ميني تورتة...طعمها ما أقولكوش وبالصور من طأطأ لسلامو عليكم

السلام عليكم ورحمة الله وبركاته
إزيكم يا قمرات يا رب تكونوا كلكم بخير
ده أول مشاركة لية في المنتدى الجميل ده
حبيت إنها تكون جميلة وتفتح النفس....

من فترة كده عملت الكيكة ده...وطلع طعمها رهييييييييييييييييييييب بكل ما تحمله الكلمة من معنى

وجربوها ومش هتندموا ان شاء الله ..صدقوني..

ودلوقتي هقولكم على المقادير:

أولا :مقادير الموس:

أنا هحطلكم المقادير الأساسية...بس أنا بعمل نصها
وبتبأة كمية كافية جدا.يعني إعملوا نص المقادير بس ..أما لو عازمين ناس
كتير ..إعملوا الكمية كلها..أو لو عايزين تستغلوها في أكتر من طبق
استعملوا المقادير ده كلها:

400 جرام شوكولاتة خام ويكون نوعها حلو

6 أصفر بيض

1 معلقة كبيرة مليانة جيلاتين

نصف كوب سكر بودرة ...تستخدموه فقط لو الشوكولاتة الخام مش مسكرةأما لو مسكرة فمعلقتين كبار كفاية

750 جرام فريش كريم(كريمة لباني)...اللي بتبأة سايلة وده هي السر في الطعم الجميل ...

6 بياض بيض ...بس خدوا بالكو استعملوا البيض اللي حجمه كبير

نيجي بأة للطريقة:

نضع الشوكولا على حمام مائي لحد ما تسيح

نضرب صفار البيض كويس أوي أوي

نضع الشوكولاتة السايحة وهي لسة سخنة جدا على الصفار علشان تسويه ....مع الخفق أثناء إضافة الشوكولا
ونقلبهم كويس جدا

هنا بعد ما قلبت الصفار مع الشوكولا

وده بياض البيض...طريقته إن احنا بنضرب البياض لحد ما تتكو ن رغوة
...وبعدين نضيف عليه تدريجيا 2معلقة كبيرة مليانة سكر بودرة ...وده هايبأة
شكله

وبعدين هنضيف البياض على خليط الصفار والشوكولا

ونقلب كويس

نضع الجيلاتين في نص كوب ماء ساخن جدا ....بس أنا بما إني عملت نص الكمية حطيت نصف معلقة كبيرة جيلاتين مع ربع كوب ماء ساخن جدا

ننزل بالجيلاتين سرسوب على خليط البيض والشوكولا والمارينج مع التقليب

بعد كده نخفق الفريش كريم لحد ما يتماسك ويبأة شكله كده

وده صورة الكريمة

بس خدوا بالكوا ما تزودوش في خفق الفريش كريم علشان ما يخربش...بمجرد إنه يتماسك توقفوا خفق على طول

بعد كده نضيف الفريش كريم على خليط(الشوكولا والصفار والمارينج والجيلاتين) ونقلب كويس

وبعد التقليب هايبأة الشكل كده

نجيب القالب بتاعنا اللي هنشتغل فيه...أنا استعملت قالب سليكون لأنه مريح جدا ومرن فبيساعد أوي
هنحط في القالب شوية من الموس

ونقطع كيك الشوكولا لدوائر صغيرة

إعملو أي كيكة شوكولاتة بتتظبط معاكم أو ممكن حتى لاختصار الوقت والجهد جيبوا الجاهزة

ونحط قطعة الكيك على الموس ...بس ما تخلوهاش توصل للأطراف لأننا مش عايزينها تبان لما نقلب الكيكة

ونكرر العملية ده (موس وبعدين كيكة لحد ما نوصل لآخر طبقة وهاتبأة الموس)
بس أنا آسفة نسيت أصور الخطوة ده

تاااااااااااااابعي...لسة في تكملة

وبعدين هندخل الموس الفريزر لحد ما يتجمد علشان نعرف نقلبه

وده شكله بعد ما طلعناه من الفريزر وقلبناه

هنصب عليه صوص الشوكولا والتوفي واللي مش بيحب التوفي ممكن يحط صوص الشوكولاتة بس

وده صورة من قريب

وهنا بعد ما أضفت التوفي

تنبيه...بعد ما تخلصوا الخطوات ده كلها سيبوا الموس ياخد درجة حرارة الغرفة هيبأة أطعم وأحلى كتير جدا

وده طريقة صوص الشوكولا...سهلة أوي

ناخد نص كوب كريمة سائلة ونحطها على النار لحد ما تقرب تغلي ...بس خلوا عينكوا عليها دايما ...علشان ممكن تفصل لو سبتوها كتير

وبعد ما سخنت الكريمة نضيفها على كوب شوكولاتة مبشورة ونقلب...وبس

يعني ببساطة :المقادير

نصف كوب كريمة

وكوب شوكولاتة

ولو خايفين تغلوا الكريمة ممكن طريقة تانية

وهي إنكوا تحطوا الكريمة والشوكولاتة المبشورة على حمام مائي

ولما تبدأ الشوكولاتة تسيح تقلبوا لحد ما يمتزجوا كويس مع بعض

وتسيبوا الصوص ده يبرد خااااااااااااااااااااالص

وبعدين تصبوه على الكيك

ها ...عجبنكم ولا لأ

وأي سؤال أنا في الخدمة

ان شاء الله هجربها يا مونى
تسلم ايدك يا جمييييييييل

هقولك على النتيجة بعد ما اجربها

ميني تورتة...طعمها ما أقولكوش وبالصور من طأطأ لسلامو عليكم 753913

ميني تورتة...طعمها ما أقولكوش وبالصور من طأطأ لسلامو عليكم 753913

ان شاء الله هتكون جميلة لان انتي اللي عملاها يا قمر
وبالهنا والشفا
مقدمااااااااااااااااااااااااااااااااا

الله شكل طعمها حلو اووووووووووووووى

انتي اجمل يا قمرايه
ميني تورتة...طعمها ما أقولكوش وبالصور من طأطأ لسلامو عليكم 505911

ربنا يخليكى بس هتنساكى تعمليهالى
والنبى قبل الهديه
هههههههههههههههههههههههههههه

ههههههههههههههههههههههه
يا سلام
هو الكلام دا موجهه ليا
اوك يا بوسي
ولا كاني سمعت حاجة

shklha 7lw ya mony
bs msh aw3dk eny a3melha
msh lya f el matba5 hhhhhhh
3ady b2a hstnaha mnk a7la

تسلم ايديكى يامونى

» مصر هتختار طعمها
» شمعتين في تورتة منتدي Tofi
» شوفوا الفراق بيعمل ايه وبالصور كمان
» الحقي اتعلمي طريقة ورق العنب شرح مبسط وبالصور
» هل أنتى من النوع الذي يستسلم بسهوله شاهدى ذلك وبالصور ::::::::