توفي


توفي

منتدي كلية رياض الأطفال جامعة المنصورة توفي
 
الرئيسيةtofiمكتبة الصورس .و .جبحـثقائمة الاعضاءالتسجيلدخول

شاطر | 
 

 *** موبايل السيد الرئيس ...! ****

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
scientist elgeel
عضو ذهبي
عضو ذهبي


الجنس : ذكر

العمر : 25

الابراج : الميزان

العمل : Treasure of SIFE Mansoura
مودك ايه؟ : افكر
عدد المساهمات : 673
نقاط : 3527
تاريخ التسجيل : 14/12/2009

مُساهمةموضوع: *** موبايل السيد الرئيس ...! ****   الثلاثاء 30 مارس 2010 - 13:46

*‏*** موبايل السيد الرئيس ...! ****

ماشى
فى أمان الله فى أرض الله ... وبالتحديد عند محطة كوبرى القبة ... الشارع
فاضى والجو حر وأنا مش طايق نفسى .. ثم فجأة موكب كبير يعدى بسرعة من جنبى
.. آخد بالى إن حاجة صغيرة وقعت من عربية مميزة فى الموكب ..
أقرب اشوف هى ايه .. ألاقيها موبايل جديد وشكله حلو قوى ... أفرح وآخده البيت ..
وهناك اكتشف انه بتاع الريس ..‎!‎
افكر
إنه يمكن يكون الريس رماه عمدا بعد أن اكتشف إنه مش محتاج له ... أو يكون
رماه بنية التبرع بيه لأحد فقراء الوطن ... ومن ناحية الفقر هاكون أنا
الأكثر وطنية فى مصر كلها ...!

أقلب فى الموبايل وأقرر أشوف ايه ياترى اللى بيميز موبايل سيادته عن أي عدة تانية من عدد الشعب ...
أول
شيئ بيميز الموبايل هو ال cover ‎‏ وده بقى مختلف عن أي واحد تانى ممكن
تلاقيه فى أي حته ... علم مصر ياجدعان ... بنفس النسر الموجود على العلم
وبإلالوان التلاتة ... الاحمر والابيض والاسود ...
موبايل وطنى زى الريس ... تحيا مصر ياعم على رأي أخونا اللمبى ...!!

أدخل على الرسايل ... أول خمس رسايل مكتوبين بنفس الشكل " كله تمام يا باشا "
" كله تمام يا بابا " دى كان منها اتنين ... والأخيرة كانت "every thing is ok ‎"‎
الرسايل بعدها لم تخرج عن كونها رسائل تهنئة عادية بالاعياد من الوزراء والشخصيات العامة ...

أما النغمات فكانت تستحق التركيز اثناء تفحصها ...
النغمة الأم للموبايل كانت طبعا رأفت الهجان ... لدرجة إنى بكيت وأنا اسمعها للمرة الأولى !
وفى آخر النغمة ستجد صوت يتردد " مصر يا رأفت ..."
الصوت يتردد 3 مرات فى تأثر واضح ...!
نغمة الأبن كانت " الواد قلبه بيوجعه وعايز حد يدلعه " ...!!
أما نغمة أي رقم غريب فكانت " مصر التى فى خاطرى وفى دمى " ...
لكن ما لفت نظرى فعلا هو النغمة المخصصة لنواب المعارضة ورموز كفاية .." عشان أصالحك وأرضى عليك ، حاجات كتير لازم تعملها "...!
لكن هناك نغمة مخصصة لNO number ‎‏ ودى كانت " قوم أقف وانت بتكلمنى "
حاولت أفهم ياترى المقصود إن الريس يقف أم المتصل نفسه .. بس معرفتش فى الآخر ..

الشئ
اللافت للنظر إن موبايل الرئيس لم تكن به خاصية الإهتزاز ... وده أمر
طبيعى جدا ألا يهتز موبايل الرئيس كما أن الرئيس نفسه لم يهتز من قوقنا
طوال مدة حكمه ...
وبما أن الرئيس سيظل ثابتا فوقنا ما دام به قلب ينبض فإن الموبايل بتاع سيادته لن يهتز ما دامت به بطارية مشحونة ...!

حاولت أيضا أن اعرف رقم الموبايل وأهو نبقى نرن على الريس لما نعوزه ومش بعيد أبعتله " كلمنى شكرا " لو معاييش رصيد ...
وقلت فى سرى أنه لو لم يكن فودافون فلا داعى لأخذ الرقم ، لاننى لن أتصل به حيث الدقيقة ب40 قرش !!!
أتصلت من موبايل الريس على البيت .. لكن لقيت اظهار الرقم بيرتعش ...
ورنة التليفون بتاع البيت تحولت فجأة لزغرودة ، والشاشة بدل ما يتكتب عليها رقم ... اتكتب عليها "‎"‎elrays..‎ calling you ‎..‎
وبعد محاولات كثيرة ، اكتشفت إن الريس لاهو 010 ولا 012 ولا 011 ولا حتى 0900 ..
هو زيرو بس .. طبعا يا عالم رقم مميز .. مش الريس !!
الارقام اللى بعد زيرو سهلة جدا "767676 " وده طبعا تيمنا بالمادة التى يهوى الرئيس تعديلها لأجل عيون الشعب !

قعدت افكر ياترى التليفون ده حد بيتصل بيه وتطلع النمرة غلط والمتصل يكتشف ان ده رقم الرئيس .. هيعمل ايه ؟!
مممممم
.. اكيد هايعمل زى الست بتاعة فيلم " ناصر 56 " أول ما الريس يقول أنا
حسنى مبارك يروح المتصل قايل " ربنا يحرسك يابنى " ويروح قافل على طول !!!
ولا بلاش يقفل عشان هاتبقى قلة ذوق ويمكن الريس يتضايق وتبقى مشكلة ..
هو يقوله " ربنا يحرسك يابنى .. بعد إذن سيادتك هقفل .. سلامو عليكم .." !
لكن المشكلة الحقيقية أن مصر كلها لا يوجد بها بنى آدم قادر انه يقول للريس " يا ابنى" وده لظروف تتعلق بالسن .. وبالمقام طبعا ..!!

السؤال اللى كان محيرنى فعلا ياترى موبايل الريس خط ولا كارت ؟؟!
جربت
أتصل بخدمة العملاء .. رد عليا رئيس شركة المحمول وقال بمنتهى الثقة "
للأبد ياريس للأبد .. رصيدك شغال على طول لا ينفذ أبدا ! "
وهو ما دفعنى للتفكير جديا فى تحويل 5 جنيه لرقمى من رصيد الريس ، إلا اننى تراجعت فى آخر لحظة عشان كده حرام !

الحقيقة
انى بعد ما قلبت فى الموبايل لقيت ان من واجبى كمواطن إنى ارجع الموبايل
لصاحبه حتى لو كان الريس رماه خصوصا من باب التبرع بموبايله .. فأنا
هاقوله ياريس انت ربيت الشعب إن نفسه تكون عزيزة ، وإنه ما يخدش حاجة
تترمى له .. وانك لو عايز تدهولى .. تدهولى بشكل يليق بى كمواطن فى دولة
تحترم المواطنين "" عجبتنى حتة تحترم المواطنين دى وقررت إنى لازم أقولها
بصوت أعلى شوية ! ""
خدت بعضى وعلى كوبرى القبة و ......

_ وجدت هذه الورقة بجوار موبايل مرمى على الأرض فى شارع كوبرى القبة ..
ولا يزال البحث جاريا عن كاتب السطور السابقة ..
ويقال
أن الريس لم يرمى موبايله ولا يحزنون ، وإنما كان وقع منه .. وأنه قد أصيب
بإكتئاب شديد لأن الموبايل كان عليه أقساط كما انه كان لسه شاحن كارت 10
......!!!!
*************
**** خلصت ****

يارب تعجبكم ....
الرجوع الى أعلى الصفحة اذهب الى الأسفل
cindrella
ஐسندريلا المنتديஐ
ஐسندريلا المنتديஐ


الجنس : انثى

العمر : 25

الابراج : السمك

العمل : لثه طالبة
مودك ايه؟ : مبسوط
عدد المساهمات : 4682
نقاط : 8964
تاريخ التسجيل : 02/05/2009
الموقع : http://tofi.ahlamontada.com/

مُساهمةموضوع: رد: *** موبايل السيد الرئيس ...! ****   الثلاثاء 30 مارس 2010 - 20:08

ههههههههههههههههههههههههه

موضوع حلو بجد

هههههههههههههههه

تسلم ايديك يا محمد


تحيـــ cindrella ـــــاتي

_________________




كان أولي بيا النوم لكني صحيت .. مشغول بجرح بـيـسري في روحي
جربت اضحك ع اللـيالـي بـكــيـت .. مقدرتش اعلي في يوم علي جروحي

سكت الكلام في القلب ماقلتوش

الرجوع الى أعلى الصفحة اذهب الى الأسفل
http://tofi.ahlamontada.com
scientist elgeel
عضو ذهبي
عضو ذهبي


الجنس : ذكر

العمر : 25

الابراج : الميزان

العمل : Treasure of SIFE Mansoura
مودك ايه؟ : افكر
عدد المساهمات : 673
نقاط : 3527
تاريخ التسجيل : 14/12/2009

مُساهمةموضوع: رد: *** موبايل السيد الرئيس ...! ****   الأربعاء 31 مارس 2010 - 16:57

thnx aya 3la mrorek elgamel da
الرجوع الى أعلى الصفحة اذهب الى الأسفل
عمرو سمارت
بيسنن
بيسنن


الجنس : ذكر

العمر : 26

الابراج : الجوزاء

العمل : امين صندوق سمارت واي / project manger in SIFE MANSOURA
مودك ايه؟ : عاشق
عدد المساهمات : 87
نقاط : 2730
تاريخ التسجيل : 25/10/2009

مُساهمةموضوع: رد: *** موبايل السيد الرئيس ...! ****   الجمعة 2 أبريل 2010 - 16:57

هههههههههههههههههههههه



جامدة يا خولي
الرجوع الى أعلى الصفحة اذهب الى الأسفل
 
*** موبايل السيد الرئيس ...! ****
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
توفي :: المنتديات العامه :: المنتدي العام-
انتقل الى: