زرافة و فيل وأسد وفأر وثعلب وارنب ماشيين في الغابة ، وقعوا
كلهم في حفرة إلا الزرافة ،قالولها :جيبي لنا حبل. قالتلهم :ما فيش. قالولها :إحنا
جعانين عايزين ناكل .قالتلهم: ماعرفش أجيب لكم أكل. قالولها: والعمل؟ قالت لهم:
كلوا أضعفكم ..... قام الفأر نط مرة واحدة وقال لهم : اللي حيقرب من الأسد حيعرف شغله
الصعايده بيتخانقوا مع الفلاحين
راحوا الفلاحين مستخبيين فى الدره والصعايده فى القصب
الفلاحن ينادوا ويقولوا يا محمدين
يخرج لهم محمدين يروحوا طاخينه
كل شويه يعملوا الحركه دى
كبير الصعايده اجتمع بالصعايده فى القصب
وقالهم مينفعش كده
احنا لازم نتصرف
قالو له شور علينا يا كبيرنا
قالهم احنا لازم نبقى اذكى
لو الفلاحين نادوا وقالوا محمدين
يخرج لهم عوضين
واحد غبى قوى دخل مطعم
طلب لحمة راس
واللى جانبه طلب سمك
اللى جانبه ينده على الجارسون ويقوله عايزين نعوم السمك
قصده يشرب يعنى
صاحبنا الغبى
حب يقلده وقال للجرسون ......عايزين نسقى العجل
واحد بلدياتنا رجع من امريكا قاعد بيحكي لأبوه وأمه الحاجات الغريبة اللى شافها .
بيقولهم دانا شفت هناك واحد وقع من فوق عمارة طويييلة... قعد ثلاث ايام لحد ما
وصل الأرض.
أمه سألته: طيب مات ؟؟
ابوه رد عليها: أكيد يموت 3 أيام من غير أكل وشرب
جمبري في الطبق.............لأ
أرنب في الجردل .............لأ
كابوريا في البانيو.............لأ
أحسن اتصل بالدكتور ...........ألو دكتور أنا عندي أيه بالضبط؟
قاله ده عاشر مرة تسألني أنت عندك سرطان في الحوض
كان فى مرة واحد صاحب مزرعة جزر وكان بجانبه واحد صاحب مزرعة ارانب كان كل يوم يجى صاحب مزرعة الجزر
يلاقى الارانب كلوا الجزر بتاعه كل يوم كل يوم لحد مازهق وقرر انه يكسر
اسنانهم عند مزرعة الارانب وبعد كده راح عند الارانب وجاب شاكوش وكسرلهم سنانهم
جاه تانى يوم الصبح لقى الجزر بتاعوه بردوه حد كله راح عند الارانب ومسك واحد فيهم
وقالوه :واديتوه الجزر فين
قالوه الارنب :عملناه عثير وثربناه
واحد صعيدى بيمتحن لوحدة طلع الثانى
فرخة استحمت بشامبو هيد آند شولدرز باضت بيضة من غير قشرة
في دكتور عيون راكب عربية شاف اشارة المرور حمراء نزل حطلها قطرة
نكتة ماشية بتعيط
عشان واحد ضحك عليها
حوار بين اتنين اصحاب واحد صحفى وصاحبه موظف بيدخن
هل قرأت مقالتي عن مساوئ التدخين؟ نعم بالتاکيد! وماذا قررت؟؟ قررت ان
اترك القراءة!
غبى قال لابنه اطلع اسقى الزرع
ابنه قاله يا بابا الدنيا بتمطر !
قاله مش عايز عزر خد شمسيتك واطلع
ُسُئل احد الحشاشين عن سبب تسمية قناة السويس بهذا الاسم ،, فأجاب لان
السفن تعبرها بسويس بسويس
واحد بيسأل صاحبه
هو عمرو دياب أخو محمد فؤاد
قاله لا خالص ده تشابه أسماء بس
واحد بيسأل واحد صاحبه بخيل اوى ايه معنى الفرج بعد الشدة
قاله البخيل : الشدة انك تزورنى على الغدا والفرج انك تكون صايم
ممرضة دخلت على واحد مريض لقته نايم
جابت كوباية مية ورشتها فى وشه فقام مفزوع
قالها عايزة ايه
قالته ده معاد المنوم
واحد صعيدى كان مسافر أمريكا 3 شهور، أصحابه قالوله ياخد معاه 3بلاليص مش علشان الأكل اللى بياكلوه هناك مش حلال.
بس نبهوه يسمى قبل ماياكل أحسن الشيطان ياكل معاه
فى أول شهر أكل أول زلعة بس نسى يسمى،
تانى شهر برضه نسى يسمى،
تالت شهر طلع له الشيطان يقول له : أبوس ايدك سمى صدرى اتحرق !!!!
واحد بيحب يجرى ويجرى مابيحبهوش
واحدة وقفت تاكسي تقوله اروح المعادي
قالها روحي بس متتأخريش
واحد حرامى بيكلم صاحبه
الدنيا ما فيهاش خير...جيت اسرق محفظة أبويا , لقيت محفظتي فى جيبه
اسمع الحوار ده بين اتنين سمعهم تقيل ((جامد أوى عشان أختم بيه الموضوع ))
كان اتنين سمعهم تقيل واقفين على محطة الاتوبيس
الأول : الاتوبيس ده بيروح مــصر الجديدة؟
الثاني : على الحديدة !!... ليه انت طالب احسان
الأول : بذرة الكتان !! لا ..دي تلاقيها عند العطار
الثاني : جزار!! اه ..قوللي كده .. عايز تشتري لحمة
الأول : معك حق.. الدنيا زحمة ..علشان ده ميعاد خروج الموظفين
الثاني : نور الدين !! لا والله .. ماعرفوهش
الأول : ما بتشربوش!! ليه ..كفا الله الشر
الثاني : رأس البر !!! ..ده مــصيف هادي
الأول .: عايز تركب للمعادي... دي منطقة جميلة
الثاني : بليلة !! انت شكلك كده جعان
الأول : عيان!!! أي والله .انت باين عليك عيان ..طيب ما تروح للدكتور
الثاني: الحنطور!! ده احسن من الأتوبيس ، وبيوصلني لحد الباب
الأول : هبــــاب !!! وانا اللي كنت فاكرك محترم
الثاني : اتخـرم !! هو مين ؟
الأول : عاوز اسـبرين ! ليه انت عندك صداع ؟
الثاني : قراع !!! ينهار اسود . ده مرض خطير
الأول : لا والله مش عايز. وبعدين مش بأحب الفطير. تقيل على المعدة وتمنه غالي
الثاني: خالي.. انت تعرف خالي ؟ ده راجل كبير في السن
الأول : الجن .. نهارك مش فايت ..انت عليك عفريت .!؟
الثاني : لا والله ..ممعاييش.. انت عايز الكبريت ليه . عايز تولع؟
الأول : أدلع ! أدلع عليك انت!؟ انت ما تملاش عنيا
الثاني :يقبضوا عليا !! ليه !؟
الأول : انت غريب يا راجل انت..شكلك شحات ، (يدفعه من القميص) روح اشتغل شغلة تاكل منها عيش
الثاني : خيش!! والله ده صوف انجليزى
الأول: بنتك زيزي!!! ربنا يخلي...
الثاني : أنتاج محلي .!!!! ده مستورد
يمر شاويش من بتوعنا ... يلفت انتباهه الحوار، : بتعمل ايه يا جدع منك له!
الاتنين: ايوة يا شاويش ...احنا مستنين الأتوبيس
الشاويش :! جواسيس .... نهاركم مش فايت!!! قدامي على القسم
