رصيف نمرة خمسة
والشارع زحام
وساكت كلامنا
مالاقى كلام
تسالى يا خال
تدخن يا عم
تتوه المعانى فى لسانى لجام
كلاكس الترولى بيسور ودانى
وشحته المزين بياكل ودانى
يا نادل باريس تعال حاسبني
وجدول ديونه عشانه وعشاني
وعبد الله رشدى المحامى القدير
بيرفع قضية فى باب الوزير
على عم فكرى بتاع البليله
علشان مرة زعق
بصوته الجهير
بقالة الامانة ونصحى السروجى
عاملين شركة فى مشروع بوتيك
ونادوا لعبده الفرارجى يشاركهم
فرد بـ ألاطة ماحبش شريك
وجت وقعه سودة فى سوق الإمام
عشان عم لمعي بتاع الحمام
مقدرش يوصل لأى اتفاق
مع سبع افندى فى قضية سلام
واطفال عجايز فى مهد الطفولة
وأفلام قديمة وإعلان كاكولا
تمزمز تعيش لآخر حياتك
ولو باعوا فرخة هتاخد عمولة
ترماي بسنجة في روض الفرج
وأعمار تعدي ليجي الفرج
ولا البحر باين لآخره مراسي
ولا حد راسي منين الفرج
منين الفرج
رصيف نمرة خمسة
والشارع زحام
وساكت كلامنا
مالاقى كلام
