تورته فراشه بالصور

النهارده يا بنات جايبلكم طريقه عمل تورته على شكل فراشه
وااااااااو تجنن
بس فى الاول حابه تعرفوا ازاى بتتعمل الكيكه الاسفنجيه عموما

الكيكة الاسفنجية ( الاساسية لجميع انواع التورت )
6 بيضات
1/4 1 كوب سكر بودرة
1/4 1 كوب دقيق
معلقة بيكنج بودر
معلقة فانيليا
الطريقة:
ندهن الصينية بالفرشاة بالسمن كويس ثم ترش بشوية دقيق و تقلبيها و تخبطيها عشان تنزلى الدقيق الزيادة من الصينية
شغلى الفرن الاول
نضع البيض و الفانيليا فى الخلاط الكهربائى و نبدأ فى التشغيل
نستمر فى ضرب البيض على سرعة عالية لمدة 5 دقائق لوحدة
ثم نضيف السكر شوية شوية و الخلاط شغال
يستمر الضرب لحد ما تلاقى البيض و السكر تخنوا كأنك حطة دقيق عليهم
و لما ترفعى المضرب لفوق تنزل العجينة على هيئة خط تخين و ما يختفيش بسرعة من على وش العجينة
كدة تتأكدى انها اتضربت كويس و مليت هواء
ضعى البيكنج بودر عل الدقيق و قلبيهوم كويس
(
خلاص بدون الخلاط) نضع الدقيق على الخليط الدقيق شوية شوية و بالمعلقة
الخشب اخلطهم و يكون التقليب على هيئة نص دائرة وخط من النص نص دائرة و
اقطعها من النص (لكن ما تلفيش العجينة دائرة كا ملة )
علشان كل الهواء اللى دخلتية اثناء الضرب ما يطلعش منها و تهبط
اصب العجينة فى الصينية المجهزة بحيث لا تزيد ارتفاع العجينة عن ثلث الصينية
ادخلها فرن متوسط الحرارة و لا يفتح عليها قبل مرور 10 دقائق
للكشف عن السوى بعد مرور ربع ساعة الاولى ادخل بالراحة طرف سكينة من الجنب
ازا كانت نظيفة مفيهاش عجينة كدة تبقى استوت
نخرجها من الفرن و نقلبها على منخل او حديدة سلك او اى قاعدة سلك
بعيد عن الهواء حتى تبرد تماما قبل التزيين
ملحوظة
: ازا كنتى عوزاها تورتة بالشيكولاتة نضع 2 معلقة كبيرة بودرة كاكاو على
الدقيق بس اشيل بدلهم 2 معلقة دقيق من مقدار الدقيق و بالهنا و الشفا

من شروط نجاح الكيكة الاسفنجية 1-

تشغيل الفرن قبل البدء فى العمل
لوضع الكيكة فى الفرن مباشرة وهو دافى بمجرد الانتهاء من عملها
2-لا يمكن فتح باب الفرن قبل مرور 10 دقائق على وجود الكيكة بداخله
حتى لا يدخل هواء خارجى بارد يؤدى الى هبوطها
3-ضرب البيض مع السكر بشدة و بسرعة لنتمكن من دخول اكبر كمية من الهواء تساعد على رفع ااكيكة
4- صب العجينة ل ثلث ارتفاع الصينية حتى لا تخرج العجينة من الصينية اثناء النضج و تحترق
...........ازا
لاحظتى ان وش الكيكة احمر الاول و الكيكة نفسها لسة ما ستوتش هاتى ورقة
فويل ادهنيها مسحة سمن وضعيها على وش الكيكة فى الفرن لحد ما تستوى

ازاى نزوق التورتة ؟؟؟؟؟؟؟1-

بعد ما الكيكة تبرد تماما
2- نضع الكيكة على صينية مقلوبة او القاعدة الدوارة بتاعة الكيك
3- نسوى جوانب الكيكة بالسكينة وعادة دى بتكون راقة تبطين الصينية
4- نحاول نشيل اى فتافيت صغيرة زايدة على الكيكة او الجوانب
5- نشق الكيكة بالعرض بالسكينة من النص لتصبح عندنا الكيكة طبقتين
6- او نشق الكيكة بالعرض بعد ما نكون حددناها للقسمة على ثلاتة
7- لتصبح عندنا الكيكة ثلاث طبقات

1-:-يمكنك اعداد قالب كيك من النوع الجاهز(للسهوله)

تورته فراشه بالصور Gs83dia7bh862joxtg9

2-ضعيه في الفرن لمدة45 دقيقة والنتيجة

تورته فراشه بالصور Pzkrktrubz2fcsz303r

3-:-تقسمين الكيكة الى قسمين

تورته فراشه بالصور 5b62kk9umokcz91v71xr

4-تحضرين كميه من الكريمه الجاهزة(للسهولة والسرعة)
تقطعين كيوي وفريز وخوخ معلب الى قطع وتزينين الكيكة بالطريقة التالية

تورته فراشه بالصور Qizkrdwubg3yrndb5hny

يارب تكون عجبتكم
مستنيه ردودكم

جميلة اوى ياقلب

تسلم ايدك ياقمر

يا سيييييييجي

بجد حلوة جدا

اختي مرة ابتكرت تورتاية بردو علي شكل فراشة في عيد ميلادي

شكلها كان يجنن

منورين التوبيك

» اكبر فراشه في العالم
» كيكه الفروله بالصور
» بيتزا المراوح الغربية بالصور
» باستا سهله ولذيذه بالصور
» أخطاء بالصور هيا للتعرف!!!!!!!!!!!!