مـاذا تفعل اذا صادفت (حــ)ــبك الأول

هو موقف محرج بالتأكيد لكن لكل منّا طريقته في مواجهته بأسلوب عفوي في
الغـالب
حيث يكون
معظمنـا أمام مجموعة محددة من الخيارات:
أما المبادرة والسلام او
التجاهل والهروب ومحاولة تملص
لكن ثمة مشاعر غريبة تختلج في داخلنا في تلك
اللحظات .
نحاول
جاهدين اخفاء انعكاساتها على وجوهنا
السؤال هنـا
ماذا تقعلـ\يـن اذا صادفت والتقيت حبك الأول
وانت برفقة حبيبك الجديد او حبيبتك الجديدة ؟

شاركوني
بأرائكن

حلو اوى التوبيك يا ساندى ميرسي ليكى
اجابتى ع السؤال بصراحه انا مش جربت الموقف ده سواء مع حبيبى ا و حبيبه
بس لو حصل هيكون ممكن مع حبيبه
اما حبيب اعتقد انه مش هيحصل لان انا الحبيب الاول هيكون هوا الاول والجديد طبعا
ميرسي يا ساندى تانى ع التوبيك

العفو يا حبيبتي

لكن بردو مقولتيش رد فعلك ايه سواء مع الحبيب او حتي الحبيبة زي ما قولتي

ميرسى ياساندى على التوبيك الحلو دة
سواء مع حبيب او حبيه انا شايفه ان هيبقى رد الفعل للاتنين
انهم هيتجاهلوا الشخص ده لانهم
اكيد مش هيبقوا حابين انهم يزعلوا الشخص اللى بيحبوة
يعنى مثلا عشان اوضح
لو انا قابلت حبيب اولانى وانا مع خطيبى مثلا مش هدى لنفسى الفرصه انى ابصله
لانى مش هيبقى ف دماغى وعشان كمان ميزعلش خطيبى
وبعدين الحبيب الاولانى بيبقى وقت وعده
ويسلام ببقى لو هو اللى سايبك وكمان غلطان ف حقك ده انتى المفروض تتفى عليه لما تشوفيه
هههههههههههه
تسلم ايديك ياساندى

مناقشة حلوة جدا

وسبحان الله بجد بجد انا كنت بفكر انزلها عشان الحكاية دي محيراني جدا وبستغربلها جدا

وهاتكلم الاول على الاتنين اللي بيفترقو من غير مشاكل بسبب سوء فهم مثلا

ازاي مثلا اتنين اصحاب كانو من ايام بيخرجوا مع بعض وبيتكلمو بكل صدق وبيزاكرو ويلعبو

او اتنين احباب كان بينهم لحظات حلوه وكلام جميل وكل واحد بيعتبر التاني توأم روحه

و فجأه

بسبب سوء تفاهم او ظروف معينه يفترقوا ولو اتقابلو صدفة يعملو نفسهم مش شايفين بعض وينسو كل حاجة حلوة بينهم

انا يمكن مش اتعرضت لموقف زي دا عشان كده مش عارف ايه رد فعلي بس نفسي كل اتنين افترقو يفتكرو حاجه حلوه كانت بينهم ويراجعو نفسهم و ينسو حكاية الكرامة شويه

بس للاسف أعتقد اني مش هلاقي حل غير اني اعدي عليه من غير كلام لكن هاتتحرك جوايا مشاعر جامده ناحيته لكن هحاول اديله نظرة اقوله فيها اني لسه باقي عليه وممكن فيه رجوع بس بجد انا شايف انها لحظه صعبه وصعب التكهن برد فعلي فيها

اما بقى لو كان الفراق دا نتيجة ان الانسان دا طلع وحش و غدر بيا

فأكيد الشخص دا هايبقى بره حياتي و كل مأشوفه هاندم اني عرفته و هافتكر كل لحظه كنت فيها مخلص ليه و هاندم عليها وهتجاهله تماما

شكرا تاني عالمناقشه الجميلة

معلش طولت شويتين وياريت تتقبلي مروري

التوبيك جميل جدا تسلم ايدك
وسينتست مسبلناش حاجة نقولها وقال كل حاجة
بس فعلا هو عندة حق
وبجد هو دة الي المفروض يتعمل
انا معاك في الراى دة ومؤيدة علية جدا
لان لما نقابل حب جديد في حياتنا المفروض اول واهم حاجة لية هيا الاخلاص والامانة والنظرة سهم من سهام ابليس ربنا يكفينا شرها
ولازم نراعى بردة شعور الانسان الجديد دة ومنحاولش نجرحة
لان خلاص انتى ربطك علاقة جديدة يعنى المفروض حياتك الي فاتت صفحة تقفليها او تقطعيها خالص من كتاب حياتك
لان الانسان الجديد دة امنك على كل شئ يعنى حتى النظرة متنفعش خالص للقديم
يارب تكون وجهت نظرى سليمة

مش عارفة بجد ربنا ما يحطني في الموقف ده ربنا يجعل حبي الأول هو حبي الأخير و هو شريك حياتي
بس أعتقد إني لو كنت في الموقف ده و مع حبيبي التاني و كنت بحبه بجد يمكن مخدش بالي أصلا إن حبيبي الأول عدا من قدامي و لو خدت بالي هيبقى مجرد شخص عادي
بس في حالة إني اتهزيت من جوا أو مجرد اتضايقت يبقى أنا منسيتوش و محبتش التاني

على فكرة يا سندريلا إنت سألتي السؤال و مقلتيش إنت تعملي إيه و أنا بصراحة عندي فضول أعرف................؟

والله وحشتني المناقشة جداااااا معاكم
لاننا افتقدنا ده في الفترة الاخيرة
كل سنة وانتم طيبين جميعا
ندخل في صلب الموضوع:

اقتباس :: ميرسى ياساندى على التوبيك الحلو دة
سواء مع حبيب او حبيه انا شايفه ان هيبقى رد الفعل للاتنين
انهم هيتجاهلوا الشخص ده لانهم
اكيد مش هيبقوا حابين انهم يزعلوا الشخص اللى بيحبوة
يعنى مثلا عشان اوضح
لو انا قابلت حبيب اولانى وانا مع خطيبى مثلا مش هدى لنفسى الفرصه انى ابصله
لانى مش هيبقى ف دماغى وعشان كمان ميزعلش خطيبى
وبعدين الحبيب الاولانى بيبقى وقت وعده
ويسلام ببقى لو هو اللى سايبك وكمان غلطان ف حقك ده انتى المفروض تتفى عليه لما تشوفيه
هههههههههههه
تسلم ايديك ياساندى

يا عم يا عم ع الكلام الجامد ده
ربنا يهنيكي يا سمسم يا حبيبة قلبي يااااارب
ويسعدك بالحب الحلال ويتمملك علي خير وموش هسيح اكتر من كدا بقا عشان متقوليش اني قولت حاجه اهو

ههههههههههههههههههههههههههه

اقتباس :: وهاتكلم الاول على الاتنين اللي بيفترقو من غير مشاكل بسبب سوء فهم مثلا ازاي مثلا اتنين اصحاب كانو من ايام بيخرجوا مع بعض وبيتكلمو بكل صدق وبيزاكرو ويلعبو
او اتنين احباب كان بينهم لحظات حلوه وكلام جميل وكل واحد بيعتبر التاني توأم روحه
و فجأه
بسبب سوء تفاهم او ظروف معينه يفترقوا ولو اتقابلو صدفة يعملو نفسهم مش شايفين بعض وينسو كل حاجة حلوة بينهم

ساينتست الجيل
فعلا الحالة اللي انت اتكلمت عنها دي حالة مؤسفة واي حد مر بيها اكيد بيحس بالاسي فعلا
ربنا ميكتبهاش علينا ابدا

اقتباس :: أعتقد اني مش هلاقي حل غير اني اعدي عليه من غير كلام لكن هاتتحرك جوايا مشاعر جامده ناحيته لكن هحاول اديله نظرة اقوله فيها اني لسه باقي عليه وممكن فيه رجوع بس بجد انا شايف انها لحظه صعبه وصعب التكهن برد فعلي فيها

هو رد فعل كويس
لكن السؤال تحديدا اللي انا بسأله
هو في حالة معينة .. وهي ان انت قابلت الحبيب القديم وانت برفقة حبيب جديد

يمكن الكل خرج عن اطار الحالة دي ولكن انا بردو سعيدة بالمناقشة

اقتباس :: التوبيك جميل جدا تسلم ايدك
وسينتست مسبلناش حاجة نقولها وقال كل حاجة
بس فعلا هو عندة حق
وبجد هو دة الي المفروض يتعمل
انا معاك في الراى دة ومؤيدة علية جدا
لان لما نقابل حب جديد في حياتنا المفروض اول واهم حاجة لية هيا الاخلاص والامانة والنظرة سهم من سهام ابليس ربنا يكفينا شرها
ولازم نراعى بردة شعور الانسان الجديد دة ومنحاولش نجرحة
لان خلاص انتى ربطك علاقة جديدة يعنى المفروض حياتك الي فاتت صفحة تقفليها او تقطعيها خالص من كتاب حياتك
لان الانسان الجديد دة امنك على كل شئ يعنى حتى النظرة متنفعش خالص للقديم
يارب تكون وجهت نظرى سليمة

وجهة نظرك جداااااا جميلة بجد عجبني كلامك يا انجل

منورة التوبيك يا قمر

وربنا يسعدك ياااااارب في حياتك

اقتباس :: مش عارفة بجد ربنا ما يحطني في الموقف ده ربنا يجعل حبي الأول هو حبي الأخير و هو شريك حياتي
بس أعتقد إني لو كنت في الموقف ده و مع حبيبي التاني و كنت بحبه بجد يمكن مخدش بالي أصلا إن حبيبي الأول عدا من قدامي و لو خدت بالي هيبقى مجرد شخص عادي
بس في حالة إني اتهزيت من جوا أو مجرد اتضايقت يبقى أنا منسيتوش و محبتش التاني

تفااااااحة المنتدي
منورة التوبيك من غير كلام
وليكي وجهة نظر اعتقد سليمة
ولكن اسمحليلي هي مش سليمة 100%
لاني اعتقد اني شيء طبيعي لازم هتتحرك جواكي مشاعر سواء سعيدة او حزينة لما هتشوفي حد كنتي بتحبيه قبل كدا مثلا
وده موش بالضرورة يكون معناه انك لسة بتحبيه او مبتحبيش التاني
ولا ايه رايك

التفاحة كتب:: على فكرة يا سندريلا إنت سألتي السؤال و مقلتيش إنت تعملي إيه و أنا بصراحة عندي فضول أعرف................؟

ههههههههههههههههههه
بصي يا تفاحة
هي دي بتتحدد بصراحة حسب الموقف
مثال يعني: زي ما ساينتست الجيل قال ممكن اتنين كانو بيحبو بعض وسابو بعض لسوء فهم او لظروف اقوي منهم
تفرق عن لو انك افترقتي عن الحد ده برغبتك لانو طلع موش كويس او بيخدعك

وحاجة تانية كمان
تفرق لما يكون اللي انتي برفقته التاني ده بتحبيه فعلا
ولا موش بتحبيه (يمكن مثلا خطيب او زوج بس من غير حب يعني)

اعتقد اعتقد اعتقد بصفة عامة يعني
زي ما انجل قالت اهم حاجة هي الاخلاص والامانة
حتي لو كان اللي بينا موش حب
بس متهيألي في موقف زي ده هنتقي الوقت المناسب في اسرع فرصة عشان اقول للي انا مرتبطة بيه ده علي ان فلان اللي عدي ده انا اعرفه وحكايته كذا كذا كذا

موش عارفة ليه ده هيكون رد فعلي بس ده اللي انا حاسة اني المفروض اعمله

هاااا عايزة اعرف بقا ايه رايك في اللي انا قولته
بما انك كان عندك فضول تعرفي رايي

بجد دا تصرف في منتهى الروعة
بجد كلامك حلو أوي إنت عندك براءة و جراءة مش عندي
أنا بصراحة مقدرش أعمل كده
مقدرش أحكي للراجل على أي حاجة ممكن تكون حصلتلي بحس إنهم بيحسوا إنها غلطة
مع إنهم لو حبو احنا كبنات بنتقبل ده بكل احترام
برضو هيا حسب شخصية الراجل بس أنا معنديش القدرة على كده و مضمنش رد فعله بعد الجواز يمكن لما أعرفه كويس و يطلع حد بيحترم الأنثى بجد ممكن أحكيله
بس أنا عندي حاجة جوايا أنا من ساعة ما عرفت الشخص إللي قدامي و ارتبطت بيه بقيت من حقة و مش من حقي أخونه
لكن قبل كده دي حاجة مش تخصني و مش تخصوا من نحيتي و نحيتواولا إنت رأيك إيه؟

ردك الجميل على كلامي طبعا صح
بس بجد أنا مش عارفة
يمكن عشان أنا بؤمن بمقولة"حبك الأول هو حبك الأخير"
و حاسة إني لو حبيت للمرة التانية يبقى أنا حد جديد غير إللي فات خالص انسان تاني بتفكير تاني
لازم يكون الشخص إللي فات طلع و راح بكل معانيه و ذكرياته
يمكن مفتكرهوش لو قدام عيني
ودي حاجة صعبة يمكن شبه مستحيلة
ولا رأيك إنت إيه؟

» هل تنسى حبك الأول بعد الزواج
» ماذا تفعل للتخلص من حزن باخلك ولا ينتهى ابدا؟
» مازا تفعل عنما تشتاق لاناس لم يعد لهم وجود في حياتك
» لاتنام قبل ان تفعل خمسه اشياء
» ماذا تفعل لو اكتشفت ان حبيبك خانك بعد خمس سنين حب..............؟؟؟؟؟؟؟؟؟؟؟؟