موضوع مهم للنقاش الجاد

السلامـ عليكمـ ورحمة الله وبركاته
------------------------------------

فى موضوع كدا حبيت اخد ارائكم فيه بصراحة

بالنسبة للبنات لو جوزك مثلا طلب منك بعد الزواج تلبسى النقاب من حبو فيكى وغيرته الشديدة عليكى ياترى هايكون اية ردك؟

وبالنسبة للولاد ياترى هتعمل اية لو كنت عايز مراتك تنتقب وهيا رفضت؟

برضو بالسنبة لموضوع الشغل
فى رجالة كتير بتحب ان زوجاتها تقعد فى البيت ومتشتغلش ياترى اية رايكم وتعليقاتكم فى الموضوع دا؟؟

جميل لولو سؤالك جدااا
بالنسبه للنقاب انا لو لبسبته هكون بلبسه ارضاء لربي ودينى مش عششان زوجى او حد عاوز منى كدا
لانى مش هلبسه ليه فطبعا لو طلب منى كددا مع انه مش هيحصل لانه اكيد عارف معنى النفاب دا ايه كويس
ولو كان النقاب بيتعمل عشان غيره الزوج على مراته معنى كدا ان ما فيش راجل مراته مش محجبه بيغير عليها
فاكيد دى فكرا غلط
ولو طلب منى كدا هفهمه وعرفه سبب رفضى وهوا اكيد هيتفهمه بس اوعدك مش هيحصل اصلا
اما بقي موضوع الشغل دا
ممكن يكون لينا نقاش فيه
بس بالنسيه ليا انا عاوزه اشتغل اكيد مش عشان فلوس او حاجه بس بيكون اثبات لكيان المراه
وانا حابه اشتغل وطالما انا حابه ككدا هوا مش هيفولى لا
ان شاء الله يعنى
ههههههههههههههه لو قال بقي لينا تصرف تانى ومناقشات
مرسي مره تانيه ليكى لولو

ردودكم اجمل ومنطقيه بجد
حلوه الديمقراطيه بتاعتك يابيدو
ربنا يوفقك ياستروبري انت وسندريلا

انا في راي ان عادي لو لبستو عشان خاطره مستقبلا وطبعا لربنا قبله
وبعدين انا هتلكك والبسه

وبالنسبه للشغل ::انا مش بفضل الشغل الي ممكن يا خد وقت كتييير من المرأه
عشان اثبات نفسها في البيت والتربيه افضل من اثباته في الشغل
بصراحه الوقت الي ماما بتقضيه معانا من غير شغلها بيبقى افضل بكتير
من انها تروووح وترجع تعبانه ووقتها قليل لينا
بس مهنتنا ده خفيفه ممكن الشغل فيها

لعلمك يا لولو الشغل (بالنسبة لينا) موش شرط يكون قاصر علي انك تطلعي مدرسة بالروضة

وانا لما قولت شغلي مينفعش استغني عنه مقصدتش بالتحديد المهنة دي

انما شغل انا الاقي نفسي واثبت نجاحي فيه

اولا لازم اشكرك با لولو على طرحك الجميل لموضوع مهم زي دا، وشكرا للاعضاء على المناقشة الحضارية دي


بالنسبة لموضوع النقاب انا ماحبش افرض على مراتي النقاب مدام لبسها محترم جدا خاصة انه مش فرض واحب انها لو لبسته يبقى عن قناعة ربانية ، لكن اللي افرضه عليها هو اللبس محترم

أما الشغل انا شايف انه مفيد للمرأة لانه بيزود ثقافتها وبيكبر دماغها والحركة تحافظ على صحتها ده غير انه بيكملها احساسها
بذاتها بس بشرط انه ماياخدش منها وقت كبير عشان ها توحشني طبعا وعشان تقدر تاخد بالها من البيت و مني وأكيد طبعا مش عيب اني اشجعها على التفوق في شغلها واساعدها

ولو مش عايزة تشتغل دي حرية شخصية ليها و برضه هايبقى كويس لا نها كده هاتبدع في بيتها

good luck 4 u all

هههههههههههههههه
لا حلوة اراء الرجاله بتوع المنتدى
بس يارب دة يتحقق اصل انا عارفه الدماغ بتشتغل ازاى ههههههههههههههههههههه
صح ولا انا غلطانه
انا رائ زى راى يويو فرولتى هههههههههههههه
صح يا حبيبتى ولا ايه
النقاب دة انا لو هلبسه علشان خاطر ربنا مش علشان خاطر انسان
بس لازم يكون فى اقناع من جوايا
يعنى لوة جوزى جه قالى البسيه علشان بغير عليكى وبحبك اكيد هكون فرحانه اووووووووووى
بس انا اقنعه ان مش هينفع اقول على الحاجات الى لازم اعمل بيها علشان النقاب مش هلبسه شكل وخلاص وربنا يهدى الجميع
وبالنسبه للشغل دى بقى حريه شخصيه
يعنى انا ممكن اتنازل عنه لو اتجوزت انسان بحبه بس بشرط
انى اشتغل مع جوزى علشان اكون جمبه يشغلنى السكرتيرة بتاعته ههههههههههههه
انا هضمن حد برة اصل الرجاله ملهمش امان ههههههههههههههههه
انا بهزر هههههههههههههههههههههههههههههههه
عموما انا لو جالى شغل مناسب وعندى وقت ومش هيتعارض مع جوزى ساعتها هشتغل
لو جوزى دكتاتورى وعاوز يعمل فيها سى السيد يبقى كدة لا
انا اشتغل واكون احسن منه كمان
ههههههههههههههههههههههههههه
اوعوا تفهمونى صح

مرسيه ياجماعه على ردودكم

بجد كلها عجبتني انا من خلالها غيرت شويه حاجات في دماغي