احنا ليه مسلمين؟

[size=16]فكرت قبل كده انت ليه مسلم
او اصلا انت مسلم ازاى جات ازاى يعنى
ليه ماتبقاش يهودى او نصرانى ( مسيحى زى ما بيقولو ) او علمانى او اى حاجه تانيه
( استغفر الله العظيم يا رب ) دى الكلمه الى جات على بالك ؟
انا مش ناوى اقول قال الله و قال الرسول خالص فى الكلام الى جاى
كلو كلام بالعقل و المنطق ( الى بيقولو عليه )
اولا انت ليه مش يهودى ؟
لا يهودى ايه يا عم دولا عالم ولاد *****مش ناقصه يعنى
طيب ماشى يهودى وحشه ماشى
ايه الى يخاليك تومن بوجود اله اصلا
ايه الى يثبت
هاقولك ليه مايكونش الشجر و الانهار و الجبال دى كلها طبيعه و خلقت نفسها
مممممم
طيب ماشى خلقت نفسها ازاى ؟ يعنى هما اتفقوا مع بعض ولا كل واحد خلق نفسه بنفسه
لو كل واحد خلق نفسه بنفسه ,, ليه مثلا الشجر اخد مساحه معينه و الميه
اخدت مساحه معينه ,, لو انا الميه دلوقتى و خلقت نفسى ليه ما ابقاش فى كل
حته
لو شجر انا اقدر اغرقك ,, لو انا خلقت نفسى طيب ما انا كنت ( برطعت ) فى
كل حته و ماليت الارض كلها و لو انا جبال و خلقت نفسى ما انا كنت خليت
نفسى فى كل حته برده ,, و الميه تيجى تحاول تغرقنى انا اكبر نفسى ,, عادى
ما انا خلقت نفسى بقه
طيب كده بقت صعبه ان كل حاجه خلقت نفسها يبقى اكيد هما اتفقو و عملو حاجه اسمها الطبيعه
طيب جميل و الطبيعه بقه خلقت نفسها صح ؟
رجعنا لمرجوعنا تانى ما هى الطبيعه ايه غير شجر و جبال و انهار و بحار و
خلافه ,, ازاى هاتخلق نفسها ماهو اكيد هايحصل الى قلتو ,, هايقعدو
يتخانقوا و كل واحد يقعد يكبر فى نفسه ,, تقصد يعنى ان الحاجات دى اتفقت
كل حاجه بنظام انتى يا بحار هنا و انتى يا
انهار هنا و دا الى نظمه الطبيعه
ايوه
طيب سوال هى الطبيعه ايه فى الحاجات دى كلها ؟
يعنى انهى حاجه بالظبط الى بتمثل الطبيعه ( الكبير بتاع الليله دى يعنى البحار و لا الجبال و لا ايه )
لا الطبيعه الحاجات دى كلها مع بعض
يعنى هما اتفقوا مع بعض ؟
ايوه
طيب و مين الى وفقهم مع بعض ؟
ماتقوليش الطبيعه بقى يا ,, لان الطبيعه هى الى اتوفقت
يعنى الطبيعه اتفقت مع بعضها ,, ماوفقتش حاجه
لان الطبيعه ( الى هى الانهار و الاشجار و البحار ) مابتوفقش بين حاجه هى اتوفقت
و كده فى حلقه فاضيه ,, ان فى حاجه اكبر هى الى وفقت الطبيعه مع بعضها
اممممم اه تصدق فعلا
طيب عندك تلات اديان بس هما الى بيقولو ان فى فعلا شىء ما اكبر بينظم الطبيعه الى حوالينا دى
اليهوديه و المسيحيه و الاسلام
اليهوديه ايه رايك فيها ؟
قولنا بلاش عبط
طيب المسيحيه ؟
اظن مالكش حجه بقه يا معلم ,, انت بتشوف فى التليفزيون الاجانب دول كلهم نظاف ,, ممكن جدا تكون ديانتهم كويسه و على حق
طيب و دى بتقول ايه
الى اعرفه ان هما حاجه من اتنين
فى الى بيقول ان المسيح هو الله نفسه و فى الى بيقولو ان الله ثالث ثلاثه
يعنى فى تلات الهه و المسيح ابن الله
المسيح هو الله ازاى ,, طيب و قبل كده كان فى ايه ؟
هو مش المسيح دا لسه ظاهر من 2010 سنه ,, و الارض عمرهما ملايين السنين ,, كان فين هو ساعتها ؟
كان فووق فى السما اكيد و نزل من الفين سنه تقريبا
طيب و مافضلش ليه ,, و لا هو نزل شويه و طلع تانى ,, ازاى يبقى هو الاله
الى خالق الكون و ينزل من الفين سنه يقعد شويه فى الارض و يطلع , طيب ما
كان يفضل تحت
ما هما صلبوه
صلبوه و هو الاله ؟ ازاى يصلبوه و هو الى خالقهم و قادر يعمل فيهم الى هو عايزو
انت هاتغلبنى ليه طيب خليك فى التانيه
الله ثالث ثلاثه و المسيح ابن الله
و صلبوه برده ؟
اه صلبوه و مات
يا سلام ,, يعنى الاله خلف ولد و سابو يتبهدل كده
ازاى يعنى
يعنى بدام هو ابن الله طيب ما كان يحميه من الى عايزين يصلبوه
وكمان هو الله بدام هو عايز ولاد و بيحب العزوه كده
و هو خلق مليارات البشر ,, ما ختارش ليه ناس كتير
ليه واحد بس
انت كلامك صعب شويه يعنى ازاى هو يختار واحد بس و هو خلق مليارات ,, لا و كمان مش بس كده دا يسيبو يتبهدل و ناس تصلبه و يموت
يا عمى ما هو مات علشان يمحى خطايانا علشان كده احنا بنقدسه و بنعبده و هو ابن الله
يعنى المفروض انا اعبد واحد مات ؟
ايوه و اعبده ازاى و هو ميت ,, معلوماتى الطبيه بتقول ان لما حد بيموت
خلاص لا بيسمع ولا بيشوف يعنى ولا حاسس باللى بعمله و لا هايشوفو
ايوه بس الله نفسه هايشوف
ايوه يعنى الله هايبص و يتبسط بيك انك بتعبد ابنه الى هو سابو يتصلب و
يتبهدل طب ما هو لو كان ابنه و هايتبسط ان احنا نعبده طيب ما كان ماسابوش
يموت كده ,, و كمان يعنى هو الله هايخلف ابن يعيش شويه و يموت ,, يبقى ابن
الله و يعيش كام سنه كده و يموت ؟؟ و هو مش المفروض الله الى بيخلق و بيحى
و يميت ؟ يبقى بيحيى و يميت و مايقدرش يخليه مايمتش ازاى يعنى
هو مين الى صلبه طيب
ناس كده اخدوه و صلبوه
على فكره انا احسنلى اعبد الناس دى ,, علشان قدرت انها تجيب ابن الله و
تصلبه و تبهدله ,, اهم دول كويسين ,, اى نعم ميتين برده بس هما جامدين
قدرو يصلبو ابن الله و كمان الله ماعرفش يحيه و مات
اكيد هاينفعونى
طيب ايه يعنى
اقنعنى
طيب عندك حاجه واحده فاضله
ايوه الاسلام , الى عليه الدور
ايوه
ايه بيقول ايه بقه
بيقول ان الله واحد ,, و موسى و المسيح و محمد انبياء ,, بشر لكن الله اختارهم علشان يقولو للناس ان فى ربنا واحد
طيب اشمعنه دوول
اشمعنه ازاى
ايوه اشمعنه دول الى اختارهم
لا مش دول بس فى انبياء كتير على مر العصور ربنا اختارهم
طيب و اشمعنه دوول
علشان هو خلقهم بصفات معينه ميزهم عن بقيه البشر علشان يعرفو الناس ان فى اله واحد خلق الكون و بيحكمه و احنا لازم نعبده
اممم ,, يا بختهم انو اختارهم
اكيد
ايوه و ايه الاسلام بقه
الاسلام دا اخر دين الله نزله و نزله على نبى اسمه محمد
و دا برده هاتقولى ابن الله و صلبوه
لا المسلمين مومنين ان محمد بشر عادى ,, بياكل و يشرب و كان زينا
طيب انا من الاول مقتنع ان فى اله هو الى خلق الكون و بينظمه ,, و من
كلامك ان انا قدامى حاجتين علشان اعرف الطريق الصح لانى اعرف اكتر عن
الخالق الى خلق الكون ده
يا المسيحيه يا الاسلام
ايوه ,, شوف هاتختار ايه
المسيحيه انت قولتلى
يبتقول ان المسيح ابن الله و دا انا مش مقتنع بيه اصلا لانو مايدخلش العقل
يبقى اله و ينزل شويه و يصلبوه و يطلع تانى ,, كلام مادخلش عقلى
و التانيه
انو ابن الله و برده ماينفعش يبقى ابن الله و يتبهدل و يتصلب و يموت ,, يعنى برده كلام ماينفعش
و الاسلام بتقول
ان الله واحد بس
ودا الى انا مقتنع بيه من الاول ,, ان فى اله واحد بس هو الى بيحكم الكون دا لان كمان لو كان اتنين اكيد كانو هايختلفو
انا كده مؤمن ان الله واحد ايه الاسلام بقه الدين الوحيد الى بيدعم فكرتى دى ؟
الاسلام مبنى على خمس حاجات
تشهد ان لا اله الا الله و ان محمد رسول الله
وتقيم الصلاه
و تزكى ,, يعنى تخرج فلوس من مالك للفقراء و المحتاجين
و تصوم رمضان
وتحج بيت الله الحرام فى مكه ,, اذا كان معاك فلوس و مقتدر
ضيعت اى حاجه من دول ,, تبقى هدمت ركن من اركانه

بس اهم ركن طبعا هو الركن الاول و بعديه الركن التانى الصلاه
الركن الاول انك
تقول اشهد ان لا اله الا الله و ان محمدا رسول الله
طيب اشهد ان لا اله الا الله معاك
محمد رسول الله ازاى ,,
ماهو محمد رسول الله لان محمد هو الى قالنا ان الله واحد لو انت بتومن ان
الله واحد ,, يبقى طبيعى تومن بمحمد لان هو الى عرفنا الكلام ده
ااااااااه
يعنى هو الى جيه بالكلام الى انت قولتو دا ,, ان الله واحد
فهمتك
عايز تسلم ,, انطق الشهاده

اشهد ان لا اله الا الله ,, و ان محمد رسول الله
مبروك ,, انت كده مسلم ,, تؤمن بالله حقا و تؤمن برسوله حقا

خلص الموضوع الاصلى بس
اوصيكم و نفسى الصلاه
من غير الصلاه مانبقاش مسلميين
اوصيكم و نفسى بالصـــــلاه ,, الصلاه يا مسلميين
انطق الشهاده دلوقتى و استحضر عظمت الله و لو مابتصليش قوم صلى ابدا من دلوقتى ,, و ابدا صفحه جديده مع الى خلقك و بيحبك
بص للسما بص للى خلق السما دى و تخيل السما دى ايه فى خلق الله
السما دى انت شايفها من الارض الارض الى هى لو بصيت عليها فى المجموعه الشمسيه هتلاقيها نقطه
المجموعه الشمسه كلها لو بصيت عليها فى المجره هتلاقى المجموعه الشمسيه دى نقطه و مش باينه كمان
و المجره دى الى لو بصيت عليها فى النظام الكونى هى واحده من ملايين المجارات
و تخيل ملايين المجرات الى كل مجره فيهم فيها ملايين الكواكب الى فيهم كوكب الارض انت عايش عليه وسط ملايين الناس
ربنا اكرمك بالاسلام ,, اعظم نعمه
طالب منك بقه تصلى و تتعامل كويس مع الناس و تفوز
بجنه عرضها السموات و الارض
السمواااااات
الى احنا بنتكلم فى ملاين الكواكب و المجرات و النظم الككونيه الى فى سما واحده بس
ماسمعناش عن حد وصل للسما التانيه ,, كل ده فى سماء واحده بس
و الجنه عرضها السبع سموات
و دا العرض
مش الطوول
الطول الى طبيعى يكون اكبر من العرض
تخيلو الجنه مساحتها ازاى
بس نصلى
الى يضمنلك الجنه دى الصلااااه
بالصلاه انت مسلم و بكونك مسلم برحمه ربنا تدخل الجنه ,, بكرمه و رحمته ان شاء الله
و يعنى يا اخى الى خلق الكون ده و خلقك ,, لما يناديك ,, بذمتك تقولو لا ؟
دا خمس مرات فى 24 ساعه
المره تقريبا خمس دقايق و ممكن اقل
يعنى هو عايز منك تقريبا 25 دقيقه فى الاربعه و عشرين ساعه
خساره فيييه ؟؟
ايوه لو مابتصليش انت مستخسرهم فى الى خلقك
و ياريتك مستخسرهم فيه كمان انت مستخسرهم فى نفسك
الله غنى حليم لما تصلى مش هاتنفعه
انت مستخصرهم فى نفسك و اخرتك
انت الى هاتتحاسب ,, ما تستخسرش فى نفسك الجنه و صلى
اوصيكم و نفسى بالصلااااه
ماتكسلش لو ماصلتش قوووم صلى و ادعى ربنا يثبتك و باذن الله ماتسبش فرد بعد كده
بس انت ماتستخسرش و لما تسمعو بيناديك ماتنفضش
*********
منقول بالحرف

[/size]

حلوه الفكره يا ديدى

موضوع جميل اوى يا ديدى وجزاكى الله كل خير

وجزاكى مثلة يا رب

» تعالو نقوا احنا نفسنا في ايه موضوع هيعجبكم
» احنا بنغلط فى اسم من أسماء الله كتييير أوى يلا نصحح الغلط ده