تعالوا نهزر

اما تبقى عارف انك كده كده هتتخرج من كليتك

و بعد ما تتخرج هتشتغل باللى انت درسته او حتى مش باللى انت درسته

و مبتزاكرش و مطنش كل حاجة فى الكلية


يبقى انت بتهزر


لما تبقى عارف ان كما تدين تدان .. و أن ربنا هو العدل
..
و كل همك انك تظبط البنت دى و تمشى مع دى و تكلم دى فى التليفون و
تقابل دى و تتخانق او تفركش مع دى

و لو شفت اختك او بنت خالتك او حتى بنتك بتعمل ربع اللى انت بتعمله
تتنرفز و تتضاييق و تعمل يها سبع رجالة


يبقى انت بتهزر


لما تشوف و تسمع بعينيك
و ودانك واحد جاتله ذبحة صدرية و مات فى الحال , أو التانى اللى جاله
سرطان فى الرئة ( و دول بالالافات زى مانت عارف )


و لسه بتروح السوبر ماركت بكل ثقة و تفتح بقك بسنانك المقززة و
تقول للبايع علبة سجاير لو سمحت


يبقى انت بتهزر


لما تبقى عارف ان الماتور الكباس من كتر الاستعمال بيبوظ و يترمى و
مينفعش يتصلح

و بردو لسه مصمم عاللى انت بتعمله


يبقى انت بتهزر


( و فاهمنى طبعا ياض
انت و هو )

لما تبقى عارفة ان الولاد لما بحبوا يهزروا هيهزروا مع البت اللى
بشعرها و حاطة فول ميكاب كل يوم

و ساعة ما ييجوا يدوروا على زوجة مبيبصوش لكل الحاجات دى , و
هيدوروا على المحجبة المؤدبة الملتزمة ..

و انتى بردو تقفى قدام المراية ساعتين قبل
ما تنزلى و كل همك انك تكونى احلى واحدة فى الشلة
انهاردة و كل العيال الصيع يبصوا عليكى ..


يبقى انت بتهزر


لما تكون عارف انك هتموت هتموت ..

و ان فيه جنة و فيه نار ..

و مقصر فى صلاة الفجر عشان معاد الكلية او معاد الشغل , او مبتصليش
فى الجامع عشان الدنيا برد , او مبتصليش خالص أساسا


يبقى انت بتهزر


و لما تكون عارف ان القران هينطق يوم القيامة يشهد ليك او عليك

و ممسكتش المصحف من ساعة رمضان ما خلص .. و مش ناوى تمسكه تانى الا
رمضان الجاى

و صلاتك كلها بالسور القصيرة الاخيرة من جزء عم


يبقى انت بتهزر


و لما تكون عارف ان ربك و رب الكون كله يتنزل الى السماء فى الثلث
الاخير من الليل

و يقول من يدعونى فأستجيب له ؟ من يسألنى فأعطيه ؟ من يستغفرنى
فأغفر له ؟

و بدل ما تصليلك ركعتين قيام - ركعتين بس -

قاعد طول الليل ع النت او ع القهوة لحد قبل الفجر بربع ساعة - عشان
تلحق تنام قبل الفجر ما يأدن -



يبقى انت بتهزر



و لما تقف مع واحد بيهزر فى كل الحاجات اللى انا قلتها فوق دى

و تقف تضحك و تهزر معاه ..


يبقى انت بتهزر



و لما تكون انت نفسك بتهزر فى كل الحاجات اللى انا قلتها فوق دى

- و تسمع واحد زى
فاروق حسنى عمال يهبل فى التلفزيون و الجرايد ..

فا تتنرفز اوى و تتخنق و تتحمق


يبقى انت بتهزر



- أو تعرف ان بنات
بتتقطع هدومها و يتخلع حجابها فى الشوارع ..

فا تتخنق و تتنرفز و تتحمق أوى



يبقى انت بتهزر



- او تشوف مصايب و بلاوى على قنوات الاخبار فى فلسطين و العراف و لبنان و كل بلاد
العرب و المسلمين


فا تعيط بالدموع .. و تتخنق أوى و تتنرفز و تتحمق أوى


يبقى انت بتهزر



و لو كنت فاكر ان انا ببالغ او بهول فى اى حاجة قلتها



يبقى انت بتهزر



و لو قريت كلامى كله .. من غير ما تفكر فى اى حاجة و لو بسيطة و
تاخد قرارات جادة


يبقى انت بتهزر



و بعدين بقولك ايــه


هو لما كل حاجة كده هزار


امال ايه الحاجات الجد اللى فى حياتك ؟؟؟


عد كده مع نفسك .. كام حاجة جد فى حياتك ؟؟


طب مش لما تخلص الحاجات الجد اللى المفروض تعملها فى حياتك .. تبقى
تهزر براحتك ..


ولا أنا كلامى غلط ؟؟


ولا هو أنا بهزر ؟؟؟؟؟؟

و لما تقف مع واحد بيهزر فى كل الحاجات اللى انا قلتها فوق دى

و تقف تضحك و تهزر معاه ..


يبقى انت بتهزر


جامدة اوى الحته دى
ههههههههههههههههههههههه

الا مين فاروق حسنى دا؟؟؟؟