موضوع يهمنا كلنا وعايزة رايكم فيه ممكن؟

اليومين دول النت بقه كل حاجه في حياة الشباب اللي في سننا

وطبعا بياخد وقت كبير اوي مننا ومن حياتنا

وساعات كمان بنيجي على حاجات كتير في حياتنا
عشان نقعد على النت

زي مثلا ان احنا مش بنقعد مع اهالينا ونكنسل
حاجات في دراستنا

زي تبييض المحاضرات مثلا مش هقول مذاكرة
اقل حاجه ممكن تفيدنا في الدراسه

وكمان السهر طول الليل والنوم طول النهار
او طبعا اللي بيشتغلوا واللي بيدرسوا السهر
اكيد بيأثر على نشاطهم وتركيزهم

انا مش بقصد بكلامي ان النت وحش لا بل
بالعكس النت في حاجات كتير حلوة اوي كفايه
المنتدى والحاجات اللي بنناقشها مع بعض وبنعرف
وجهات نظرنا مع
بعض وبيتهيألي التوبيك ده اكبر دليل

لكن

هل بيحصل مشاكل معاك او معاكي في البيت بسبب النت وانك بتقعد مده كبيرة على الكمبيوتر ؟

هل سهرنا بالليل بيعمل مشاكل في البيت ؟

هل النت ممكن يأثر
على علاقتنا بأهلنا واصحابنا ويخلينا نقصر
في حقهم علينا وفي حق نفسنا ؟

طب ليه احنا بنحب
نقعد على النت باليل هل ده مزاج ولا خلاص بقه
ادمان عشان نقعد في الهدوء ومحدش يتكلم معانا
ويسيبونا براحتنا ؟

وليه لما الواحد ياخد خطوة انه مش هيقعد على النت ولا هيسهر ويقعد في وقت بدري شويه
مش بيلاقي اصحابه قاعدين في نفس الوقت
الطبيعي اللي الناس المفروض انها تدخل
فيه وبالتالي بيفضل انه يقعد باليل في الوقت
اللي اصحابه قاعدين فيه وبالتالي بردو هيسهر والنتيجه تبقى واحده

بس ياترى
المشاكل والخناقات اللي بتحصل دي سببها ان
احنا فعلا غلطانين عشان
بنسهر ولا ده عشان اهالينا مش فاهمين وجهه
نظرنا او ده صراع الاجيال
اللي كلنا عارفينه ولا ده يبقى اسمه ايه

هل انتو كمان بيحصل معاكو مشاكل في البيت ؟

ليه احنا بنحب نقعد بالليل على النت ؟

ايه اكتر حل شايفينه مناسب ويرضي جميع الاطراف ( احنا واسرتنا ) ؟

انا عايزة اعرف أرائكو في الموضوع ده عشان بجد شاغلني و لاحظت انه بيحصل مع ناس كتير اوي اعرفهم وهل الكلام ده بيحصل عندكو ولا لا ياريت نناقش الموضوع ده ونوصل لحل

ياريت كل واحد يدخل التوبيك يقولي رأيه وايه الصح اللي شايفه من وجهه نظرة والمفروض اننا نعمله وياريت يحدد هل ده هو نظام الحياة لينا دلوقتي واباهتنا وامهاتنا مش متفهمين واقعنا اللي احنا عايشين فيه ده ولا ده التفاوت في الافكار وصراع الاجيال وان ده حال كل الشباب دلوقتي

يارب نوصل لحل مع بعض كلنا

معك حق يا موني فعلا الوقت فعلا بيجري واحنا على النت بس اعمل ايه ده الطريقه الوحيده
الي بلجألها لما بزهق من الكتاب واي حاجه

وطبعا بيجي على وقت المذاكره

وبالنسبه لحكايه بليل هو فعلا بيخليني اسهر بس مش كتيييييييييييييير
علشان الكليه و حتى في الاجازه ماما لازم تصحيني بادري بالعافيه

انا عاوزه حل بأه

بجد يا مونى انا مش عارفه اقولك ايه
في البدايه التوبك بتاعك هاااااااااااااايل وعجبنى جداااا
وكل تالكلام اللى قولتيه كانك بتحكى عنى بالضبط ونفسي بردوا اعرف ايه السر ؟؟؟؟؟؟؟؟؟؟؟؟؟؟؟
هوا اكيد الحل بادينا بلس ازاى نوصله ونقذه
يعنى انا مثلا دلوقتى برد عليكى الفجر وسهرانه لحد دلوقتى بس مش عارفه ليه
حاولت انى اضبط اليوم كذا مره فعلا بس مش قادره استمر
هل دا عشان النت وعشان اصحابي
ولا عشان اتعودت على كدا
ولا ايه بالضبط
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وحكايه المشاكل دى في البيت معاكى ق فيها انا بيجى عليا وقت ماما بتكون عاوزة تبوظ الجهاز وتولع فيه
هههههههههههههه
بس طبعا مش بيتقدر عليا هههههههههههههه
بس انا فعلا بدايق احيانا من النت واقول مش هقعد كتير لكن انتوا عارفين طبعا هوا بيسحب الوقت اد ايه
واجى ادور على حاجه غير النت اشغل وقتى بيها احس انى زهقت والوقت طويل
\ مش عارفه دا يبقي ادمان فعلا ولا ايه؟؟؟؟؟؟؟؟؟؟؟؟؟؟؟؟؟؟؟
لالالالالازم نشوف حل

مرسي للولو وللفرولاية الجميلة
وربنا يكرمنا كلنا ونعرف الحل
لان انا كمان كدا بس افظع
وكل سنة وانتوا طيبين

بجد يامونى موضوع جميل جدا
وبقى النت مشكلة العصر
انا ممكن اضيع وقت كبير جدا من غير محس بالوقت
واكيد بيسسب مشاكل فى البيت
فى الحقيقة انا مش عارفة اعمل اية علشان ابعد على النت

ولا احنا كمان يا شيمو عرفين نعمل ايه
احنا عايزين الحل
بس انا الموضوع خف شويه بدخولي المدينة بس الموبايل
ههههههههههههههههه
بردوا شغال ع النت

مساء الورد علي احلي بنوتات

التوبيك رائع يا موني

وانا عندي وجهة نظر

- المشكلة موش في حكاية ان الموضوع ده بيسبب مشاكل في البيت او كدا

هو الفكرة في انه ده صح ولا ؟؟
ـــــ
هو طبعا غلط
لان ربنا سبحانه وتعالي قال:
"وجعلنا الليل لباسا وجعلنا النهار معاشا"

صدق الله العظيم

اظن مفهوم

ــــــــــــــــــــــــ

يعني السهر عامة غلط

موش بس القران اللي قال كدا

علميا كمان وصحيا وكماااااان نفسيا

السهر غلط

ــــــــــــــــــــــــ

طيب احنا بقا ليه بنسهر ع النت

او مبيحلالناش القعده الا بالليل

؟؟؟

لا هي الحكاية موش كدا
موش كيف يعني بالليل بالذات

بس الظروف كدا مع غالبيتنا

يعني مثلا مثلا في الدراسة

طووووول اليوم في الكلية وبنروح تعبانين وننام شوية مثلا فبطبيعة الحال هنصحي بالليل يبقا مفيش وقت غير بالليل هو اللي ادخل فيه نت

لكن في الاجازة احنا تقريبا 24 ساعه ع النت بنقوم ع الصلاة والاكل والنوم

هنا بقا ده الغلط

ــــــــــــــــــــــــ

كل حاجه وكل اختراع مفيد

ممكن نستخدمه استخدام يدمرنا

دي الخلاصة

يعني مينفعش نقول ان قعدتنا ع النت كلها غلط

لكن نقدر نقول ان لها سلبيات

وانا بايدي اللي اقدر احد من السلبيات دي

ــــــــــــــــــــــــ

اسفة جداااااااااااااااااااا للاطاله عليكم

سندريلا

حلو اوي كلامك يا اية
واكيد نورتي
بس احنا بنات والننت هو مكانا الوحيد اللي مكن ننفس فية عن نفسنا
الولد يقدر يخرج ويتاااااااااااااااااااااااااخر بره
ام انتي هتخرجي بس مش هتتاخري

مظبوووووووووط يا موني

وممكن ده كمان يكون احد الاسباب

كلامك صح يا ساندى
هيا اكييد اسباب كتير بس اهو حاجه بنرفه بيها عن نغسنا
بس اهم حاجه اننا نكون بنهعمل بقايده او هوا مش هيكون فايده اوووى يعنى
بس نكون عارفين احنا بنعمل ايه كوبس
وربنا معانا كلنا

» ايه رايكم يا بنوتات
» شوفو ذوق المصور ده وقولولي رايكم فيه
» ايه رايكم في الرسام اللي رسم الصوره دي
» ايه رايكم نخرب المنتدى .. يالا توكلنا على الله
» تبرعات لاسرائيل كلنا بنبرع واحنا مش حاسيين