اوي اوي ع المرور وبجد التوبيك نور
ويارب فعلا نستفيد كلنا من الكلام دا زي ما بتقول وتقدر كلنا نحدد اهدافنا عشان نقدر نحققها
وينقدر نستفيد من الاهداف دي ونحولها لواقع ملموس يفيد كل اللي حولينا
اما عن تحقيق الاهداف اللي احنا حددناها
فده هنشوفه حالي في اللحقة اللي جاية
بس بعد الفاصل
ابقوا معنا

_________________
عروسة البحر"أريل"


الرجوع الى أعلى الصفحة اذهب الى الأسفل
http://tofi.ahlamontada.com/
»•¤©§|عروسة البحر|§©¤•«
عضو ذهبي
عضو ذهبي
avatar

الجنس : انثى

العمر : 22

الابراج : الدلو

العمل : لسه طالبه علي قدي
مودك ايه؟ : افكر
عدد المساهمات : 1497
نقاط : 5169
تاريخ التسجيل : 02/05/2009
الموقع : http://tofi.ahlamontada.com

مُساهمةموضوع: رد: برمج عقلك   السبت 19 فبراير 2011 - 14:32

انا جه
بصراحة انا عارفة اني مقصرة جدا
واتاخرت عليكوا اووووي
بس سمحوني بقي
ما كنش قصدي والله
المهم ان شاء الله انا هجيب الحلقة حالا
بس المرادي بجد مش زي الرة اللي فاتت
احم

_________________
عروسة البحر"أريل"


الرجوع الى أعلى الصفحة اذهب الى الأسفل
http://tofi.ahlamontada.com/
»•¤©§|عروسة البحر|§©¤•«
عضو ذهبي
عضو ذهبي
avatar

الجنس : انثى

العمر : 22

الابراج : الدلو

العمل : لسه طالبه علي قدي
مودك ايه؟ : افكر
عدد المساهمات : 1497
نقاط : 5169
تاريخ التسجيل : 02/05/2009
الموقع : http://tofi.ahlamontada.com

مُساهمةموضوع: رد: برمج عقلك   السبت 19 فبراير 2011 - 14:34

بعد طول انتظار
احم
الحلقة الجديدة



حقـــــــــــــق هدفــــــــك (2)!!



هل حددت أهدافك في الحلقة اللي فاتت؟
هل عرفت فعلا إنت عايز تعمل إيه ورتبت أهدافك حسب الأهمية؟


تعالَ بقى نخش في الموضوع:

كيف تحقق هدفك اللي حددته؟؟

في الأول تعالَ نتكلم عن أنواع الأهداف..
أولا: أهداف طويلة المدى:
زي: عايز أكون دكتور – عايز أطلع ضابط – عايز أكون مليونير....
ودي بتاخد وقت كتير عشان تتحقق..

ثانيا: أهداف متوسطة المدى:
عايز آخد الدورة الفلانية – عايز أسافر...
ودي بتاخد وقت أقل شوية عشان تتحقق..

ثالثا: أهداف قصيرة المدى:
زي: عايز أشتري بنطلون - عايز أزور فلان...
وده بيحتاج خطوات بسيطة وممكن يتحقق في فترة قصيرة..


وإليك كيفية تحقيق أهدافك

1-وضع إطار زمني:

عشان
تبتدي تحقق أهدافك لازم تعرف نوعها.. هل هي طويلة أم قصيرة أم متوسطة لوضع
إطار زمني لتحقيقها.. ماتسيبيهاش مفتوحة.. حط تاريخ محدد باليوم والشهر
لتحقيق الهدف..


2- تقسيم الهدف:

لو
كان هدفك طويل المدى قسمه لأهداف قصيرة أو متوسطة.. وحط لكل واحد منها
إطار زمني لتحقيقه.. خلّي بالك دي أهم نقطة.. لو ماحددتش وقت معين لتحقيق
أهدافك هتطنش عليه خالص وتنساه..




الهدف طويل المدى: أكون دكتور..

يتقسم لأهداف:

متوسطة: أعمل جدول مذاكرة لكل أسبوع - أذاكر وأجيب مجموع لا يقل عن 98 %.
قصيرة: لازم أخلص الفصل الخامس النهارده عشان أراجعه بكره تاني.

3 – أسلوب الخطوة:

ماتسمحش
لنفسك تنام بالليل مستريح, لو في اليوم ده مامشتش خطوة (ولو بسيطة) تقربك
من هدفك.. كل يوم لازم تكون قربت من هدفك ولو خطوة واحدة..




الهدف: أتعلم فرنساوي..
الخطوات:

أسأل عن المراكز اللي بتدرسه (خطوة)
أعرف مكانها (خطوة)
أسأل عن أسعارها (خطوة)
وبكده هتلاقي نفسك بتقرب من هدفك واحدة واحدة لحد ما في النهاية تلاقي إنه اتحقق...

4- التقييم:

بعد
ما تمشي في الخطوات السابقة بتاعتك.. بص على النتائج اللي حققتها وقيم
نفسك.. هل إنت ماشي لطريقك بمعدل كويس؟ هل ممكن تكون أسرع من كده؟ هل إنت
راضي عن أسلوبك؟

هل فيه طريقة أحسن من دي تقربك من الهدف؟

قيم نفسك كل فترة (كل أسبوع مثلا) وشوف إنت عملت إيه وقربت لهدفك قد إيه..
لو راضي عن أدائك: كمل وربنا معاك يا بطل..
لو مش راضي عن أدائك: اعرف الخلل فين بالضبط.. هل عدم التزام منك؟ هل أسلوبك غلط؟ هل فيه طرق أحسن؟ عدل اللي إنت عايزه وارجع تاني كمل مشوارك...

5 – الفعل:

لازم
تنفذ كل الخطوات السابقة بالتزام تام.. لازم تعمل مش مجرد إنك تفكر في
الخطوات دي وماتعملش بيها.. قرر وإنت قادر إنك تبدأ تحقق حلمك.. لو بدأت
فعلا تمشي ناحيته..


6 – الإيمان:

مافيش
حاجة اسمها الظروف.. كل العقبات اللي هتواجهك دي لازم تلاقيها لو إنت ماشي
في طريقك صح.. لو مافيش أي عقبات يبقى مش هتحقق أي حاجة... كل ما تقاوم
الظروف أكتر, كل ما نجاحك هيكون أروع وأفضل.. وطول ما إنت مع ربنا هينصرك لأنه فوق كل الظروف وكل العقبات.. لو هو معاك هيوصلك لأي هدف لأنه فوق الأسباب...


7- تصرف وكأنك حققت هدفك فعلا:

تخيل
دايما نفسك وإنت عايش حلمك.. وعيش الحلم ده فعلا.. حس إنك حققته فعلا
واتصرف على هذا الأساس.. تخيل مثلك الأعلى وهو محقق الحلم ده.. وراقبه...
بيتكلم ازاي؟ بيفكر ازاي؟ بيتصرف ازاي؟ بيلبس إيه؟ اعمل زيه –من الآن– في
كل الحاجات اللي اتقالت دي..


تخيلك ده هو اللي هيبرمج عقلك اللاواعي عشان يوصلك لهدفك اللي إنت بدأت تعيشه فعلا..

وألف مبروك يا شباب على تحقيق أهدافكم..

ونتقابل الحلقة الجاية....



[/center][/size]

_________________
عروسة البحر"أريل"


الرجوع الى أعلى الصفحة اذهب الى الأسفل
http://tofi.ahlamontada.com/
»•¤©§|عروسة البحر|§©¤•«
عضو ذهبي
عضو ذهبي
avatar

الجنس : انثى

العمر : 22

الابراج : الدلو

العمل : لسه طالبه علي قدي
مودك ايه؟ : افكر
عدد المساهمات : 1497
نقاط : 5169
تاريخ التسجيل : 02/05/2009
الموقع : http://tofi.ahlamontada.com

مُساهمةموضوع: رد: برمج عقلك   الجمعة 27 مايو 2011 - 7:57


للمتزوجين أو اللي ناويين!!

كتابة ورسوم: د. شريف عرفة


اتكلمنا في عدد قبل كده عن اختيار شريك الحياة.. وقلنا إن لازم مايكونش فيه
اختلاف في الهوية بينهم عشان الزواج ينجح.. كان الموضوع مخصص للناس اللي
مش مرتبطين أساسا واللي لسه بيختاروا.. اكتشفت إن فيه ناس مرتبطين افتكروا
الكلام ده عليهم وقالوا إن شركاء حياتهم مختلفين عنهم وده بيسبب مشاكل…
عشان كده قلت أكتب الموضوع ده لأن المتزوجين لهم كلام مختلف خالص.. أرجو أن نقرأه مع بعضنا البعض..

النظرة الخاطئة للزواج
سؤال:

هل سمعت عن قصة حب ملتهبة انتهت بالزواج.. وبعد كده مانجحش الزواج..؟
أكيد سمعنا عن حاجة كده.. صح؟
عارفين ليه؟
السبب هو: النظرة الخاطئة للزواج
زي ما قلنا قبل كده: عقلنا بيتبرمج منذ الصغر بمعلومات بنجمعها من البيئة المحيطة بينا..
الأب والأم - الأسرة - المجتمع – المدرسة - وسائل الإعلام – الأصدقاء…
وأكتر مصدر بنجمع منه المعلومات الخاصة بالحب والعلاقات هو:
وسائل الإعلام.. مش كده؟
أقصد الأفلام والأغاني والمسلسلات الرومانسية….
زي ما احنا عارفين لازم نراجع البرمجة بتاعتنا من حين لآخر ونصحح المعلومات
الغلط ومانعتبرش كل اللي بنستقبله حقائق.. زي ما اتكلمنا في الحلقتين بتوع
الخرائط.. فاكرين؟
وسائل الإعلام للأسف بتدي صورة مزيفة عن الحب..
ولما نرتبط ومانلاقيش الصورة دي اتحققت بنصاب بخيبة أمل ونعتقد إن الزواج
فاشل.. في حين إننا ممكن نكون ماشيين صح تماما!! لكن اعتقادنا ده سببه
البرمجة الخاطئة وتوقعاتنا لصورة خيالية خاطئة للزواج غير موجودة إلا في
السينما…

مش حان الوقت نصحح برمجة عقلنا في الموضوع ده؟
الحب بعد الزواج
الحب يا جماعة بيكبر.. بيبتدي صغير وبمضي الأيام بيكبر وينضج أثناء الزواج.. الحب مابيختفيش لكنه بيتغير..
لما الطفل بيتولد وبيكبر مش شكله وحجمه وصفاته بتتغير بمضي السنين؟ أهو الحب كده بالضبط….






الوقوع في الحب ليس كالحياة في الحب..
وسائل الإعلام بتركز بس على مرحلة (الوقوع في الحب).. المرحلة دي هي بتاعة
الورود والخطابات الغرامية.. بعد كده بيكبر الحب ده وبيبقى أنضج وأعمق
وأروع.. لكن المرحلة دي وسائل الإعلام غالبا مابتتكلمش عنها..


مثال:


مرة شابين متزوجين راحوا لمستشار علاقات زوجية.. قالوا له إنهم اتجوزوا عن
قصة حب رائعة لكن بعد الجواز اختفى الحب ده وحاولوا بكل الوسائل استعادته
لكنهم فشلوا..
سألوه:
نعمل إيه؟

سألهم:
هل بتخافوا على بعض؟

أجابوا:
أيوه..

سألهم:
لما حد بيتعب.. هل التاني بيهتم بيه؟

أجابوا:
طبعا..

سألهم
: هل بتعطفوا على بعض وكل واحد منكم بيطبطب على التاني وقت الشدة؟

أجابوا:
أيوه..

قال لهم:
إنتم بتعيشوا أروع قصة حب.. هو ده الحب بعد الزواج!
مشكلة الزوجين دول إنهم حسوا إن الحب بينهم (تغير) فافتكروا إن المشاعر
اللي حاسين بيها دي مش حب.. لما الحب بيتغير الزوجين ممكن يفتكروا إن الحب
اختفى في حين إنه اتغير بس.. لازم نلاحظ الفرق بين الاتنين..
حاجة كمان:
فيه اعتقاد خاطئ تاني هو إن الزوجين لازم يكونوا بيفكروا بنفس الطريقة ولهم نفس الأفكار والتوجهات في كل حاجة.. هل الكلام ده صحيح؟
لا طبعا الكلام ده مش صحيح..
ده كلام بالذمة؟
كل واحد منهم اتربى في مكان مختلف في عائلة مختلفة وواجه تجارب مختلفة وعرف
ناس مختلفين.. يبقى ازاي البرمجة بتاعتهم تبقى واحدة؟ لازم يكونوا مختلفين
في حاجات كتير طبعا!! أضف لكده كمان إن الراجل بيفكر غير الست… وممكن كمان
الأنظمة التمثيلية بتاعتهم تكون مختلفة (راجع حلقة: إيه نظامك؟)… فمن الطبيعي إنهم يكونوا مختلفين..

الحل هو إن كل واحد فيهم يحترم الاختلاف ده ومايحاولش يغير التاني..
بكرر: ماتحاولش تغير شريك حياتك..
حاول تتفهمه وتفهم دوافعه.. حاول تتغير إنت وتفهمه أكتر..





وراء كل سلوك سلبي نية إيجابية..
حاول تفهم النية الإيجابية وراء كل تصرف بيعمله شريك حياتك.. لا تفترض إنه
بيعمل كده عشان يضايقك.. لازم كل واحد يشرح للتاني إيه اللي بيضايقه
ومايفترضش إنه عارف… وقول لشريك حياتك إيه اللي بيسعدك وماتفترضش إنه بيفكر
زيك وعارف..
مشاكل كتير بتحصل عشان كل واحد بيفترض إن الطرف التاني بيفكر بنفس طريقته.. وده مش صحيح طبعا.. ده مستحيل!
المهم.. هنرجع للموضوع ده تاني من حين لآخر… لأن الحديث في الموضوع ده يطووووووووول!
هناخد راحة شوية وهنتكلم الحلقة الجاية -إن شاء الله- عن الأحلام..
يا ترى بتحلم بحلم، كبير.. ولاّ صغير؟؟
استنانا العدد الجاي..





_________________
عروسة البحر"أريل"


الرجوع الى أعلى الصفحة اذهب الى الأسفل
http://tofi.ahlamontada.com/
الحب الصامت
لسه بيبي
لسه بيبي
avatar

الجنس : انثى

العمر : 22

الابراج : العقرب

مودك ايه؟ : منشغل بالي
عدد المساهمات : 36
نقاط : 2391
تاريخ التسجيل : 26/06/2011

مُساهمةموضوع: رد: برمج عقلك   الإثنين 27 يونيو 2011 - 11:32

توبيك جاااااااااااااامد ميرسى عليه يا عروسة البحر انا طلعت شعورى
الرجوع الى أعلى الصفحة اذهب الى الأسفل
»•¤©§|عروسة البحر|§©¤•«
عضو ذهبي
عضو ذهبي
avatar

الجنس : انثى

العمر : 22

الابراج : الدلو

العمل : لسه طالبه علي قدي
مودك ايه؟ : افكر
عدد المساهمات : 1497
نقاط : 5169
تاريخ التسجيل : 02/05/2009
الموقع : http://tofi.ahlamontada.com

مُساهمةموضوع: رد: برمج عقلك   الإثنين 27 يونيو 2011 - 13:15

ميرسي يا جميل
ردك نور التوبيك
يارب ديما كدا يعجبك
والحلقة الجاية حالا

_________________
عروسة البحر"أريل"


الرجوع الى أعلى الصفحة اذهب الى الأسفل
http://tofi.ahlamontada.com/
»•¤©§|عروسة البحر|§©¤•«
عضو ذهبي
عضو ذهبي
avatar

الجنس : انثى

العمر : 22

الابراج : الدلو

العمل : لسه طالبه علي قدي
مودك ايه؟ : افكر
عدد المساهمات : 1497
نقاط : 5169
تاريخ التسجيل : 02/05/2009
الموقع : http://tofi.ahlamontada.com

مُساهمةموضوع: رد: برمج عقلك   الإثنين 27 يونيو 2011 - 13:52

احلم حلم كبير.. تكون كبير!


زي ما اتفقنا قبل كده.. مخنا اتبرمج طول حياتنا على حاجات معينة وبقينا بنعملها لا إراديا من غير ما نفكر إذا كانت صح ولا لأ..
هادّيك مثال:

فيه أمثال اتربينا عليها وسمعناها كتير لدرجة إنها ممكن تكون بقت ضمن برمجتنا الداخلية.. زي:
احلم على قدك!
طبعا كلنا سمعنا المثل ده.. لكن هل حد فينا فكر فيه قبل كده؟
لما تلاقي واحد أحلامه كبيرة قوي تلاقي الناس كلها اتلمت حواليه وقعدوا يقولوا ليه المثل ده على أساس إنهم بيعقّلوه وكده.. أو يقولوا ليه مثلا إن "اللي يبص لفوق يتعب" أو "على قد لحافك مد رجليك" وما إلى ذلك من النصائح...
في رأيي الشخصي، الأمثال دي كلها لازم تتلم كده ويتولع فيها.. لأنها تعتبر جرائم في حق الإنسانية!
العلم بيقول إيه؟
لازم تكون أحلامك كبيرة.. ماتحطش سقف لأحلامك.. احلم أحلام كبيرة على قد ما تقدر.. لأن حلمك كل ما كان كبير وعظيم كل ما كان دافع ليك إنك تحققه..
لما درسوا حياة الناجحين اكتشفوا إن كلهم كانوا بيتفقوا في شيء واحد.. هو إن عندهم حلم كبير قوي.. حلم مش عادي!
مثال:

كان فيه شاب اسمه "خالد".. "خالد" ده يا جماعة فقد ساقه اليسرى في حادث سيارة وأجبر إنه يكون معوق.. وبما إنه كان مؤمن بنفسه وبقدراته فكان عنده حلم كبير قوي..
تخيل كان بيحلم بإيه؟
كان بيحلم إنه يكون بطل رياضي ويعدّي الماتش!!!!
طبعا نقدر نتخيل الناس اللي حواليه كانوا بيقولوا ليه إيه.. أكيد قالوا له إن مفيش معوق قدر يعدي المانش.. أكيد قالوا له: "احلم على قدك".. أكيد كل واحد منهم كان متخيل إنه عايز مصلحته.. كانوا معذورين طبعا عشان دي برمجتهم الداخلية واللي اتربوا إنهم يقولوه... لكن "خالد" كان مؤمن بحلمه الكبير وكان متأكد ومؤمن بنفسه وبقدرته على تحقيقه...
وبالفعل...
استطاع "خالد حسان" إنه يعبر الماتش بساق واحدة ويبقى أول معوق يعبر الماتش في التاريخ...
إيه رأيك؟؟
الباحثين اكتشفوا إن حلمك لو كان صغير فده معناه إنك بتحط لنفسك حواجز تمنعك إنك تتخطى الحلم ده..
يعني اللي بيحلم يطلع التاني, عمره ما هيكون الأول!!
العقل الباطن بتاعنا بياخد مننا احنا المعلومات ويعمل على تحقيقها بدون وعي.. فلما تقول لنفسك أنا نفسي أطلع التاني, العقل الباطن هيتبرمج على الحقيقة دي وإنك مستحيل تطلع الأول لأن ده مش في الخطة أساسا.. فهيعمل على تحقيق حلمك الصغير بمجهود يتناسب مع صغر الحلم ده.. فهمت ازاي؟
يبقى احلم أحلام كبيرة.. عشان هي دي اللي هتوصلك للنجاح وتخليك تمشي في اتجاهه.. كل ما كان حلمك كبير كل ما كان الدافع لتحقيقة أكبر وأكبر....
ونلاقكم في الحلقه القادمه
ان شاءالله

_________________
عروسة البحر"أريل"


الرجوع الى أعلى الصفحة اذهب الى الأسفل
http://tofi.ahlamontada.com/
bedo
عضو ذهبي
عضو ذهبي
avatar

الجنس : ذكر

العمر : 27

الابراج : العذراء

العمل : chemist
مودك ايه؟ : افكر
عدد المساهمات : 2667
نقاط : 6230
تاريخ التسجيل : 22/06/2009

مُساهمةموضوع: رد: برمج عقلك   السبت 16 يوليو 2011 - 10:30

ازيك ي اسراء عامله ايه يارب تكونى بخير كده انتى السندريلا اكيد
نايس حلقه علفكره هههههه يارب يحققلكو احلامكو
الرجوع الى أعلى الصفحة اذهب الى الأسفل
nova
لسه بيبي
لسه بيبي


الجنس : انثى

العمر : 24

الابراج : الجدي

العمل : Student
مودك ايه؟ : منشغل بالي
عدد المساهمات : 33
نقاط : 2347
تاريخ التسجيل : 09/08/2011
الموقع : In the hearts of lovers

مُساهمةموضوع: رد: برمج عقلك   الإثنين 15 أغسطس 2011 - 18:00

الرجوع الى أعلى الصفحة اذهب الى الأسفل
 
برمج عقلك
استعرض الموضوع السابق استعرض الموضوع التالي الرجوع الى أعلى الصفحة 
صفحة 3 من اصل 3انتقل الى الصفحة : الصفحة السابقة  1, 2, 3

صلاحيات هذا المنتدى:لاتستطيع الرد على المواضيع في هذا المنتدى
توفي :: المنتديات العامه :: القسم النفسي-
انتقل الى: