توفي
سبتيه/سبتها....بجد تعبان ومش عارف اعمل ايه؟؟؟؟ 1261191401
توفي
سبتيه/سبتها....بجد تعبان ومش عارف اعمل ايه؟؟؟؟ 1261191401
توفي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

توفي

منتدي كلية رياض الأطفال جامعة المنصورة توفي
 
الرئيسيةtofiأحدث الصورالتسجيلدخول

 

 سبتيه/سبتها....بجد تعبان ومش عارف اعمل ايه؟؟؟؟

اذهب الى الأسفل 
4 مشترك
كاتب الموضوعرسالة
الحائرة
عضو ذهبي
عضو ذهبي
الحائرة


الجنس : انثى

العمر : 32

الابراج : القوس

العمل : طالبة
مودك ايه؟ : مبسوط
عدد المساهمات : 744
نقاط : 6529
تاريخ التسجيل : 23/11/2009

سبتيه/سبتها....بجد تعبان ومش عارف اعمل ايه؟؟؟؟ Empty
مُساهمةموضوع: سبتيه/سبتها....بجد تعبان ومش عارف اعمل ايه؟؟؟؟   سبتيه/سبتها....بجد تعبان ومش عارف اعمل ايه؟؟؟؟ Emptyالأحد 18 يوليو 2010 - 11:09

سبتيه / سبتها ... بجد تعبان ومش عارف أعمل أيه ؟؟؟



الموضوع خطير جدا يا شباب ومعظم الشباب والبنات واقعين تحت وهم(( انا بحبك ومقدرش اعيش من غيرك ))










بصوا يا جماعه أنا عارف أن الموضوع بجد صعب و فيه مشقة جامدة أوي


فى أن الإنسان يبعد عن الشخص اللي بيحبه


وده لأنه أتعود أنه لما يصحى يرنلها وترنله


و لما يخرج من البيت ولما يرجع البيت لازم يرن و لو دخل ينام يكلمها أوتكلمه




والكلام ده كله .........





بس و الله لو عرفنا أن الخير هو فى ترك الشخص اللى إحنا بجد حبيناه ...





هنعمل كده



و بعدين يا أخى و يا أختى لازم يكون عندنا ثقه فى وعد الله لينا




يا جماعة إحنا لما وثقنا فى الدنيا

عمرنا 6 قارات



و لما وثقنا فى أن رصيد البنوك هو المستقبل والآمان


خلينا همنا كله هو أن يكون لينا رصيد فى البنك



و لما وثقنا فى الدكتور


بقينا نشوف الأب اللى بيدى للدكتور الفلوس ويفضل يدعيله




ومش بعيد يدخل يساعده


على الرغم أن الدكتور ده


هو اللى هيفتح بطن أبنه وهيقطع فى لحمه






بس لأننا وثقنا فى الدكتور


مديناش لنفسنا فرصة أن إحنا نشك لمجرد لحظه فى قدراته


و سلمنا نفسنا للدكتور لأننا استشعرنا الأمان والطمأنينة تجاهه




طيب ليه يا جماعة مش قادرين نثق فى وعد الله لينا


ليه مش قادرين ندى نفسنا فرصه نحب ربنا بجد





ليه خلينا رضى الناس والسعى وراء شهواتنا هو همنا الكبير




وسيبنا محبة الله



والله يا جماعة قرآت آيه هزت كيانى كله



ووددت فى نفسى لو يتدبر في معني هذه الآيه كل شاب وفتاة



والله لعلموا أن السعاده الحقيقيه فى طاعة الله


و البعد عن ما يغضبه سبحانه وتعالى



و الآيه دى فى سورة إبراهيم ... وهى قول الله تعالى


( وقال الشيطان لما قضي الأمر أن الله وعدكم وعد الحق


ووعدتكم فأخلفتكم وما كان لي عليكم من سلطان


إلا أن دعوتكم فاستجبتم لي


فلا تلوموني ولوموا أنفسكم



ما أنا بمصرخكم وما أنتم بمصرخي


إني كفرت بما أشركتمون من قبل


إن الظالمين لهم عذاب أليم )




أنا بس يا جماعة عاوز أقف وقفة صغيرة جدا مع الآيه دى


أول حاجة ... ( وقال الشيطان ) ...




يعنى مش الداعية الفلانى




يعنى مش ماما



يعنى مش صاحبتى


يعني مش صاحبي


( لما قضي الأمر )




يعنى خلاص يا جماعة أنتهى الأمر ...


مبقاش فى كلمة يارب أنا آسف


مبقاش فى توبة



مبقاش فى حد هيقول للتانى كده حرام وكده حلال


( إن الله وعدكم وعد الحق )




هنا بقى يا جماعة عاوزين نركز شويتين فى المعنى


وعدكم الله وعد الحق :



للأسف يا جماعة إحنا فقدنا الثقة فى وعود الله لينا




وصدقنا وعد الشيطان




وعدنا الله جل وعلا وقال :


( من يتق الله يجعل له مخرجا )



وسيبنا وعد ربنا سبحانه وتعالى


وخفنا نسيب اللى إحنا بنحبهم


علشان مش واثقين إن ربنا سبحانه وتعالى هيجعل لينا مخرج


والشيطان قال لنا :


( مفيش جواز من غير صحوبية )


( لو سبتاها هتتجوز غيرك )


( وأنتي لو سبتيه هينساكى وهيشوف غيرك )


( يا بنتى أنتي هتعقدى نفسك ليه ما البنات معظمهم كده )


( وأنت يا بنى تقوى أيه و بتاع أيه عيش حياتك وكلمها علشان تدرس

أخلاقها كويس )




( يا بنى سيبك من الناس اللى عمالة تقول سيبها علشان تكون ليك ومن نصيبك دى ناس فاهمة الدنيا غلط )


(يا بنتى خليكي معاه علشان مايبصش لواحدة تانية ... دا اللي بعيد عن العين بعيد عن القلب )



... و غيره ... و غيره ... و غيره ... وغيره





و رغم كل ده برده وثقنا فى وعد الشيطان لينا



و نسينا إن الشيطان بنفسه هو اللى قال :


( ووعدتكم فأخلفتكم )


وعدتكم إنكم هتتجوزوا بعض


و أنا كنت عارف إن كل مكالمة كانت بتبعدكم عن بعض




وعدتكم إنكم هتعيشوا فى سعادة



و أنا كنت عارف إنكم هتعيشوا فى ضنك


وعدتكم إنكم هتكونوا متسامحين مع بعض وكل حاجه بينكم هتتحل


و لكن مانسيتش إني أخلى حياتكم شقاء


و خليت أتفه المشاكل سبب فى تعاستكم


و عدتكم إن السعاده فى مكالمة تليفون


و خليتكم تنسوا ربنا السميع العليم


و النهارده ( يوم القيامة ) أنا جاى أقولكم الكلام ده



بس بعد ما خلاااااااااااص ... كل شئ أنتهي




زى ماكنتم معايا فى الدنيا مطيعين وبتسمعوا كلامى


فأنا جاى أحسركم وأعرفكم


أنى من الأول كنت بضحك عليكم وبألعب بمشاعركم


أيوا كنت مخليك فاكر نفسك صح وأنت بتكلمها



و بتتعرف عليها بحجة أنك بتدرس أخلاقها


وأنتى كمان كنت مخليكى مبسوطة أوى


وأنتي كل يوم بترخصى نفسك علشان واحد


أنا أقنعتك أنه هيكون ليكى وأنه بيحبك


لكن أنا نسيت أقولك انك كل مكالمة كنتي بتكلميه فيها


كنتى بترخصى فى قلبه أكتر وأكتر


و نسيت أقولك أنه غصب عنه من كتر ما حس أنك سهلة


و مش قادرة تمنعى نفسك عنه


كنت أنت أول واحدة بره حساباته يوم ما فكر يرتبط بجد ويتجوز واحدة


هى فى يوم من الأيام هتكون زوجته وأم أولاده


لكن بس حبيت أتفرج عليكم و أفرح فيكم وأنتوا بتغضبوا ربنا


وأنتم عمالين بتكذبوا كلامه ووعوده


بس خلاص أنا عملت اللى أنا عاوزه


و قدرت ألعب بمشاعركم و قدرت أعذبكم وأفرق بينكم للأبد


( وما كان لي عليكم من سلطان إلا أن دعوتكم فاستجبتم لي )


و على فكرة أنا ماضربتكمش على أيديكم


أنا ماضربتكش على أيدك لما مسكت تليفونك وكلمتها


وأنا ماضربتكيش على أيديك لما خرجتى معاه وكلمتيه


أنا بس شاورتلكم و ضحكت عليكم


وقولتلكم إن طريق السعاده من هنا


و أنتم بصراحة ماكدبتوش خبر ... وجريت تكلمها و جريتى تكلميه




وماخوفتوش علي نفسكم أصلا من عذاب ربنا




دا غير العذاب الأصغر


لا أنتوا عيشتوا وكملتوا حياتكم مع بعض ولا أنتوا قادرين تعيشوا مبسوطين


مع حد تاني



آآآآآآآآآآآآآآآآآآآآآآآه من ده عذاب


بوظنا معنى الحب ... بعد ما أدينا الشيطان فرصة يلعب بمشاعرنا


وأنتوا اللي كتبتوا لنفسكم النهاية دي ... أنتوا اللي كتبتوا البعد والفراق


الأبدي دا بأيديكم



لكن ليه يا جماعة نوصل للمرحلة دى ؟؟؟
وإحنا عارفين الحل فين







والله يا جماعه ماتخافوا
ماتخافش ... والله لو سبتها النهاردة هتجيلك



و ساعتها هتحس بجد بغلاوتها و قيمتها فى قلبك وهتحافظ عليها




وأنتي ماتخافيش هيجيلك والله هيجيلك



و أرجوكى بلاش ترخصى نفسك


أنتى غالية أوى


أرجوكى حافظى على نفسك وغلى نفسك


و الموضوع بسيط جدا يا جماعة


بالله عليكى لو فى جوهرة على جبل عالى


و حاول شاب أنه يوصل للجوهرة دي


حاول مره ووقع ...


و حاول التانية ووقع تانى وأتجرح ...


و وقع التالتة وأتكسر ...


وبرده فضل مصر أنه يوصل للجوهرة دي ...


وفى آخر المحاولات وصل بعد مشقة وعناء ...


بالله عليكى ساعتها هيقدر يفرط فيها ؟؟؟


ساعتها هيجيلوا قلب أنه يسيبها لغيره



؟؟؟؟؟؟؟؟؟؟؟؟؟؟؟؟؟؟؟؟؟؟


بالظبط نفس الكلام


النهاردة أنتى لما تمنعى نفسك عن الشاب اللى بجد نفسك تربتطى بيه


صدقينى هتغلى جدا فى نظره


كل يوم ربنا سبحانه وتعالى هيزيدك رفعه وقيمه فى قلبه


يابنتي قلبه دا بأيد ربنا ... يعني هو وحده سبحانه وتعالي اللي قادر يزرع في قلبه أنه يحبك أو يكرهك




و إن شاء الله لما ربنا يجمع بينكم



والله ما هيجيله قلب يزعلك وهيحافظ عليكى وهيحطك جوا عينيه


لأنك بجد غالية ... غالية جدا





وتعالوا معايا نشوف الصورة التانية


لو هى هى نفس الجوهرة ... بس المرة دى مش على قمة جبل


لأ


دى مرمية فى الشارع ... و عليها تراب
و كل اللى رايح واللى جاى

عمال يشوط فيها ...
لحد ما واحد لقاها وأخدها



بالله عليكى هتكون غاليه عنده زى الشاب اللى تعب و بذل قصارى جهده علشان يوصل للجوهرة البعيدة اللي لسه بتلمع فوق

الجبل



و ساعتها بجد عمرك ما هتكونى غاليه عنده



شوفتوا يا جماعة أد أيه الموضوع مش سهل


مش سهل أبدا أنك تمشيها غلط من الأول وتقول أنا بدور على السعادة


مش سهل أبدا أنك تقول أنا عاوز أرضى ربنا وأنت كل يوم بتعصيه


يللا يا شباب ويا بنات...
بالله عليكم ... نسيب بعض علشان بجد نكون لبعض




و يلا يا رجالة بجد تكونوا رجالة ... يلا ناخد بأيد بعض للجنة


و نساعد بعض فى أن إحنا نحب ربنا قبل أى حد


لأن حب ربنا هيعود علينا بالخير كله


و يللا يا بنات ... أنتى أرق من أنك تجرحى حياءك


أنتي واحدة كلك حنان ...
كلك رقة ...
كلك طيبة ...
كلك مشاعر بجد



جميلة ...


بلاش تدمرى حاجة بجد حلوة فيكى وهى مشاعرك و أحاسيسك


و تفرطى فيها فى طريق يغضب ربنا


و قوليها بأعلى صوتك

قلبى ملك ربى وحبى لله أشد







النهاردة يا جماعة كل واحد يجعلها لله ويكلم الأنسانة اللي بيحبها


و يقولها :





( أنا والله لأني خايف عليكى
و نفسى أرتبط بيكى
فأنا لازم أسيبك ...




و صدقينى أنا مش هرتبط بحد إلا بيكى ...





وعمري ماهتخلي عنك ولا أفرط فيكي ...


و صدقينى لو فيا خير ليكى هكون ليكى ...



وإن شاء معادنا يوم ما أخبط علي بابكوا وأجي علشان أتقدملك ...



أستودعك الله الذي لا تضيع ودائعه




وتخيل بقى لما تبقي سايب أمانة مع ربنا




يااااااااااااااااااااااااااااااااه أمانة
مع ربنا ... يعني ربنا هيحفظهالي من كل سوء



ومش هبقي خايف عليها أبدا وأنا بعيد عنها



وأنتي كمان قدري خوفه عليكي دا وحبه ليكي


وساعديه في أنه ينفذ أصح وأجمل قرار أخده في حياته


وطمني قلبه وقوليله :


( وأنا كمان أخدت القرار ولازم نسيب بعض ...


علشان ربنا يبارك فى علاقتنا ويجعل آخرها الأرتباط ...


ويجعل حياتنا اللي جايه كلها سعادة وحب ...


أنا ليك بإذن الله ...


وأنا كلي أمل في ربنا وبإذن الله مش هرتبط بحد غيرك ...


ومستنياك ...


بس أنت شد حيلك فى دراستك ...


علشان أكون فخورة وأنا بتكلم عنك مع عيلتى ...


وصدقنى طالما إحنا خلينا رضا ربنا قبل رضا نفسنا ...


فصدقنى ربنا هيتولى أمرنا ...


و مش هيفرقنا أبدا ...



أستودعك الله الذي لا تضيع ودائعه )


و من هنا إن شاء الله تكون البداية فى الرجوع إلى الله سبحانه وتعالى ...


و بجد نقولها بأعلى صوتنا ......
.
.
.
.



بنحبك يارب
بنحبك يارب
بنحبك يارب
بنحبك يارب
بنحبك يارب

الرجوع الى أعلى الصفحة اذهب الى الأسفل
cindrella
ஐسندريلا المنتديஐ
ஐسندريلا المنتديஐ
cindrella


الجنس : انثى

العمر : 33

الابراج : السمك

العمل : لثه طالبة
مودك ايه؟ : مبسوط
عدد المساهمات : 4682
نقاط : 11634
تاريخ التسجيل : 02/05/2009
الموقع : https://tofi.ahlamontada.com/

سبتيه/سبتها....بجد تعبان ومش عارف اعمل ايه؟؟؟؟ Empty
مُساهمةموضوع: رد: سبتيه/سبتها....بجد تعبان ومش عارف اعمل ايه؟؟؟؟   سبتيه/سبتها....بجد تعبان ومش عارف اعمل ايه؟؟؟؟ Emptyالأربعاء 21 يوليو 2010 - 2:47

يااااااااااااااا موضوعاتك الجميلة يا رورو

بجد اجمل من كدا مفيش

ربنا يقربنا من الصح دايما ويبعدنا عن طريق الشيطان

اللهم انا نسألك حبك وحب من يحبك وحب كل عمل يقربنا الي حبك
الرجوع الى أعلى الصفحة اذهب الى الأسفل
https://tofi.ahlamontada.com
sinureta
بيسنن
بيسنن
sinureta


الجنس : انثى

العمر : 32

الابراج : الجوزاء

العمل : طالب
مودك ايه؟ : طبيعي
عدد المساهمات : 92
نقاط : 5255
تاريخ التسجيل : 11/06/2010

سبتيه/سبتها....بجد تعبان ومش عارف اعمل ايه؟؟؟؟ Empty
مُساهمةموضوع: رد: سبتيه/سبتها....بجد تعبان ومش عارف اعمل ايه؟؟؟؟   سبتيه/سبتها....بجد تعبان ومش عارف اعمل ايه؟؟؟؟ Emptyالأربعاء 21 يوليو 2010 - 15:22

بارك الله فيكى كلامك صح الفروض مانعملش كدة الا فى
الحلال لان غير كدة وهم
الرجوع الى أعلى الصفحة اذهب الى الأسفل
Pr!ncess...dede
عضو ذهبي
عضو ذهبي
Pr!ncess...dede


الجنس : انثى

العمر : 32

الابراج : العقرب

العمل : لسه بفكر
مودك ايه؟ : ممتاز
عدد المساهمات : 2862
نقاط : 9243
تاريخ التسجيل : 05/05/2009
الموقع : http://2fisotelgam3a.ahlamontada.net/

سبتيه/سبتها....بجد تعبان ومش عارف اعمل ايه؟؟؟؟ Empty
مُساهمةموضوع: رد: سبتيه/سبتها....بجد تعبان ومش عارف اعمل ايه؟؟؟؟   سبتيه/سبتها....بجد تعبان ومش عارف اعمل ايه؟؟؟؟ Emptyالأربعاء 21 يوليو 2010 - 19:39

والله يا حائرة التوبك لا يوصف بصراحة لان اى كلمة هتكون قليلة عليه بجد رائع جدا

واكتر حاجة عجبتنى كمان

قلبى ملك ربى وحبى لله اشد

يعنى جزاك الله خيرا وجعله فى ميزان حسناتك يا رب
الرجوع الى أعلى الصفحة اذهب الى الأسفل
 
سبتيه/سبتها....بجد تعبان ومش عارف اعمل ايه؟؟؟؟
الرجوع الى أعلى الصفحة 
صفحة 1 من اصل 1
 مواضيع مماثلة
-
» اعمل ايه
» اعمل ليه ..هو مش كده كده كلو مكتوب
» صور انا نفسي مش عارف اسميها ايه فيها حلو ووحش وغريب وعجيب
»  انا مش عارف أتغير .. أنا عاوز أتغير .. _(* خطوات عملية للتغيير *)_

صلاحيات هذا المنتدى:لاتستطيع الرد على المواضيع في هذا المنتدى
توفي :: المنتديات العامه :: المنتدي العام-
انتقل الى: