تيجى مثلاً تتكلم عن ابو مازن وقضية فلسطين ولا قرار غولدستون وأثره على القضية الفلسطينية تبص تلاقى واحد يقولك
يا عم غولدستون ده راجل تخين وبكرش وشعره أكرت
يرد عليه التانى يقوله اتنيل على عينك انت البعيد حمار ده رفيع وبشنب وفارق شعره من النص
وهوب تلاقى واحد تالت ينط فى بقك ويقولك إنتم البعدا عميان بصر وبصيره دى واحده ست لابسه نظاره كعب كوبايه
وتاهت القضية يا ولداه بين التخين والرفيع والطويل والقصير وست ولا راجل وسلم لى على التروماى
وهكذا دائماً نتناقش ونصر على سياسة الصوت العالى وتلاقى كل واحد يقولك
يا عم ان راجل ديموقراطى { رأيى صواب لا يحتمل الخطأ ورأى غيرى حميرى ولكن يحتمل انه يبقى معيزى }
وكل واحد مصر يشد ديل الحمار علشان البقرة تنزل اللبن يقوم الخروف يبيض بيضة نعامة وتفقس لنا تمساح بزلومه ... حد فهم حاجه – هو ده اللى بخرج بيه من النقاش الكربانتس ده
أما أن نتحاور بموضوعية ونقلب القضية على كل الجوانب ونختلف مع إحترام كل منا للآخر ونركز أن القضية واحده ولكن وجهات النظر تختلف كما ان العملة واحده ولكن هناك وجه يحمل كتابة وآخر يحمل صورة
فهذا للأسف لا نجده وينتهى بنا الحوار دائما ممسوخ الملامح مثل حيوان خرافى فى الأساطير اليونانية عبارة عن حصان بجناح خفاش والثانى جناح عنقاء وأذن أرنب ولية خروف
حاجه سكلانس كده يعنى
إرحمونا بقى يا هوووووووووووووووه
وشوفوا وإعرفوا إحنا إتخلفنا ليه عن الناس اللى بتعرف تتحاور
cindrella ஐسندريلا المنتديஐ
الجنس : انثى
العمر : 33
الابراج :
العمل : لثه طالبة مودك ايه؟ : عدد المساهمات : 4682 نقاط : 11633 تاريخ التسجيل : 02/05/2009 الموقع : https://tofi.ahlamontada.com/