سلامو عليكو
انتم طبعا عايزين رايي المتواضع وانا اخرتة عشان الطرفين يقولوا كل ال عندهم ونقفل الموضوع دة تماما
وانا هقول وجه نظر سريعة من خلال قراتى للردود وكذلك لمتابعتى ليها من الاول
اولا/
ميصحش ابدا ان الردود دى تذكر فى منتدى كلية مهما كان حصل وبغض النظر عن الطرف ال بدا بالاساءة
ثانيا/
احنا فى منتدى كلية وكلية جديدة ميصحش ابدا ذكر مثل هذة الردود من الطرفين اين كانت الاسباب
ثالثا/
ان الله غفور رحيم
فما بالكم احنا يا بشر مش هنغفر لبعض ولا اية ؟
او بمعنى اصح مش هنسامح بعض
رابعا/
برنسس ديدى وبوسى
طلبت كل واحدة تحويل التانية لعضو منبوذ
وانا من وجهة نظرى البسيطة
ان دة عمر ما هيحصل ولو بتخدوا برايي ميصحش الكلام دة مهمه كان النجاوز
المسامح كريم وخيركم الذى يبدا بالسلام
كمان هنستفاد اية من التحويل لعضو منبوذ
مش كفاية
احنا عشان محلناش المشكلة من الاول وسكتنا ع الردود
الخلاف زاد
الشيطان دخل
وما بالكم لما شوشو يدخل بئة
انسى يا عمرو
احم احم
اه نسيت انى القاضى
نرجع تانى
فانا لما اجى اعالج الموضوع معلجش الغلط بالغلط واقوم محولة اى حد من الطرفين لعضو منبوذ
لا
لان الطرفين غلطوا فى بعض مهمه كان مين ال بدا
اما الحكم ال انتم منتظرين تسمعوة
فانا عمرى ما هحكم يا جماعة
انا هخلى العشرة ال بينا تحكم
احنا يا بوسى انتى وديدى
عشنا مع بعض وخرجنا وكلنا وكنا بنخاف على بعض اسبوع كامل وكنا بنحافظ على بعض
كل دة ملوش قيمة والله دة احنا كنا اخوات واكتلر حتى يا ستى اخوات فى الاسلام
والاخوات مهما حصل مبيعملوش فى بعض كدة لو اخوكى عمل فيكى حاجة هتحولية لعضو منبوذ
ما هو مش شرط عضو منبوذ ع المنتدى
لالالالالا
دة مممكن الشخص يبقى عايش معاكى لكن منبوذ بالنسبة ليكى
كمان انتم هستفيدوا اية من تحويل حد منكم زى ما كل واحدة طلبت لعضو منيبوذ
الشيطان هيدخل اكتر
المشكلة هتكبر اكتر واكتر
الفجوة بينكم هتزيد
كمان يا جماعة انا عايزة اقول حاجة مهمه كانت المشكلة ال بينا كان ممكن نحلها بطريق اقصر من ال احنا فية دة
فى حاجة اسها رسايل خا صة
شفتى رد مبهم او مش حلو او حاسة ان موجهة ليكى بطريق غير مباشر
ابعتى للشخص رسالة افهمى قصدة لعل وعسى انتى فهمتى غلط الرد مثلا او هوة ميقصدش الرد ال كتبة
كتيير اوى الواحد ساعات بيبقى عايز يفول حاجة لكن مبيتوقعش ابدا انها هتوصل للشخص بالصورة ال وصلت لة
صح ولا انا غلطانة؟
لكن الحمد الله وقدر الله وما شاء فعل
دلوقتى العشرة ال بينا بتحكم ان كل واحدة تسامح التانية مهما حصل بينا احنا فى رمضان واخوات فى الله وكمان زمايل فى كلية واحدة ازاى هنعامل بعض لما الدراسة تيجى يا جماعة
ولا هتقطعوا بعض ومش هتكلموا بعض تانى
عايزاكم تفتكروا ايام المعسكر وكل ثانية حلوة عشتوها سوا
وانتم هتقولوا على نفسكم انكم عيال وفعلا غلطتم وهتسامحوا بعض
مقدرتوش
ودة مش عيب
لانننا نفس بشرية تختلف فى ردود الفعل
واجهوا بعض
فيس تو فيس
وقولوا كل حاجة لبعض عشان النفوس تصفى
غير كدة يا جماعة فى حديث للرسول بس مش متذكرة نصة اوى
بما معناة يعنى
التمس لاخيك المسلم بضع وسبعون عذر
عايزين لما نزعل من بعض نلتمس لبعض الاغعذار
لعل وعسى نكون احنا ال غلطانين فى ال قدامنا بس مش واخديين بالنا
كمان المنتدى احنا بندخل
عشان نستفيد
نكلم بعض
نعرف بعض اكتر
مش عشان نحرق دم بعض ونخسر بعض وندخل الشيطان بينا
وشوشو لما بيدخل
انسى يا عمرو
ههههههه
ما علينا
كمان يا جماعة ان بعض الظن اثم
مش عاوزين نظن فى بعض مهما حصل
لان الظن ممكن يؤدى لظلم
والظلم ظلمات
واحنا منقدرش على ظلم ربنا ابدا
ولا على ضميرنا
حاسة ان ال قدامى بيرد علية ردود مبهمة او مش حلوة او مسيئة لشخصى بطريق غير مباشر ابعت لة رسالة خاصة اسالة فيها او اشوف بيعمل كدة لية
يمكن يكون زعلان منى وطلع زعلة علية بالصورة دى
يمكن اكون انا ال غلطت
وانا مع ذلك مببررش للردود المبهمة ل
لا
كمان احنا لازم
منمشيش ورا الظن فى كل حاجة
كتير اوى ناس خسروا بعض بسبب ظن وغالبا بتبقى ظنون سئة وخاطئة ومن الشيطان وعشان كدة
نواجه ال قدامنا عشان المواضيع متكبرش وتضخم وشوشو ميدخلش كمان
كمان مش عايزين نواجهة السيئة بالسيئة
عايزين نواجها بالحسنة
فلان رد باسلوب غير لائق
والله انا مجيش وارد علية بنفس اسلوبة
واخلية ياخد من حسناتى كمان اخلاقى
متسمحليش ارد علية باسلوبة
صح ولا اية ؟؟؟
يبقى دلوقتى احنا عايزين نسامح بعض بغض النظر عن الغلط والغلطان
او نواجة بعض بينكم يا ديدى وبين بعض
دة لو مش قادرين تسامحوا وانا شايفة انا بردة حل كويس
يا رب اكون قدرت اصلح بيننكم واقول كلمة حق تحسن الموضوع شوية
ومكنش زعلت حد منى
لكم منى الحب والود
حواااااااااااااااااا
