هششششششششش سكـــــــــــــــــــــوت

هشششششششششششش
بس سكوت
مسمعشى صوت
انا نفسى افهم ليه بنسيب الوقت يموت
كلنا هنموت ونترمى فى التابوت
ساعتها مش هتفرق كنت فرخه او كتكوت
مظبوط ؟
مانت عارف كده كويس

بس عادى تفضل هادى والمهم ان انت مهيس
مش شايف قدامك مش فاهم كلامك
قولى لامتى هتفضل رايق ومصدق اوهامك
الحياه قدامك احسبها صح

فيه حاجات كتير انت بتعملها ماتتصلحش
الل راح ماجاش
واللى جه مارحش
ممكن تنام متقومش
ممكن تنزل ماتروحش

هيه دى الحياه مأساه ورا مأساه
واللى راح خلاص لازم تنساه
واللى ربنا اداه وف وهم الدنيا تاه
لما ينزل تحت الارض مش هياخد حاجه معاه

ركز اسمع بص وشوف
حاجه تانيه غير المألوف
من غير خوف من غير كسوف
راح اقول لكو انا ليه مخنوق

ودانى مش سامعه وعينى مش شايفه
الا كلام فاضى ومواضيع هايفه
وبنات سايبه وولاد مش فايقه
واهالى رايقه مبقتشى خايفه

واللى زايده الطلبه الخايبه
الدروس مش جايبه فايده
واتارى كل الناس متضايقه
حاجه خلت دماغى تايهه
نفسى الاقيها واخبيها
من كل الدنيا وبلاويها
لو ما فهمتش ايه اللى فيها
يبقى معندكشى سرعة بديهه
وملكشى فيها

فكر مره والثانيه قبل ماتاخد اى قرار
خليك فايق كل دقيقه وكل ثانيه ليل ونهار
الدنيا دى غريبه تثبيته وحوار
كله نفسه يغير الحقيقه بزرار

مابقاش للواحد صاحب يستأمنه على الاسرار
كله عايز مصلحته القط بياكل الفار
حط فى الاعتبار
سرقة الافكار
اى حاجه بتطلع موضه كله بيمشى مع التيار
باختصار ...ان الحكم بالدولار
حتى اتفرج على نشرة الاخبار

ده كلام اغنية لشوية شباب من بتوع اليومين دول .. اللي مش على بعضهم خالص
المهم ان الكلام عجبني اوي .. وحسيته بيوصف الحاله اللي احنا فيها
ولا انتو رايكو ايييييييييه؟؟

مظبوط ...انا مع حضرتك ف الراى

ثانكيو

ههه وانا معاكي برضه