لاخواتي بنات المنتدي الغالين ازاي تعرفي شخصية الشاب عن طريق الشات

انا جايب لبنات المنتدي مووضوع جميل
ازاي تعرفي شخصية الشاب عن طريق الشات
الي يقولك لسه متعلم يدخل نت بيبقى العمر يتراوح من 22 الى ما فوق ... وتلاقيه اول ما يدخل
هاي ممكن نتعرف انا فلان ومن الحته الفلانيه وتحسي ان فيه حنفيه معلومات اتفتحت واي حاجة تقوليها له يقولك يعني ايه مش فاهم وبعد كل كلمة يقولك اصل انا لسه جديد في النت
والنوعية دي تنقسم لقسمين :
1- يا اما متحمس وحط ف دماغه موضوع النت وعايز يتعلم
2- يا اما سمع من صحابه عن النت والبنات وجاي يجرب حظه

النوع الثانى:
الي بيقعد على النت بس مش كتيرالنوع ده كل كلامه انا مشغولياتي كتير ومبحبش النت والكلام ده وبعد ما يكلم شوية يقولك ممكن نكمل كلام في التليفون انا اصلي مبدخلش
النت كتير ومليش خلق للكتابة والحاجات دي
والنوعيه دي تنقسم الى قسمين:
1- يا اما يبقى لحوح ويفضل يطلب نفس الطلب وصباح الملل
2- يا اما يبقى عنده عزة نفس وميلحش بس هيتعصب وهيقولك اعمليلي بلوك

النوع الثالث:
الي قاعد على النت ليل نهار ده بقى شرحه يطول وينقسم لعدة انواع
1- المقموص:
ده بقى قاعد وحاطط ايده على زرار الزعل اي حاجة تقوليها تبقي بتقصديه او بتقللي من شانه
وبعد كام مرة كلام ممكن يقولك اديني نمرة تليفونك ولما تعتذري هيقولك انا هحترم رغبتك وهيركبلك الوش الخشب ومن وقت للتاني هتاخدي البلوك ف وشك فنصيحه من اولها كده
اديله بلوك وديليت
2-ابو دم خفيف:
ده شلل مركز ومتعرفيش مين الي خدعه وقاله ان دمه خفيف وكل كلامه قفشات وضحك والمفروض انك تكوني مجامله وتضحكي بس منصحكيش تيجي على اعصابك

3- المودي
دي بقة شخصية بتتنوع كل يوم على حسب المود وهتحسي انك بتكلمي واحد عنده انفصام ف الشخصية النهاردة رزين وعاقل وبكرة لاسع وبعد يومين رخم وبعدها كيوت وفريندلي طبعا الحكايه مش ناقصه جنان
4- اللزقه والنوع ده عايز حزم ف التعامل معاه لأن كل كلامه انتي فين ؟ بتتاخري في الرد ليه؟
انتي بتكلمي حد ؟؟ ياعم وانت مالك بتتحشر ليه ......ولو قلتيله ثواني هيقولك ليه رايحة فين؟ متتاخريش ... ايه ده انتي لسه مجيتيش ؟؟؟

5- الناصح
صباح الصداع مع كل جمله هتقوليها هتاخدي نصيحة وفيه عرض خاص قولي جملتين وخدي اربع نصايح العرض مستمر حتى نفاد الكمية انا انصحك انك تخليه يحصل اخواته الي فاتوا يعني بلوك وديليت
6- الحبيب
انا فيا جاذبية وكل البنات بتعجب بيا ....... ايام ما كنت فى الكليه كنت عامل ازمه والبنات بتتخانق عليا...... المصيبة بقى ان اي جمله هتقوليها هيفهم ان انتي معجبه اصله مش بمزاجك هتحبيه يعني هتحبيه

7- حريقة بنات
ده بقى لو في منتدى او ميل جروب تلاقيه مركز على كل البنات ومبيعملش اي حاجة تانية غير كده
الكوميدي بقى لما يتلخبط ويعتقد ان الأسم ده انثوي ويندمج وبعدين يطلع واحد صاحبه

8- ا لكداب
من اول الأسم والسن واي معلومة خدتيها كدب في كدب ومتعرفيش ليه ده بقى انصحيه وخليه يغير اسمه على الماسنجر ويخليه الكداب
9- العبيط
ده هتلاقيه على طول حاطط صورته وذنب عليكي تتفرجي ويشيل الصورة دي يحط التانية وكل شوية يفتح الكاميرا مع نفسه

10- بابا اوبح
ده ممكن يكون على النت من سنة 96 واتخرج واشتغل واتجوز وجاب عيال ولسه قاعد يتعرف على بنات وكل ما يكلم واحدة يقنعها انه مش متجوز وبيدور على عروسة وصباح السرحان ولو جربتي كل يوم تدخليله بايميل غير التاني هتسمعي قصة حياته كل يوم ...

أنا عايزة أقول حاجة و مش عارفة معنى كلامك نفس كلامي
أنا قريت موضوع و عجبني أوي
كان معناه بتستفيدي إيه أصلا لما تكلمي و لاد
و إيه النهاية
إذا غلطتي و حبيتيه يبقى دخلتي في دوامة
و إذا كنتي بتتسلي ضيعتي و قت و حوارات ملهاش لازمة
و تقعدي تستخبي من أهلك
و أول ما ييجي حد معدي تنزلي صفحة النت
و تقولي سعيدة فين السعادة
و إيه النهاية
النهاية لو قبلتي على نفسك
تتجوزي واحد عرفتيه من شات
هو إللي مش هيقبل
و بعد كده تتمني واحد ابن حلال بيتقي ربنا
منين يا جميل

ردك ممتاز يا تفاحه
شكرا لاضافتك
نورتي التوبك

هههههههههههههه
مش عارفه اضحك ولا اسقفلك ياحمد بجد انت حكايه

لاخواتي بنات المنتدي الغالين ازاي تعرفي شخصية الشاب عن طريق الشات 922939

تسلم ايديك

نورتي ياقمر

بجد رررررررررروعه ياريت تفدنا بالنصائح الغاليه دى كده على طول لاخواتي بنات المنتدي الغالين ازاي تعرفي شخصية الشاب عن طريق الشات 922939

انشاء الله يا جنه منوره التوبك

والله يا احمد انت بجد حكاية على الرغم من انك ولد الا انك بجد مواضيعك مهمة جدا وفى صالح البنات اكتر ومش متحيز كمان للشباب
جزاك الله خيرا وربنا يحميك

بس اوعى بعد الكلمتين دول تكسل عننا

دائما منتظرين منك المزيد

بجد ياحمد انت حاجه حلوه اوي وربنا يكرمك يارب علي خوفك علينا
تسلم الايادي

منوره يا هدير
وكله من زوقك شكرا ليكي
ومنوره ياكوكي
وربنا بعزك

» أجمل فاظات ورد لكل اعضاء المنتدي الغالين
» ازاي الشاب يقدر يسعد فتاته
» نورتي المنتدي برجوعك يا قمر المنتدي
» كفى يا بنت الشات!!!
» الف مبروك( لاغلى الغالين)