مره واحد صعيدي : ها ها ها ها ها ها

بسم الله الرحمن الرحيم

زرت صاحبي في محل له .. وقد بان عليه الحزن

بقوله مالك

قالي مفيش اصل الرجل صاحب العماره ضايقني شويه

قلت ليه ... ليه بس ؟

قالي : صعيدي ياعم

وبدء يحكي لي حكايه اخونا الصعيدي

قلت اجيب كارت دش علي الكمبوتر بتاع المحل ..

واشغل عليه القنوات الاسلامية ..

قلت له ( كل ده جميل )

قالي مش جميل ... لان صاحب العماره مرديش ...

قالي هو راجل صعيدي وغني وعنده عماير كتير ولما طلبت منه

قالي

انا مبركبش أطباج دش فوج العماير بتاعتي ..

صاحبي قاله ليه : انا مش هشغل عليه ولا اغاني ولا اي شيء ده قنوات اسلاميه بس

ولكن أصر الصعيدي على موقفه ورفض تركيب اي دش فوق العماره

انا قلت في بالي يمكن خايف علي حمل العماره او ان يحصل مشاكل بين السكان او اي شيء

ثم ذكر لي صديقي سبب رفض اخونا الصعيدي . لتركيب الدش فوق العماره

وكان السبب كالاتي

اخونا الصعيدي شايف ان شكل الدش كده وهو راكب فوق العماره وكأنه

وكأنه

يجاهر الله بالمعاصي وكأنه يتحدى

يقف طبق الدش بكبر ووجهه للسماء وكأنه يجاهر الله بالذنوب

صحيح الاخ مش هيشغل عليه غير الخير ...

لكن الصعيدي جت ليه عقده من شكل الدش

انا قلت معقوله حد عنده الاحساس ده ؟؟

فاستحلفت صاحبي

قلت والله يا اخي قالك ده السبب

قالي والله ده الي حصل وقال له بالحرف مش عاجبني شكل الدش وهو باصص للسما وكانه بيحارب ربنا

بس الاخ اتصرف وركب الطبق في العماره الي جنبه ونزل السلك علي المحل عنده المهم ...

بغض النظر عن موقف الصعيدي صح ولا غلط او فيه تشدد او لاء

لكنها احاسيس فقدها الكثير انهم يتأدبوا مع الله

والتأدب ده ينتج عنه أفعال ... مش مجرد كلام ...

فقلت سبحان الله

كتير نسمع ونقول نكته

فيها مره واحد صعيدي : ونضحك ها ها ها ها ها ها

لكن اول مره اسمع

واحد صعيدي بيقول : وكدت أبكي من قوله ...

اسئل الله العظيم ان يرزقنا الادب معه ومع نبيه صلي الله عليه وسلم ...

ويرزقنا الاحساس والقلب الرقيق الذي يحسن التعامل مع الله ...

صحيح الصعيدي ده مش زي اي صعيدي لانه من الاخر صعيدي من شارع الهرم

تعرفوا
ان اكتر ناس
رجاله فعلا هما الصعايده
الصعيدي يروح يشتغل في اي محل من دول
خلال كام سنه يبقي عنده محل
وكام سنه كمان يبقي عنده 2 و3
اكتر ناس تلاقيهم عندهم عزيمه
كل المناطق التجاريه في مصر واسكندريه
تلاقيهم صعايده
واكبر المستوردين تلاقيهم صعايده
واحنا نقول
كان في مره واحد صعيدي
دا اللي احنا فالحين فيه
توبكاتك كلها ليها معني تسلمي

» واحد صعيدي كاتب رساله لواحد صاحبه بالانجليزي
» انتى وعلبة البيبسى واحد !!!
» واحد مننا
» اكتر واحد بتحبه‏
» كل واحد يشوف حرفه