استقبل ’’م’’ صديقه ’’ش’’ وزوجته .. وكانت زوجته محجبة حجاب عادي .. وكانت زوجة ’’م’’ منتقبة,, .. وظهر الضيق علي وجه ’’ش’’ وسأل صاحبه "ليه زوجتك أخدت زوجتي وقعدوا جوة .. ليه مقعدوش معانا’’ .. استغرب ’’م’’ من صاحبه وقال له "المفروض ميكونش فيه اختلاط" .. رفع ’’ش’’ حاجبيه ونظر باشمئناط لصاحبه وقال له "حرام عليك يا شيخ دا أنت مخلي الدنيا ظلمة أوي .. خايف شوية كدة تقول لي أن النفس اللي أنا بأتنفسه حرام .. زوجتك وبحجابها وأنت معاها .. وزوجتي نفس الشيئ يبقي إيه اللي يحرم جلسة نتبادل فيها كلام وحوار عادي جدا؟؟.. فيه إيه مالك خنقة كدة ليه ؟؟".. وأخرج ’’ش’’ شنطة مليئة بكتيبات ومطويات وسي ديهات وجميعها لمجموعة معينة من المشايخ والدعاة عن موضوعات شتي .. عن الموسيقي وعن الاختلاط وعن اللحية وعن النقاب وعن التعامل مع أهل الكتاب ...... إلخ .. وقعد ’’ش’’ طول الجلسة يشرح ويقول مبررات وأدلة لوجهة نظره المخالفة لـ ’’م’’ في كل شيئ .. أما ’’م’’ فقد قضي الجلسة مستمع مرتبك ومشوش خاصة وأن ’’ش’’ كان يقول الكلام بأدلة ويأكد أن الأمر أوسع من التضييق وإننا لازم نتخطي منطقة الخلافات دي ونكون أوسع أفق عشان عندنا قضايا أمة ومصالح مجتمع .. كان كلام ’’ش’’ جذاب جدا ومقنع جداً بالنسبة لـ ’’م’’ وبدأ ’’م’’ فعلاً يقتنع ويتفاعل مع صاحبه ويوافقه في آراؤه .. وكان ’’ش’’ بيدلل علي كلامه بكتب لعلماء كبار .. فسأل ’’م’’ صاحبه "أنت إزاي قدرت تقرا الكتب اللي أنت بتحكي لي عنها دي كلها .. دا أنت أيام الجامعة كنت بتنام بعد ما تقرا سطرين من أي كتاب وكنت بتكره القراءة والكتب .. قريت الكتب دي إزاي وإمتي ؟؟" .. انزعج ’’ش’’ وتلعثم وحاول التهرب من الرد .. ننقل المشهد دلوقتي لزوجة ’’ش’’ وزوجة ’’م’’ اللي كانوا قاعدين في الغرفة التانية .. وكانت زوجة ’’ش’’ بدأت تشعر بالملل من زوجة ’’م’’ وكانت حاسة أنها منغلقة وأفكارها فيها جمود بدون أي وعي أو فهم .. وحبيت تفتح معاها موضوع للنقاش وسألتها عن النقاب اللي هي لبساه وهل هي مقتنعة بأدلة وجوبه ؟؟.. كانت ردود زوجة ’’م’’ محدودة وقالت أنها بتحب النقاب وشايفة أنه فرض .. وهنا انقضت زوجة’’ش’’ بمنتهي القوة تفند وتأتي بمقتطفات من هنا وهناك وتذكر كلام مشايخ وفتاوي وكتب لمشايخ .. ولم تملك زوجة ’’م’’ إلا "التتنيح" !!! .. فلم يكن لديها لا علم ولا دليل ولا قدرة علي رد تلك القذائف .. فلاذت بالصمت .. ولم تترك زوجة’’ش’’ الفرصة بل استمرت في خطبتها العصماء وقد أعطاها انكماش صاحبتها ثقة وانطلاقاً فأخذت تعيد وتزيد حتي لقد كادت أن تصل لحافة القول بأن النقاب منكر محرم وأنه رجز من عمل الشيطان .. انقضت الزيارة علي وعد بتكرارها .. ولكن البيت الذي خرج منه ’’ش’’ وزوجته لم يكن هو البيت الذي دخلاه .. فقد كان واضحاً انهما تركا بصمة قوية تكاد تكون ضربة قاضية لكل الأسس والمبادئ التي قام عليها هذا البيت ..
