تفتكروا ايه الاحسن للبنت ان ابوها وامها يسيبوها تعمل اللى هي عايزاه
ولا يحطوا لها حدود لازم ما تتخطاها ؟؟؟؟
1/حاليا البنت بتدخل على النت وتتعرف على شاب وتوهم نفسها انها خلاص بتحبه وبتتعذب لو ما كلمهاش و تشغل تفكيرها بحاجات اكبر منها ولا اساس لها من الصحه
2/دي الكارثه الاكبر انها ممكن تبعتلوا صورتها و بعدين يطلب انو تقابلو وانتوا متوقعين طبعا ايه اللى بيحصل بعد كده
3/ اما النوع الاخر من البنات وده انا بعتبره الاتفه(عذراً) ان هى تلاقى ان كل صاحباتها بيعرفوا شباب وهى لا ولما بتتعرف عى الشاب بتبقى عامله زي العجينه في ايديه يقوللها روحي شمال تروح تعالى يمين تروح
4/ اما النوع الاخير وهو اللى تعبان اكثر هى البنت اللى ما عندهاش ثقه فى اى حد حتى ابوها وامها ما بتثقش فيهم و كل الناس عندها فى موضع شك و بتلغى مشاعرها لدرجة انها تتضايق من نفسها و هى معتقده ان هي مش هترتاح ابداً وحتى مش هتبقى زوجه سعيده ولا حتي ام حنونه
تفتكروا ايه السبب فى ان البنت تبقى واحده من الانواع ديه وطبعا كل نوع منهم ليه حالاته ومشاكله الكثيره .
هل التربيه السبب ؟ ولا مجتمعنا اللى مغمض عينه عننا هو السبب؟ ولا احنا بنحب نعيش فى الوهم الكاذب اللى هوه الحب و الرغبه فى الحب فى سن محدش عارف ازاى البنت بتفكر و ايه اللى هيا محتاجاه ؟
طيب بعدما تحددى انتي من اى نوع وايه السبب فى مشاكلك النفسيه اللى بتضر للاسف تفتكرى ايه الحل يا ريت اللى تعرف الاجابه تقولنا عليها و اللى عندها اسباب تانيه غير المذكوره يا ريت تفيدنا بيها
