نفسى أشوفك وأسألك........

حبيبى يارسول الله
نفسى أشوفك وأسألك...ما أرحمك
!!!!!!
شوفت العذاب بعينيك ...ماأصبرك.
..!!!
كفار ..يهود ..طردوك ..أذوك ...ما أعظمك
!!!!!!!
ولما الأمين جبريل شوفته نازل من السما
وشق صدرك وبالإيمان والنور منه إتملا
ومن الأبوه والأمومه قلبك عمره ما إرتوى
ولما ذوقت اليتم وأنت عودك ما إستوى
----------
عشت فى مرار ..ونقلت الدار
وكان بيت جدك هو القرار
وبعده عمك ..وماكانش عندك إختيار
----------
راعيت الغنم ...كرهت الصنم
عمرك ما ذوقت الخمر ولابالك به حلم
وعشت فى غار وحيد بعيد بعيد عن الأمم
جالك الأمين:
وسألك وأنت بترتجف
ضمك بقوه وقالك إقرأ وأنت بترتعش
--------
روحت لخديجه الغاليه تزملك
وبحنان وحب وطيبه قاعده تطمنك
---------
ونوفل كمان أكد لها إنك نبى
وإن ربك إصطفاك من قبل حتى ماتكون صبى
من يوم ميلادك ياحبيبى وانت مجتبى
وبالمصاعب والهموم كنت مبتلى
--------
رحلت خديجه وعمك فى نفس السنه
وربك رحيم رفعك فى يومها للسما
علشان يقولك ياحبيبى انت مش وحدك هنا
نفسى أشوفك يارسولى وده يكون يوم الهنا
وأشرب من ايديك الشريفه شربه لاأظمأ بعدها
----------
يارب شفعه فينا فى أخر المشوار
وإجعل الجنه لينا معاه تبقى قرار
ياحبيبى ليوم لقاك أنا فى انتظار
----------------------------


صلى الله على محمد
صلى الله عليه وسلم
فداك نفسى ورحى ياحبيبى يارسول الله
صلى الله عليه وسلم