السلام عليكم ورحمة الله وبركاته
ازيكم يا فتوكات عاملين ايه يا قمرات
يارب تكونوا كلكم بخير
انا عملت الموضوع دا مخصوص عشان نوع كريم معين
بس مش عايزه اقولكم هو تحفه تحفه تحفه اد ايه يا بنات
والله والله انا من اول مره استعملته حسيت بفرق رهييييييييييييييييييب
بجد ملوش حل وتسلم ايد اللي عمله هههههههههههه
بجد يستاهل بوسه كبيره
معلش طولت عليكوا واكيد هتموتوا وتعرفوا هو ايه
هو
كريم كارباميد يا بنات
الكريم دا اكثر من رائع
انا جربته مع رجلي وكان جميل اوي
انا عارفه ان في فتوكات تانيين كتبوا عنه
بس انا قولت لازم انقل تجربتي للفتوكات عشان كلهم يجربوه وهيعجبكم اوي اوي يا فتوكات
انا استخدمت قبله اكتر من حاجه وكان اخرهم كريم اوفر نايت من اورفليم بالافوكادو
والله جبته بحوالي 18 جنيه ولا عمل حاجه ولا كأني حاطه حاجه في رجلي
بس لما سمعت هنا في فتكات من فتوكه بتتكلم عن كارباميد للقدمين قولت اجربه
وفعلا ياريتني جربته من زمان
سعره 3 جنيه بس
انا كل يوم بليل قبل ما انام طبعا بتكون رجلي نضيفه ومغسوله
بحط منه علي كعب رجلي وبطن رجلي كلها وادلكه لغايه ما يتشرب وهو اصلا بيتشرب بسرعه كمان
وبعدها بلف كيس بلاستيك علي رجلي كويس وبلبس عليها شراب قطن
بس بصراحه مش بقدر اخلي الكيس اكتر من ساعه او ساعتين عشان بحس ان الكيس مضايقني
بعد ساعتين مثلا بشيل الكيس البلاستيك وبلبس الشراب القطن بس عادي وانام بيه للصبح
اصحي الصبح بئي رجلي بتبئي زي الحرير وطريه اوي
بجد مكنتش مصدقه ملمس رجلي بعد ما حطيته اول مره
هتحسي بفرق كبير جدا زيي من اول استعمال له وهتدعيلي ان شاء الله