حوار مع أحد محبي الغناء ... رااائع!

ربي أعلم بنيتي ... فاللهم يا رب وفقنا لكل خير دائما

فلا أحرم ولا أحلل

حتى لا يغضب احد منى هقولكم المختصر المفيد
واحد نازل من بيته لا يغض بصره عاجبته واحدة حلوة اوى في الكلية ...
يتكرر الامر الى ان جاءت عينه في عينها .. فابتسم لها فبادلته الابتسامة!
كان هيتجنن!!....
رجع البيت وأول حاجة عملها فتح الكاسيت وشغل(ضحكــــــــت) وهي أغانى شبابية ممن يتحدثون فيها عن الحرام باسم الحب !!!!

هل يتأتى له الخشوع في حياته هل سيتقى الله فيما بعد ام ان حياته قد يكون بها شئ من التحول والهيام؟!!

اقول يا جماعة .. انا دلوقتى واحد بحب اسمع الاغانى موووت...هقولك استنى بس !!
هي جاية على هواك....؟
اه جداااااا
طب فكر كدة هل هي ترضي الله أم لا؟!
انا براعي ربنا في كل حاجة بس الأمر ده فيه خلاف!
همم..خلاف في التحريم؟
اه...في شيوخ حللوها..
وانت بقة هتمشي مع اى رأى
الحلال طبعا
هل علشان الموضوع جاي على هواك؟
ها......!!
طب هقولك حاجة بتسمع اغانى لشباب ولا لمغنيات؟
ال2
همم....طب تعرف ان المغنيات هم القانيات التى قال عنهن صلى الله عليه وسلم
( سيكون في آخر هذا الزمان مسخ وخسف وقذف...
اذا استحلوا المعازف والخمور والقانيات)
مسخ:تغير الصورة للأسوء
خسف:أن تذهب الأرض بمن عليها
قذف: حجارة من السماء
القانيات: المغنيات
ها......!! ..لالا بس في علماء حللوها ..وانا هسمع لرجال بس!
طب هقولك حاجة ....هل معانى الاغانى اللى انت بتسمعها دي مافيهاش كلام يخدش الحياء؟؟
ازاى يعني؟؟
هقولك ..يعني كلام عن الحب والهيام وهتجوز. ... وبحبك يا حمار... وغيرها!!
لالا طب سيبك من دول ...مالها بحبك يا حمار يعني فيها ايه؟؟
لالا مافيهاش حاجة بس بحس كدة ان الواحد مش لاقي حاجة يقولها .. فعقله نزل لدرجة ..غريبة ...وبحبك يا حماااار
على اساس ان الدنيا خلصت ومفيش حاجة اغنيلها غير الحمار!!
ايه عندك حاجة تانى عاوز تقولها؟؟
اه...انا حبيت الاغانى اوى ومش هقدرا ابطلها..وفيها الحلو والوحش ..يعنى مثلاً هؤلاء المطربين أحياناً بيغنوا أغانى عن رسول الله_صلى الله عليه وسلم_ ....

يا اخى الكريم ويا أختى الكريمة ::

.. اسألك بالله .. انت بتسمع للأغانى دي بس
لالا ماهو حبة كدة وحبة كدة ....

طيب اقول لك لو ان عالما من علماء الأمة العظماء حلل لك ان تستمع لأحد المطربات الماجنات وانت وافقته .. فلن اقول غير هداك الله واياه ... واذا واجهت نفسك وشوفت انت وافقت الرأى ده ليه بردو هقولك .. رد على قلبك رد على نفسك التى بين جنبيك انا مش عاوز رد منك اطلاقا .... فلتكن الوقفة وقفة مع النفس فقط!!! لا احد من البشر على الاطلاق.

يا اخى الكريم ويا أختى الكريمة ::

هل سماعك لبحبها وفي قلبي ساكن حبها وغيرها ... شايف ده يرضي ربنا...بالله عليك اسأل وجاوب نفسك!!
بس انا بحب ربنا اوووى وعاوز ارضية وبحب الاغانى بردو
طيب انت بتقرأ قرآن؟؟
اكييييييد
اد ايه في اليوم ؟
يعني على حسب ساعات صفحتين ساعات جزء ساعات نص كدة يعني ..
أقول لك ما اجتمع حب القرآن والأغانى في قلب شخص
ازاى بقة ما انا بحب ال2
طيب اقولك تجربتي الشخصية انا زيك كنت بحب الاغانى يعني مش لروعتها وانى مفتون بيها لا علشان تغيير كدة وبحب الفن اوى
لكن كنت بقرأ بردو في القرآن بس مش كتير ولما سمعت مقولة ان حبهما لن يجتمع في قلب شخص ماصدقتش!!
تعالى بقة لما قررت ان ابتعد عنها وما كنا لنهتدى لولا ان هدانا الله ..يااااااااااه
اقسم لك ان حياتى كلها تغيرت تماماااااا ...والله لن يعرف كلامى إلا من ذاق حلاوة الطاعة وحلاوة الحياة بدون اغانى يااااااااااه على راحة الضمير والله نفسي تكون مطمئنة لا أقع في شك ولا غيره
متأكدة بانى وفقت على الحياد بين الخلاف .. حبييييت ربنا اووووووى
وعندها ربي رزقنى بأشياء لا يعلمها إلا الله

اقول اخيراااا ....والله الحياة بدون اغانى ليها طعــــــــــم تانى!!!

وهذا ليس معناه ان الواحد بيسمع قرآن بس لاااا....فروحوا القلوب ساعة بعد ساعة
فعندكم مثلا مشااااري راشد منزل شرايط كتييييير ما شاء الله وكمان المنشد احمد بو خاطر واناشيد جامدة بجد ....يكفي ان بها طااعة لله

نسأل الله الاخلاص قولا وعملا ...يارب تكونوا استفدتوا ..... واللهم ارنا الحق حقا وارزقنا اتباعه وارنا الباطل باطلا وارزقنا اجتنابه

واللهم ارنا الحق حقا وارزقنا اتباعه وارنا الباطل باطلا وارزقنا اجتنابه

انا فعلا بحاول ابطل تماما سماع الاغاني

ياااارب ارزقنا الهدي يااارب وارضي عنا

جزاك الله خيرا يا امة الله

وجزاكى الله كل خير واسال الله ان يثبتكى على الحق وويوفقك لما يحب ويرضى امين يارب

» مرض الغناء
» رسالة من أسيرة الغناء
» قصة ......حوار بين عقل وقلب
» حوار بين الحياة والموت........
» حوار مع دمعة .....؟