توفي


توفي

منتدي كلية رياض الأطفال جامعة المنصورة توفي
 
الرئيسيةtofiمكتبة الصورس .و .جبحـثقائمة الاعضاءالتسجيلدخول

شاطر | 
 

 "برمودا".. بادي "ستومك".. و"شبشب "مديحة""!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
mony
عضو ذهبي
عضو ذهبي


الجنس : انثى

العمر : 24

الابراج : العقرب

العمل : اكيد طبعا الكمبيوتر
مودك ايه؟ : in love
عدد المساهمات : 1663
نقاط : 5401
تاريخ التسجيل : 26/08/2009
الموقع : http://tofi.ahlamontada.com

مُساهمةموضوع: "برمودا".. بادي "ستومك".. و"شبشب "مديحة""!   الأربعاء 2 ديسمبر 2009 - 14:43


جامعة القاهرة- 1968

تدق ساعة الجامعة الشهيرة معلنة تمام الثالثة عصرا، يخرج د."أنور" من قاعة المحاضرات، وقد انتهى الوقت المخصص له، ويبدأ الطلاب في التزاحم حول الباب في نظام واضح ليخرجوا خلفه، "ليلى" هذه الطالبة الشطورة الناجحة، تقف محتضنة كشكول المحاضرات، وهي ترتدي ملابس "أنثوية" رقيقة تليق بـ"بنوتة".. جيب رمادي طويل واسع مربوط عليه حزام أسود عريض، وفوقه "بلوزة" بيضاء فضفاضة، وإلى جوارها يسير "أشرف".. مجدع ورجولة وشباب برضه.. يرتدي هو الآخر ملابس تليق بشاب جامعي.. بنطلون أزرق وقميص كاروه.. حاجة ظريفة يعني يميل على "ليلى" بابتسامة خفيفة وهو يقول:
"نهارك سعيد"!

تومئ هي برأسها وتبتسم بدورها ابتسامة خفيفة وهي ترد:
"نهارك سعيد"!

يخرجان من القاعة وهما يتناقشان فيما ورد في المحاضرة، وينتظران الأتوبيس معا لفترة، حتى يأتي الأتوبيس الذي تستقله "ليلى" إلى منزلها.. "باي باي" متبادلة.. تركب "ليلى" الأتوبيس.. وينتظر "أشرف" أتوبيسه حتى إذا ما أتى.. "تشعبط" في الرفرف ليوفر ثمن التذكرة!









***

جامعة القاهرة- 2008

ينطلق صوت "هيفاء وهبي" من الموبايل وهي تغني "مش قادرة أستنى.. تيرارارا!" ليدوي في قاعة المحاضرات ،فينتبه د."أنور" لما جرى، ويحدد بدقة الجهة التي خرج منها الصوت، وبعد التهديد والوعيد، يعترف "أشرف" بأن التليفون تليفونه:
"معلش يا دكتور أصل كنت ضابط الموبايل يرن ع الساعة 3 الفجر عشان أصحى أذاكر فضرب الساعة 3 العصر.. سوري بجد!"
- "وظابطه على هيفاء وهبي ليه يا أستاذ"
- "ما هي الوحيدة اللي بأصحى لما أسمع صوتها يادكتور"!

تضج القاعة بالضحك، فيقرر د."أنور" إنهاء المحاضرة وهو مستاء، وقبل أن يخرج، يتزاحم الطلاب على باب القاعة في "فوضى" ويدفع كل واحد منهم هذا أو "هذه" من زملائه وهم يهتفون "مرواح مرواح"!، تميل "ليلى" على "أشرف"، لتتندر معه على ما حدث قبل أن تسأله:
"إيه رأيك بقى في الطقم الجديد بتاعي"؟

ينظر "أشرف" إلى ملابسها.. بنطلون برمودا ضيق، وتي شيرت قصير خفيف ذو فتحة كبيرة من أعلى وحزام ضخم غليظ يتدلى نصفه على الأرض.. يهتف :
"واو.. تحفة بجد.. شفتي بقى الطقم الجديد بتاعي".

تنظر "ليلى" إلى ملابسه.. بنظلون جنيز مقطوع من أكثر من جزء... وبلوزة "كت" فوق تي شيرت نص كم!، والحلو "شبشب أبو صباع" في القدم!
"يجنن يا "أشرف".. ظبتطه كده إزاي"
"خبرة يا بنتي.. خبرة.. لعلمك الشبشب ده بـ150 جنيه.. أمال، ده بلاستيك طبيعي! احكي لي بقى عاملة إيه مع الواد بتاعك"
"ده مغلبني.. شوف ياسيدي...................."





***

لو سمحت ممكن تركز شوية على الملابس اللي بيرتديها طلاب الجامعة زمان ودلوقت..
أيوه غش من فوق مافيش مشاكل
خدت بالك.. عملت مقارنة؟
شايف أنت ملابس الطلاب في الجامعة "ولاد على بنات.. وبنات على ولاد".. م الآخر يعني.. تنفع؟!

مناسبة يعني لحاجة كده بيسموها "
قداسة الحرم الجامعي
" و"أهمية العلم"


لاحظ إن التطور- بلاش تتطور خليها تغير- في ملابس الطلاب في الجامعة صاحبه تغير في السلوكيات.. "بص تاني على الجامعة سنة 68 والجامعة سنة 2008"..

والتغير أمر طبيعي ولازم يحصل.. بس أنت شايف إن التطور في تعامل الطلاب – من ناحية الملابس- مع الجامعة إلى الأفضل أم إلى الأسوأ؟



يعني لما بنت تكون رايحة الجامعة.. -رايحة تتعلم بالمناسبة مش أي حاجة تانية!- ولابسة "بدي استومك" أو "برمودا" أو "جيب فوق الركبة" أو "بلوزة كت" أو "بنطلون جينز ضيق ماتعرفش لو لبسته هتقعله إزاي"،.. يبقى ده اسمه إيه ولا مؤاخذة؟ ويا سلام بقى على بنات بيلبسوا اللبس ده وهم كمان "محجبات".. ده على اعتبار إن شعرها هو اللي عورة ولازم يتغطى أما الباقي فـ"حلال"!

نفس الكلام مع الولاد..
تلاقي الواحد من دول "طول بعرض بارتفاع" ولابس بنطلون ولا مؤاخذة "ساقط" يعني مش على بعضه خالص، وممكن البنطلون يكون متقطع أو – عفوا- "وسخ" ويضحك ويقول لك "ده ديرتي.. موضة يا جاهل"!.. وممكن كمان تلاقيه رايح الجامعة بشبشب "مديحة" ويقنعك إن دي الموضة في "بورتريكو" وإنك جاهل عشان ما بتسافرش كتير هناك!
ده برضه اسمه إيه؟

هتقول ده بيحصل في جامعات أوربا وأمريكا
ماشي ياسيدي مش هنختلف..

بس أولا..
احنا في مصر مش في أمريكا..

ثانيا.. كل مجتمع وله تقاليده وقيمه.. والعلم عندنا له- أو المفترض يكون له- "هيبة" و"احترام".. يعني لا يصح أن تستقبل العلم وبنطلونك واقع على الأرض أو وأنت لابسة "بادي ستومك على هوت برمودا"!..

ثالثا.. الجامعة – أي جامعة- في مصر لها خصوصيتها.. يعني اللي عاوز يلبس "مديحة" نفسها مش شبشبها واللي عايزة تعمل عرض أزياء لـ"ميني جيب المحجبات" أو "ذا بيست بادي ستومك".. يعمل كل اللي عايزه بره الجامعة حضرتك مش جواها.. محدش هيقول له حاجة.. دي حريته الشخصية.. مالنالش دعوة إحنا لكن في الجامعة "ستوب بقى.. إشارة حمرا"

تفتكر إحنا مزودينها حبتين ولا كلامنا صح؟



وفي رأيك..
إيه السبب اللي مخلي كتير من الطلاب والطالبات
يتعمدوا يلبسوا ملابس "غريبة" و"شاذة"
وهما رايحين المحاضرات؟


هل ده تطور طبيعي لازم نتقبله
ولا تحول إلى "الأوحش" لازم نغيره؟




ده يا جماعه سؤال لقيته على موقع الكترونى

عجبنى اوى وحبيت اناقشه هنا

على اسا ان كلنا تقريبا شباب (ولاد وبنات)جامعات









الرجوع الى أعلى الصفحة اذهب الى الأسفل
cindrella
ஐسندريلا المنتديஐ
ஐسندريلا المنتديஐ


الجنس : انثى

العمر : 25

الابراج : السمك

العمل : لثه طالبة
مودك ايه؟ : مبسوط
عدد المساهمات : 4682
نقاط : 9042
تاريخ التسجيل : 02/05/2009
الموقع : http://tofi.ahlamontada.com/

مُساهمةموضوع: رد: "برمودا".. بادي "ستومك".. و"شبشب "مديحة""!   الأربعاء 16 ديسمبر 2009 - 23:28

مناقشة رااااائعه واختيار موفق يا موني

بصي يا بنتي باختصار

انتي سالتي هل احنا مزودينها حبتين ولا كلامنا صح
؟

طبعا كلامك صح 100%

وسالتي بردو هل ده تغير طبيعي لازم نقبله ولا تطور للاوحش لازم نغيره

للاسف يا موني دي الحقيقة المؤلمة

ان ده فعلا تغير للاوحش

وموش بس في اللبس

في المجتمع كله كله

يعني لو جيتي طبقتي نفس طريقة عرض الموضوع علي قضايا تانية

هتوصلي لنفس النتيجة

حتي في الاغاني

افاني 86 تختلف اختلاف كلي وجزئي عن اغاني 2010

موضوع زي الارتباط

نفس الكلام المفهوم بتاعه اختلاف كليا من 86 لـ2010

وغيره وغيره وغيره
..........

لنا الله يا بنتي

اهم حاجه كل واحد يبدأ بنفسه ويعيد حساباته

واسفه لو طولت او كلامي ضايق حد



سنتدريلا

_________________




كان أولي بيا النوم لكني صحيت .. مشغول بجرح بـيـسري في روحي
جربت اضحك ع اللـيالـي بـكــيـت .. مقدرتش اعلي في يوم علي جروحي

سكت الكلام في القلب ماقلتوش

الرجوع الى أعلى الصفحة اذهب الى الأسفل
http://tofi.ahlamontada.com
strawberry
عضو ذهبي
عضو ذهبي


الجنس : انثى

العمر : 25

الابراج : الثور

العمل : طالبه بلا مهنه
مودك ايه؟ : نبولوك
عدد المساهمات : 1656
نقاط : 4904
تاريخ التسجيل : 24/05/2009

مُساهمةموضوع: رد: "برمودا".. بادي "ستومك".. و"شبشب "مديحة""!   الثلاثاء 12 يناير 2010 - 23:01

في الاول احب اشكرك قغلا يا مونى على موضوغك الجميل
وبالمناسبه انا النهارده غعلا شوفت الكلام دا
والله البنات لقبتها لابسه حاجات عجبيه في السنتر
حتى اللى بشوف لبسها بقول دى راحه فرح مش نازله الجامعه حتى يا ستى بلاش نقول عشان تتعلم والكلام دا
لان احنا اصلا مش بقينا ننزل عشان نتعلم
ههههههههههههههههههه
المهمما علينا
بس فعلا مناظر وحاجات غريبه
الرجوع الى أعلى الصفحة اذهب الى الأسفل
mony
عضو ذهبي
عضو ذهبي


الجنس : انثى

العمر : 24

الابراج : العقرب

العمل : اكيد طبعا الكمبيوتر
مودك ايه؟ : in love
عدد المساهمات : 1663
نقاط : 5401
تاريخ التسجيل : 26/08/2009
الموقع : http://tofi.ahlamontada.com

مُساهمةموضوع: رد: "برمودا".. بادي "ستومك".. و"شبشب "مديحة""!   الخميس 14 يناير 2010 - 9:32

ههههههههههههههههههههههههههههههههههههه
مرسي للجميلاتان ساندي والفرولاية
والسنتر دا عايز يتفجر اساسا
احنا بننزل علشان نتفرج ع المواهب
الرجوع الى أعلى الصفحة اذهب الى الأسفل
 
"برمودا".. بادي "ستومك".. و"شبشب "مديحة""!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1
 مواضيع مماثلة
-
» أروع و أقوى أغانى العندليب " عبد الحليــــــــــــم حــافــظ "
» هل ممكن يصيرلك بيوم مثل هالمواقف "شوف احلى مواقف المضحكة والواقعية"
» " خطيب بدلـــــــــــــــــــــة "
» موسوعة تحمل عنوان "الشرطة المصرية عبر التاريخ الوطنى "
» -" بسملات لبداية ونهاية الموضوع رائعه "-

صلاحيات هذا المنتدى:لاتستطيع الرد على المواضيع في هذا المنتدى
توفي :: المنتديات العامه :: منتدي المناقشات والحوارات الساخنة-
انتقل الى: